ສຳນັກຂ່າວຕ່າງປະເທດລາຍງານວ່າ: ຍີ່ປຸ່ນຕັດສິນໃຈຈະຖິ້ມດາວທຽມມູນຄ່າ 250 ລ້ານໂດລາທີ່ຖືກສົ່ງຂຶ້ນສູ່ອະວະກາດເພື່ອສຶກສາຂຸມດຳ ຫຼັງຈາກໃຊ້ເວລາຫຼາຍເດືອນໃນການພະຍາຍາມຮັກສາດາວທຽມດວງນີ້ເອົາໄວ້.
ດາວທຽມ ຮິໂຕມິ ທີ່ແປວ່າດວງຕາ ເປັນດາວທຽມທີ່ມີຄວາມທັນສະໄໝທີ່ສຸດຂອງຍີ່ປຸ່ນ ຖືກສົ່ງຂຶ້ນສູ່ອະວະກາດເມື່ອເດືອນກຸມພາທີ່ຜ່ານມາ ເພື່ອຄົນຫາລັງສີເອັກຊ໌ທີ່ໄຫຼອອກມາຈາກຂຸມດຳ ແລະກຸ່ມກາແລັກຊີຕ່າງໆ ແຕ່ຫຼັງຈາກທີ່ດາວທຽມເຂົ້າສູ່ວົງໂຄຈອນໄດ້ບໍ່ດົນ ນັກວິໄຈກໍ່ອອກມາກ່າວວ່າ ບໍ່ສາມາດຄວບຄຸມດາວທຽມໄດ້ ແລະບໍ່ສາມາດສື່ສານຕິດຕໍ່ກັບດຽວທຽມໄດ້ອີກຕໍ່ໄປ ໂດຍນັກວິທະຍາສາດບາງຄົນໃຫ້ຄວາມເຫັນວ່າອາດຈະເສຍຫາຍ ແລະ ແຕກອອກເປັນຊິ້ນສ່ວນໄປແລ້ວ ທາງສຳນັກງານສຳຫຼວດອະວະກາດຂອງຍີ່ປຸ່ນ ຫຼື ເຈເອເອັກຊ໌ເອ ໄດ້ພະຍາຍາມຫາທາງຄົ້ນຫາ ແລະ ກູ້ດາວທຽມໃຫ້ໄດ້ ແຕ່ວັນນີ້ ພວກເຂົາກໍ່ຍອມເສຍ ເພາະກວ່າຈຳເປັນຕ້ອງຖິ້ມດາວທຽມດວງນີ້ແລ້ວ ໂດຍເຈົ້າໜ້າທີ່ສະຫຼຸບວ່າ ດາວທຽບຢູ່ໃນສະພາບທີ່ບໍ່ສາມາດຈະກູ້ຄືນໃຫ້ສາມາດເຮັດວຽກໄດ້ອີກແລ້ວ ແລະ ຕ້ອງຂໍອະໄພທີ່ຈະຕ້ອງຍົກເລີກປະຕິບັດການຂອງດາວທຽມດວງນີ້.