ປະຊາຄົມເສດຖະກິດ ອາຊຽນ ວັນນີ້ ເຮົາມາເບິ່ງຈຸດແຂງໃນແຕ່ລະປະເທດໃນກຸ່ມ AEC ນັ້ນວ່າມີຈຸດແຂງໃດແນ່ ທີ່ເໝາະຈະເຂົ້າໄປລົງທຶນເພື່ອສ້າງກຳໄລໃນແຕ່ລະປະເທດ ຕ້ອງມີຈຸດແຂງທີ່ແຕກຕ່າງກັນອອກໄປ ໂດຍເຮົາຈະມາເບິ່ງວ່າ ແຕ່ລະປະເທດມີຊັບພະຍາກອນ ແລະ ຈຸດເດັ່ນຫຍັງແນ່
- ປະເທດກຳປູເຈຍ ໄດ້ແກ່ຊັບພະຍາກອນທຳມະຊາດທີ່ຫຼາກຫຼາຍ ແລະ ອຸດົມສົມບູນ ໂດຍສະເພາະນ້ຳ ປ່າໄມ້ ແລະ ແຮ່ຊະນິດຕ່າງໆ
- ປະເທດໄທ ໄດ້ແກ່ ມີແຮງງານຈຳນວນຫຼາຍ ທີ່ຕັ້ງເໝາະແກ່ການເປັນສູນກາງເຄືອຂ່າຍເຊື່ອມຕໍ່ຄົມມະນາຄົມດ້ານຕ່າງໆ ເປັນຖານການຜະລິດສິນຄ້າອຸດສາຫະກຳ ແລະ ສິນຄ້າກະເສດຫຼາກຫຼາຍລາຍໃຫຍ່ຂອງໂລກ
- ປະເທດບູລໄນ ໄດ້ແກ່ ລາຍຮັບສະເລ່ຍຕໍ່ຄົນ/ຕໍ່ປີ ຢູ່ໃນອັນດັບ 2 ຂອງອາຊຽນ ແລະ ອັນດັບ 26 ຂອງໂລກ ເປັນຜູ້ສົ່ງອອກນ້ຳມັນ ແລະ ມີປະລິມານການສຳຮອງນ້ຳມັນເປັນອັນດັບ 4 ຂອງອາຊຽນ
- ປະເທດມຽນມາ ໄດ້ແກ່ ຊັບພະຍາກອນທຳມະຊາດ, ນ້ຳມັນ ແລະ ກ໊າສທຳມະຊາດ ຈຳນວນຫຼາຍ ມີສາຍແດນເຊື່ອມຕໍ່ກັບຈີນ ແລະ ອິນເດຍ
- ປະເທດຟິລິບປິນ ໄດ້ແກ່ ມີປະຊາກອນຈຳນວນຫຼາຍ ເປັນອັນດັບ 12 ຂອງໂລກ ແຮງງານທົ່ວໄປມີຄວາມຮູ້ ສາມາດສື່ສານພາສາອັງກິດໄດ້ດີ
- ປະເທດມາເລເຊຍ ໄດ້ແກ່ ມີປະມານການສຳຮອງນ້ຳມັນເປັນອັນດັບທີ່ 3 ແລະ ກ໊າສທຳມະຊາດເປັນອັນດັບ 2 ຂອງເອເຊຍປາຊີຟິກ ລະບົບໂຄງສ້າງພື້ນຖານຄົບວົງຈອນ ແລະ ແຮງງານກໍ່ມີທັກສະ
- ປະເທດລາວ ໄດ້ແກ່ ການເມືອງມີຄວາມສະຫງົບ ສະເໝີພາບ ຊັບພະຍາກອນທຳມະຊາດທີ່ອຸດົມສົມບູນໂດຍສະເພາະນ້ຳ ແລະ ແຮ່ຊະນິດຕ່າງໆ
- ປະເທດຫວຽດນາມ ໄດ້ແກ່ ມີປະຊາກອນເປັນຈຳນວນຫຼາຍ ອັນດັບທີ 14 ຂອງໂລກ ມີຊາຍຝັ່ງມະເລຍາວກ່ວາ 3,200 ກິໂລແມັດ
- ປະເທດສິງກະໂປ ໄດ້ແກ່ ລາຍຮັບສະເລ່ຍຕໍ່ຄົນຕໍ່ປີ ສູງທີ່ສຸດຂອງອາຊຽນ ແລະ ຕິດອັນດັບທີ 15 ຂອງໂລກ ເປັນສູນກາງທາງການເງິນລະຫວ່າງປະເທດ ມີທີ່ຕັ້ງເອື້ອອຳນວຍຕໍ່ການເປັນສູນກາງການເດີນເຮືອ
- ປະເທດອິນໂດເນເຊຍ ໄດ້ແກ່ ມີປະຊາກອນຫຼາຍເປັນອັນດັບ 4 ຂອງໂລກ ແລະ ຫຼາຍທີ່ສຸດໃນອາຊີຕະເວັນອອກສຽງໃຕ້ ໃນຊາວມຸດສະລິມຫຼາຍທີ່ສຸດໃນໂລກ ມີຊັບພະຍາກອນທຳມະຊາດທີ່ຫຼາກຫຼາຍ ແລະ ຈຳນວນຫຼາຍ ໂດຍສະເພາະຖ່ານຫີນ, ນ້ຳມັນ, ກ໊າສທຳມະຊາດ ແລະ ໂລຫະຕ່າງໆ