ສຳນັກຂ່າວຕ່າງປະເທດ ລາຍງານໃນວັນທີ 28 ເມສານີ້ວ່າ ເກີດເຫດສະຫລົດໃຈ ເມື່ອເດັກນ້ອຍຊາຍ ອາຍຸ 2 ປີ ເຮັດປືນລັ່ນໃສ່ແມ່ຂອງຕົນເອງ ເສຍຊີວິດຄາລົດ ຢູ່ລັດວິສຄອນຊິນ ສະຫະລັດອາເມຣິກາ ໂດຍເຫດການດັ່ງກ່າວນີ້ ເກີດຂຶ້ນໃນວັນທີ 26 ເມສາຜ່ານມາ ໂດຍເດັກນ້ອຍຄົນດັ່ງກ່າວ ໄດ້ເດີນທາງມາພ້ອມກັບແມ່ ແລະ ນ້ອງຊາຍອາຍຸ 1 ປີ ອີກຄົນໜຶ່ງ ພາຍຫລັງເກີດເຫດ ເຈົ້າໜ້າທີ່ໄດ້ພົບເຫັນຜູ້ເປັນແມ່ ນອນເສຍຊີວິດຄາພວງມະໄລລົດ ແລະ ພົບເຫັນລູກນ້ອຍຂອງຜູ້ຕາຍ 2 ຄົນ ນັ່ງຢູ່ທາງເບາະຫລັງ.
ແນວໃດກໍຕາມ ເຫດການດັ່ງກ່າວນີ້ ຍັງຢູ່ລະຫວ່າງການສືບສວນຂໍ້ເທັດຈິງຢ່າງລະອຽດ ຊຶ່ງເຈົ້າໜ້າທີ່ໄດ້ລະບຸວ່າ ປືນທີ່ໃຊ້ກໍ່ເຫດນັ້ນ ແມ່ນປືນຂອງສາມີຜູ້ເສຍຊີວິດ ທີ່ເກັບມ້ຽນໄວ້ຢູ່ພາຍໃນລົດ ກ່ອນທີ່ເດັກນ້ອຍທີ່ຍັງໄຮ້ດຽງສາ ຈະຈັບອອກມາຫລິ້ນ ແລະ ເຮັດປືນລັ່ນໃສ່.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!