ບໍ­ລິ­ສັດ​ອະ­ທິ​ປັນ­ຍາ​ເທດ​ດິ່ງ​ຜູ້­ນຳ​ເຂົ້າ ແລະ​ຈຳ­ໜ່າຍ​ອາ­ຫານ​ເສີມສີ​ຣີ​ໂມນາ ເຄື່ອງ​ສຳ­ອາງ​ແອງ​ເຈວ​ຣິ​ຕາ ແລະ​ບໍລິ​ສັດ​ທອງ​ສີ​ຣິ​ອິນ​ເຕ​ເນ​ຊັ່ນ​ແນວປະ­ເທດໄທໄດ້​ຮ່ວມ​ກັນ​ຈັດ​ໂຄງ­ການ​ປະ​ກວດໜຸ່ມ​ສາວ​ໄວ​ໃສໃສ່­ໃຈ​ສຸ­ຂະ­ພາບ ຫຼື ສີ​ຣິໂມ​ນາເຟດ​ຊີ່​ບອຍແອນ​ເກີ 2016 ຂຶ້ນໂດຍ​ຈະ​ມີ​ການ​ຄັດ​ເລືອກ​ຮອບ​ທຳ​ອິດ​ໃນຕົ້ນ​ເດືອນ​ໜ້າ ແລະ​ຮອບ​ສຸດ​ທ້າຍ​ໃນ​ລະຫວ່າງ​ເດືອນ​ກໍ­ລະ­ກົດ 2016 ດ້ວຍ​ເຄື່ອງຂອງ​ລາ­ງວັນ​ທີ່​ຫຼາກ​ຫຼາຍ.

ໂດຍ​ໃນ​ວັນ​ທີ 26 ເມ­ສາ 2016 ທີ່ ສູນ​ການ​ຄ້າ​ວຽງ​ຈັນ​ເຊັນ​ເຕີນະ­ຄອນຫຼວງ​ວຽງ​ຈັນ ທ່ານ ນາງ ເກດ​ສະ​ລາ​ລິນ ພຸດ​ທະ​ວົງ ຜູ້­ອຳ­ນວຍ­ການ​ບໍ­ລິ­ສັດ​ອະ­ທິປັນ­ຍາ​ເທດ​ດິ່ງ ແລະ ທ່ານ ດຣ. ນາງ ກັນ­ຍາ ເກດ​ບັນ­ລຸປະ­ທານ​ບໍ­ລິ­ສັດ ທອງສີ​ຣິ​ອິນ​ເຕີ​ເນ​ຊັ່ນ​ແນວປະ­ເທດ​ໄທ ກໍ​ໄດ້​ມີການ​ຈັດ​ຖະ­ແຫຼງ​ຂ່າວ​ກ່ຽວ​ກັບ​ໂຄງ­ການດັ່ງ­ກ່າວຊຶ່ງ​ມີ​ບັນ­ດາ​ຜູ້​ເຂົ້າ​ຮ່ວມ​ປະ​ກວດ ແລະ​ ສື່​ມວນ​ຊົນ​ເຂົ້າ​ຮ່ວມ.

ທ່ານ ນາງ ເກດ​ສະ​ລາ​ລິນ ພຸດ​ທະ​ວົງ ກ່າວ​ວ່າ: ວັດ­ຖຸ​ປະ­ສົງ​ຂອງ​ການ​ຈັດ​ໂຄງການ​ປະ​ກວດ​ນີ້ກໍ​ເພື່ອ​ສົ່ງ­ເສີມ​ການ​ອອກກຳ­ລັງ​ກາຍ, ການ​ເບິ່ງ­ແຍງ​ສຸ­ຂະ­ພາບຂອງ​ໄວ​ໜຸ່ມ​ສາວ, ການ​ພັດ­ທະ­ນາ​ບຸກ​ຄະລິກ​ຂະ​ພາບ,  ການ​ໃຊ້​ເວ­ລາ​ຫວ່າງ​ໃຫ້​ເກີດປະ­ໂຫຍດ ແລະ​ການ​ຄົ້ນ​ຫາ​ດາວ​ດວງໃໝ່ ທີ່​ຈະ​ເປັນ​ຕົວ​ແທນ​ຄົນ​ໜຸ່ມ​ສາວ​ສະໄໝ​ໃໝ່​ຜູ້​ທີ່​ມີ​ຄວາມ​ໃສ່­ໃຈ​ໃນ​ສຸ­ຂະ­ພາບ ແລະ​ ເປັນ​ແບບ­ຢ່າງ​ທີ່​ດີ​ໃນ​ການ­ສະ­ແດງອອກ.

ທັງ​ນີ້ທາງ​ໂຄງ­ການ​ຈິ່ງ​ມີ​ການ​ຈັດກິດ­ຈະ­ກຳເພື່ອ​ສົ່ງ­ເສີມ​ການ­ສະ­ແດງ​ອອກທີ່​ຖືກ­ຕ້ອງ​ການ​ເບິ່ງ­ແຍງ​ສຸ­ຂະ­ພາບໂດຍຈັດ​ກິດ­ຈະ­ກຳ​ການ​ເຕັ້ນ​ແອ​ໂຣ​ບິກຂຶ້ນ​ທີ່​ໜ້າ​ຫ້າງ​ວຽງ​ຈັນ​ເຊີນ​ເຕີ, ວັນ​ທີ 1 ພຶດ­ສະ­ພາ 2016 ໂດຍ​ໃນ​ງານ​ຈະ​ມີ​ກິດຈະ​ກຳການ​ປະ​ກວດ​ຄົ້ນ​ຫາ​ຕົວ​ແທນ​ໜຸ່ມສາວຈາກ​ຜູ້​ເຂົ້າ​ຮ່ວມ​ປະ​ກວດ​ທັງ​ໝົດ 400 ຄົນ ແລະ​ຄັດ​ເລືອກ​ຮອບ​ທຳ​ອິດໃຫ້​ເຫຼືອ​ຈຳ­ນວນ 28 ຄົນ ເຂົ້າ​ຄ່າຍ​ແຄັມປິ່ງເພື່ອ​ທຳ​ກິດ­ຈະ­ກຳ​ເກັບ​ຄະ­ແນນເປັນ ເວ­ລາ 3 ວັນ 2 ຄືນ ແລະ​ຈະ​ມີ​ການ​ປະກວດ​ຮອບ​ສຸດ​ທ້າຍ ໃນ​ເດືອນ​ກໍ­ລະ­ກົດ 2016 ໂດຍ​ຈະ​ຄັດ​ເລືອກ​ໃຫ້​ເຫຼືອ​ຕຳແໜ່ງສີ​ຣິ​ໂມ​ນາເຟດ​ຊີ່​ບອຍແອນເກີ 2016 ໂດຍ​ຕຳ­ແໜ່ງ​ນີ້​ຈະ​ໄດ້​ຮັບ​ລາງວັນ, ລະ 5 ລ້ານ​ກີບ ແລະ​ມີ​ລາ­ງວັນ​ພິ ເສດ​ອີກ 5 ລາ­ງວັນ​ຄື: ລາ­ງວັນ​ຂວັນ​ໃຈ ມະ­ຫາ­ຊົນ, ລາ­ງວັນ​ໜຸ່ມ​ສາວ​ຕາ​ງາມ, ລາ­ງວັນ​ໜຸ່ມ​ສາວ​ຫຸ່ນ​ດີ ແລະ​ລາ­ງວັນ ໜຸ່ມ​ສາວ​ຫຸ່ນ​ງາມ ລາ­ງວັນ​ໜຸ່ມ​ຜິວ​ງາມລາ­ງວັນ​ລະ 2,3 ລ້ານ​ກີບ.

ນອກ­ຈາກ​ກິດ­ຈະ­ກຳ​ດັ່ງ­ກ່າວ​ຂ້າງຕົ້ນ​ນັ້ນໃນ​ວັນ​ທີ 1 ພຶດ­ສະ­ພາໃນ​ງານຍັງ​ມີ​ກິດ­ຈະ­ກຳ​ພິ­ເສດອີກ​ຫຼາຍ​ລາຍ­ການເຊັ່ນ: ການ­ສະ­ແດງ​ຂອງ​ສິ­ລະ​ປິນຂອງ ເຈ້ຍ​ປາ​ຊີ​ຟິກ, ມິ​ສ​ດິ້ງ​ໂຊ, ມີ​ການ​ແຈກ​ຄູປອງເພື່ອ​ຈັບ​ສະ­ຫຼາກ​ຮັບ​ຄຳສຳ­ລັບ​ຜູ້ເຕັ້ນ​ແອ​ໂຣ​ບິກ ຈຳ­ນວນ 1 ສະ­ຫຼຶງ ແລະ ຜູ້​ທີ່​ຊື້​ຜະ­ລິດ​ຕະ​ພັນແອງ​ເຈວ​ຣິ​ຕາຈຳ ນວນ 2 ສະ­ຫຼຶງ ແລະ​ອາ­ຫານ​ເສີມ​ສິ​ຣິໂມ​ນາ ຈຳ­ນວນ 1 ບາດ ແລະ​ມີ​ບູດ​ສະແດງ​ສິນ­ຄ້າ​ຈຳ­ນວນ​ຫຼວງ­ຫຼາຍ​ເຂົ້າ​ຮ່ວມລາຍ­ການ.

ທັງ​ນີ້ ທ່ານ​ຜູ້­ອຳ­ນວຍ­ການ​ກ່າວ​ຕື່ມວ່າ​ງານ​ດັ່ງ­ກ່າວ​ຈະ​ເກີດ​ຂຶ້ນ​ບໍ່​ໄດ້ຖ້າ​ບໍ່​ໄດ້​ຮັບ​ການ​ສະ­ໜັບ​ສະ​ໝູນ​ຈາກ ອາ­ຫານ​ເສີມ ສິ​ຣິ​ໂມ​ນາເພື່ອ​ສຸ­ຂະ­ພາບ, ເຄື່ອງ​ສຳ­ອາງ ແອງ​ເຈວ​ຣິ​ຕາ, ນ້ຳ​ດື່ມ​ຂັ້ນ​ເທບຮ້ານ​ອາ­ຫານ​ມິກ ແລະ​ຜະ­ລິດ​ຕະ​ພັນ​ບຳລຸງ​ຜິວເອັນ​ແລບ NŒLAB.

ທີ່ມາ: