ສຳນັກຂ່າວເອເອຟພີລາຍງານເມື່ອວັນທີ 26 ເມສາວ່າ ລາຄານໍ້າມັນດິບພຸ່ງສູງຂຶ້ນຢ່າງໄວວາ ຫຼັງມີການເກງກຳໄລຕາແຜນຂອງຊາອຸດິອາຣະບີທີ່ຈະຫຼຸດການຂຸດເຈາະນໍ້າມນ ທ່າມກາງຄວາມກັງວົນນໍ້າມັນລົ້ນຕະຫຼາດ.
ລາຄານໍ້າມັນດິບເວສເທິນເທັກຊັດ (ດັບເບິລຢູທີໄອ) ທີ່ກຽມສົ່ງມອບໃນເດືອນມິຖຸນາ ມີລາຄາຂາຍໃນຕະຫຼາດນິວຢອກເພີ່ມສູງຂຶ້ນ 1,40 ໂດລາສະຫະລັດເປັນ 44,4 ໂດລາສະຫະລັດຕໍ່ບາເຣລ ນັບເປັນລາຄາສູງສຸດຕັ້ງແຕ່ເດືອນພຶດສະພາ 2015.
ຂະນະດຽວກັນລາຄານໍ້າມັນດິນເບຣນສຳລັບສົ່ງມອບໃນເດືອນມິຖຸນາ ມີລາຄາເພີ່ມຂຶ້ນ 1,26 ໂດລາສະຫະລັດ ຢູ່ທີ່ 45,74 ໂດລາຕໍ່ບາເຣລ.
ທ່ານ ບ໊ອບ ຢໍເກີ ຈາກບໍລິສັດຫຼັກຊັບ ມິຊູໂຮ ຊີຄຽວລິຕີ ເຫັນວ່າ “ຕະຫຼາດໄດ້ຮັບການກະຕຸ້ນພິເສດຈາກລາຍງານທີ່ບໍລິສັດຂຸດເຈາະນໍ້າມັນນາບໍອິນດັສຕຣີ”… ໂດຍນາບໍອິນດັສຕຣີອ້າງວ່າ ຊາອຸວາງແຜນຫຼຸດການຂຸດເຈາະນໍ້າມັນລົງ 10%.
ກຸ່ມນັກວິເຄາະຊີ້ວ່າ ການຕອບສະໜອງຈາກການສູນເສຍເມື່ອວັນທີ 25 ເມສາ ອາດເປັນໄປໄດ້ວ່າຖືກກະຕຸ້ນຈາກຄ່າເງິນໂດລາສະຫະລັດທີ່ອ່ອນຕົວລົງ ແລະ ຂໍ້ມູນກ່ຽວກັບການສັ່ງຊື້ສິນຄ້າປະເພດຄົງທົນ ແລະເຊື່ອໝັ້ນຜູ້ບໍລິໂພກໃນສະຫະລັດທີ່ຕົກລົງ.
ຂະນະທີ່ທ່ານ ທິມ ອີວານສ໌ ຈາກຊີຕີ ຟິວເຈີ ເຕືອນວ່າ “ໃນຂະນະທີ່ຄວາມປ່ຽນແປງຂອງລາຄາໄລຍະສັ້ນອາດໄດ້ຮັບການກະຕຸ້ນຈາກຄວາມຕ້ອງການການເງິນທີ່ເຊື່ອມໂຍງຕໍ່ຄ່າເງິນໂດລາອ່ອນຕົວ ເຮົາຍັງຄົງເຫັນວ່າຕະຫຼາດມີການສະໜອງທີ່ຫຼາຍພໍ”