spot_img
Homeຂ່າວທ້ອງຖິ່ນທ່ອງ​ທ່ຽວ​ທ່າ­ແຮງ​ ພັດ­ທະ­ນາເມືອງ​ປາກ​ແບງ

ທ່ອງ​ທ່ຽວ​ທ່າ­ແຮງ​ ພັດ­ທະ­ນາເມືອງ​ປາກ​ແບງ

Published on

ເມືອງ​ປາກ​ແບງກໍ​ເປັນ​ໜຶ່ງ​ໃນ 7 ເມືອງ​ທີ່​ສຳ­ຄັນແຂວງ​ອຸ­ດົມ​ໄຊ​ທີ່​ມີ​ທ່າແຮງ​ບົ່ມ​ຊ້ອນ​ຊຸກ­ຍູ້​ການ​ພັດ­ທະ­ນາເສດຖະ​ກິດ​ຂອງ​ແຂວງ​ໃຫ້​ມີ​ການ​ເຕີບ​ໃຫຍ່ຂະ­ຫຍາຍ­ຕົວ​ໃນ​ແຕ່​ລະ​ປີ ຊຶ່ງ​ທ່າ­ແຮງດັ່ງ­ກ່າວ​ກໍ​ຄື​ການ​ບໍ­ລິ­ການ ແລະ​ ການທ່ອງ​ທ່ຽວ.
ຕາມ​ການ​ລາຍ​ງານ​ຂອງ ທ່ານ ສຸກ ສະ­ຫວັນ ທິວ​ມະ­ນີ​ວົງ ຫົວ­ໜ້າ​ຫ້ອງ­ການ ຖວ​ທ ເມືອງ​ປາກ​ແບງໃຫ້​ຮູ້​ວ່າ ວຽກ​ງານທີ່​ສຳ­ຄັນ​ໃນ​ການ​ປະ­ກອບ­ສ່ວນ​ເຮັດ​ໃຫ້ເສດ­ຖະ­ກິດ​ຂອງ​ແຂວງ,ເວົ້າ​ສະ­ເພາະ​ກໍ​ຄື​ເມືອງ​ປາກ​ແບງ​ມີ​ບາດ ກ້າວ​ຂະ­ຫຍາຍ­ຕົວ​ໃນ​ແຕ່​ລະ​ປີ​ກໍ​ຄື​ວຽກງານ​ດ້ານ​ການ​ບໍ­ລິ­ການ ແລະ​ການ​ທ່ອງທ່ຽວ ຊຶ່ງ​ໃນ​ປີ​ໜຶ່ງໆ​ແມ່ນ​ມີ​ບັນ­ດາ​ນັກທ່ອງ​ທ່ຽວ​ທັງ​ພາຍ​ໃນ ແລະ​ຕ່າງ­ປະ­ເທດເຂົ້າ​ມາ​ພັກ​ເຊົາ, ຄ້າງ​ຄືນ ແລະ​ຢ້ຽມ­ຢາມສະ­ຖານ­ທີ່​ທ່ອງ​ທ່ຽວ​ທີ່​ສຳ­ຄັນ​ຂອງ​ເມືອງເປັນ​ຈຳ­ນວນ​ຫຼວງ­ຫຼາຍ ແລະ​ເພີ່ມ​ຂຶ້ນ ຢ່າງ​ຕໍ່​ເນື່ອງໂດຍ​ສະ­ເພາະ​ແມ່ນ​ນັກ​ທ່ອງທ່ຽວ​ຈາກ​ຕ່າງ­ປະ­ເທດ ໃນ​ນັ້ນ​ແມ່ນ​ມາຈາກ​ເອີ​ຣົບ, ອາ­ເມ­ລິ­ກາ, ອາ­ຊີ ແລະ ອື່ນໆ​ຕາມ​ລຳ­ດັບ​ສົກ​ປີ­ຜ່ານ­ມາ​ມີ​ນັກທ່ອງ​ທ່ຽວ​ຈາກ​ຕ່າງ­ປະ­ເທດ​ເຂົ້າ​ມາ​ພັກເຊົາ​ຢູ່​ເມືອງ​ປາກ​ແບງທັງ​ໝົດ 48 ພັນ ກວ່າ​ຄົນຊຶ່ງ​ໄລ­ຍະ​ທີ່​ມີ​ນັກ​ທ່ອງ​ທ່ຽວ ເຂົ້າ​ມາ​ຫຼາຍ​ທີ່​ສຸດ​ແມ່ນ​ໄລ­ຍະ​ແຕ່​ເດືອນ ຕຸ­ລາ​ຫາ​ເດືອນ​ມີ­ນາ ແລະ​ໃນ​ຈຳ­ນວນ​ນັກທ່ອງ​ທ່ຽວ​ດັ່ງ­ກ່າວ​ສ່ວນ​ໜຶ່ງ​ແມ່ນ​ພັກແຮມເພື່ອ​ທ່ຽວ​ຊົມ​ສະ­ຖານ­ທີ່​ສຳ­ຄັນຂອງ​ເມືອງອີກ​ສ່ວນ​ໜຶ່ງ​ເຂົ້າ​ມາ​ພັກ​ແຮມກໍ​ເພື່ອ​ຈະ​ສືບ­ຕໍ່​ເດີນ­ທາງ​ໄປ​ຍັງ​ເມືອງ ແລະ​ແຂວງ​ໃກ້​ຄຽງເປັນ­ຕົ້ນ​ແມ່ນ​ແຂວງບໍ່​ແກ້ວແລະ​ແຂວງ​ຫຼວງ​ພະ​ບາງ.

ຈາກ​ເຫດ­ຜົນ​ດັ່ງ­ກ່າວ​ນັ້ນ​ມັນ​ຈິ່ງ​ເປັນ​ທ່າ­ແຮງແລະ​ໂອ­ກາດ​ສຳ­ຄັນ​ໃຫ້​ແກ່​ບັນ­ດາ​ພໍ່​ແມ່​ປະ­ຊາ­ຊົນຊາວ​ເມືອງ​ປາກ​ແບງໃນ​ການ​ດຳ­ເນີນ​ທຸ­ລະ​ກິດ​ທັງ​ຂະ­ໜາດນ້ອຍ ແລະ​ກາງ​ເພື່ອ​ຮອງ​ຮັບ​ໃຫ້​ແກ່​ຈຳນວນ​ນັກ​ທ່ອງ​ທ່ຽວ​ໂດຍ​ສະ­ເພາະ​ແມ່ນການ​ໃຫ້​ບໍ­ລິ­ການ​ອາ­ຫານ, ເຄື່ອງ​ດື່ມ ແລະ​ ສະ­ຖານ­ທີ່​ພັກ​ເຊົາທັງ​ໝົດ​ນັ້ນ​ມັນໄດ້​ສ້າງ​ລາຍ​ຮັບ​ໃຫ້​ແກ່​ຄອບ­ຄົວ ແລະ ​ປະຊາ​ຊົນ​ເປັນ​ຈຳ­ນວນ​ຫຼວງ­ຫຼາຍ​ສາ­ມາດເຮັດ​ໃຫ້​ປະ­ຊາ­ຊົນມີ​ຊີ­ວິດ​ການ​ເປັນ​ຢູ່​ທີ່​ດີ​ຂຶ້ນ​ເທື່ອ​ລະ​ກ້າວ.

ທ່ານ ສຸກ​ສະ­ຫວັນ ທິວ​ມະ­ນີ​ວົງ ຍັງກ່າວ​ຕື່ມ​ອີ​ກວ່າ: ເຖິງ​ວຽກ​ງານ​ການ​ບໍ​ລິການ, ການ­ທ່ອງ­ທ່ຽວ​ຂອງ​ເມືອງ​ປາກ ແບງ​ຈະ​ເປັນ​ທ່າ­ແຮງ​ສຳ­ຄັນ​ໃນ​ການ​ປະກອບ​ສ່ວນ​ເຮັດ​ໃຫ້​ເສດ­ຖະ­ກິດ​ຂອງແຂວງ​ມີ​ການ​ຂະ­ຫຍາຍ­ຕົວ​ກໍ​ຕາມ ແຕ່ ເມືອງ​ປາກ​ແບງ​ຍັງ​ເປັນ​ເມືອງ​ທຸກ​ຍາກຢູ່ ດັ່ງ­ນັ້ນ ທ່ານ​ຈິ່ງ​ຮຽກ­ຮ້ອງ​ໃຫ້​ທຸກ​ພາກສ່ວນ​ທັງ​ພາກ​ລັດ ແລະ​ເອ­ກະ​ຊົນຈົ່ງ​ພ້ອມກັນ​ຊຸກ­ຍູ້​ຊ່ວຍ­ເຫຼືອ ແລະ​ເຂົ້າ​ມາ​ດຳ­ເນີນທຸ­ລະ​ກິດ​ການ​ລົງ­ທຶນ​ຢູ່​ເມືອງ​ປາກ​ແບງ ໃຫ້​ນັບ​ມື້​ນັບ​ຫຼາຍ​ຂຶ້ນ ເພື່ອ​ເຮັດ​ໃຫ້​ປະ­ຊາຊົນ​ມີ​ວຽກ​ເຮັດ​ງານ​ທຳ,ມີ​ຊີ­ວິດ​ທີ່​ດີ​ຂຶ້ນ​ຈົນ​ກ້າວ​ໄປ​ເປັນ​ເມືອງ​ພົ້ນ​ທຸກ​ໃນ­ຕໍ່­ໜ້າຕື່ມ​ອີກ.

ທີ່ມາ:logo

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...