ຂປລ. ເນື່ອງໃນໂອກາດ ຈັດກອງປະຊຸມຄັ້ງປະຖົມມະລືກ ຂອງຄະນະລັດຖະບານ ຊຸດທີ VIII ທີ່ຈັດຂຶ້ນ ໃນລະຫວ່າງ ວັນທີ 29-30 ເມສາ ນີ້, ຢູ່ນະຄອນຫລວງວຽງຈັນ ໃຫ້ມີຄວາມໝາຍຄວາມສຳຄັນ ແລະ ປະສົບຜົນສຳເລັດຢ່າງຈົບງາມ ບັນດາຄະນະລັດຖະບານ ຊຸດທີ VIII ນຳໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ເຂົ້າວາງພວງມາລາ ຢູ່ອະນຸສາວະລີນັກຮົບນິລະນາມ (ດາວແດງ) ແລະ ວາງກະຕ່າດອກໄມ້ ຢູ່ອານຸສອນສະຖານ ປະທານໄກສອນ ພົມວິຫານ ໃນຕອນເຊົ້າວັນທີ 29 ເມສາ ນີ້.
ການວາງພວງມາລາ ແລະ ກະຕ່າດອກໄມ້ດັ່ງກ່າວ, ເພື່ອສະແດງເຖິງຄວາມເຄົາລົບຮັກ, ກະຕັນຍູຮູ້ບຸນຄຸນ ເຖິງຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນພະບູລຸດລາວ ທີ່ໄດ້ອຸທິດຕົນເພື່ອປະເທດຊາດ ແລະ ການປະຕິວັດ, ຕໍ່ສູ້ກູ້ຊາດ ໃນໄລຍະຜ່ານມາ ຈົນສາມາດຍາດໄດ້ໄຊຊະນະ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໄດ້ຢ່າງສົມບູນ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!