ທ່ານ​ນາງ ວິ​ດາ​ລີ ຈັນທະ​ຜາສຸກ ຮອງ​ຜູ້ອຳນວຍການ​ບໍລິສັດ ເອັສ​ຊີອອກ​ແບບ ແລະ ກໍ່ສ້າງ ຈຳກັດ ແມ່ນ​ໜຶ່ງ​ໃນ 8 ນັກ​ທຸລະກິດ​ຍິງ​ຂອງ​ລາວ ​ທີ່​ໄດ້​ຮັບ​ລາງວັນຜູ້​ປະກອບ​ການ​ທຸລະ​ກິດ​ດີເດັ່ນ​ແມ່ຍິງ​ອາ​ຊຽນ ປະຈຳ​ປີ 2016 ທີ່​ໄດ້ຮັບ​ລາງວັນ​ຢູ່ ​ສສ ຫວຽດນາມ ເມື່ອ​ບໍ່​ດົນ​ຜ່ານ​ມາ​ນີ້ ໂດຍ​ແມ່ນທ່ານ​ຮອງ​ປະທານ​ປະເທດ​ຫວຽດນາມ​ໃຫ້​ກຽດ​ມອບ ເຊິ່ງ​ລາງວັນອັນ​ຊົງ​ກຽດ​ດັ່ງກ່າວ​ ແມ່ນ​ມີຄວາມ​ໝາຍ​ຄວາມ​ສຳຄັນ ​ສຳລັບວົງ​ການ​ທຸລະ​ກິດ​ຂອງ​ລາວ​ເຮົາ ​ທີ່ຈະ​ເຮັດ​ໃຫ້​ຫຼາຍ​ປະເທດ​ຢູ່​ໃນ​ພາກພື້ນ ແລະ ສາກົນ ໂດຍ​ສະເພາະ ບັນດາ​ປະເທດ​ອາ​ຊຽນ ​ໄດ້​ຮັບ​ຮູ້ນັກທຸລະກິດ​ຍິງ​ລາວ​ຫຼາຍ​ຂຶ້ນ.