ການຈັດການແຂ່ງຂັນກີລາ ນັກຮຽນທົ່ວ ເມືອງປາກເຊ ແຂວງຈຳປາສັກ ທີ່ໄດ້ເປີດຂຶ້ນມາແຕ່ວັນທີ 5 ກຸມພາ 2016 ຢູ່ທີ່ ມສ ບ້ານກາງ ເມືອງປາກເຊ
ແລະມາຮອດວັນທີ 22 ເມສາ 2016 ກໍໄດ້ຈັດພິທີປິດການແຂ່ງຂັນກີລາລົງຢ່າງເປັນທາງ ການພາຍໃຕ້ການເປັນປະທານຂອງ ທ່ານ ເກດສະໜາ ຄຳມິ່ງສະຫວັດ ກຳມະການພັກເມືອງຫົວໜ້າຫ້ອງການສຶກສາທິການ ແລະກີລາເມືອງປາກເຊ ແຂວງຈຳປາສັກ ໂດຍເປັນກຽດເຂົ້າຮ່ວມຂອງທ່ານ ໄພວອນ ຜາບຸນມີ ຮອງຫົວໜ້າພະແນກສຶກສາທິການ ແລະກີລາແຂວງຈຳ ປາສັກ ມີຫົວໜ້າຂະແໜງພະລະສີລະປະ ແລະຫົວໜ້າຂະແໜງກີລາສາຍສູງ, ຫົວໜ້າຂະແໜງມວນຊົນ ຂອງພະແນກສຶກສາທິການ ແລະກີລາ ແຂວງຈຳປາສັກ ມີກ້ອນກຳ ລັງຈາກນ້ອງນັກຮຽນປະຖົມ ແລະມັດທະຍົມທົ່ວເມືອງ, ພະນັກງານຄູອາຈານ, ພໍ່ແມ່ປະຊາຊົນພາຍໃນ ເມືອງເຂົ້າຮ່ວມຢ່າງຫຼວງຫຼາຍ.
ໃນພິທີປິດທ່ານ ໄພທູນ ສີດາວົງ ຮອງຫົວໜ້າຫ້ອງການສຶກສາ ແລະກີລາ ເມືອງປາກເຊ ແຂວງຈຳປາສັກ ໄດ້ຜ່ານຜົນການແຂ່ງຂັນກີລາ ຊຶ່ງການແຂ່ງຂັນມີນັກກີລາເຂົ້າຮ່ວມທັງໝົດ 636 ຄົນ, ມີ 3 ປະເພດກີລາຄື: ບານເຕະ (ຊາຍຍິງ), ກະຕໍ້ (ຊາຍ), ກີລາມວນຊົນ (ຊາຍ-ຍິງ) ຊຶ່ງມີໂຮງຮຽນ 10 ຫຼັງ ແລະໂຮງຮຽນປະຖົມ 6 ກຸ່ມໃນທົ່ວເມືອງ, ການແຂ່ງຂັນແມ່ນກຳນົດເອົາວັນຈັນ, ວັນພຸດ ແລະວັນສຸກ ຂອງທຸກໆອາທິດ ໂດຍນຳໃຊ້ເດີ່ນ ແຂ່ງຂັນຂອງໂຮງຮຽນ ມສ ບ້ານກາງ ເມືອງປາກເຊ.
ຜົນການແຂ່ງຂັນມີດັ່ງນີ້ປະເພດບານເຕະ (ຊາຍ) ຊັ້ນມັດທະຍົມຕົ້ນ ຊະນະເລີດແມ່ນໂຮງຮຽນ ມ.ຕົ້ນ ໂພນສີໄຄ, ຮອງຊະນະເລີດ ມ.ຕົ້ນ ດອນເຂາະ ແລະທີ 3 ໂຮງຮຽນ ມສ ບ້ານກາງ, ປະເພດຍິງຊະນະເລີດ ມສ ບ້ານກາງ, ຮອງຊະນະເລີດ ມ.ຕົ້ນ ໂພນສີໄຄ ແລະທີ 3 ມ.ຕົ້ນ ສະໝາມໄຊ, ປະເພດກີລາກະຕໍ້ຊະ ນະເລີດ ມສ ບ້ານກາງ, ຮອງຊະນະເລີດ ມ.ຕົ້ນ ໂພນສີໄຄ ແລະທີ III ມຕ ສະໝາມໄຊ, ປະເພດກີລາມວນ ຊົນ (ຍິງ) ຊ່ວງເຮືອບົກຊະນະເລີດ ມ.ຕົ້ນແກ້ວສຳພັນ, ຮອງຊະນະເລີດ ມ.ຕົ້ນ ສະໝາມໄຊ ແລະທີ III ມ.ຕົ້ນ ໂພນສີໄຄ, ປະເພດກີລາແລ່ນ 3 ຂາ (ຊາຍ) ຊະນະເລີດ ມສ ບ້ານກາງ, ຮອງຊະນະເລີດ ມ.ຕົ້ນ ສະໝາມໄຊ ແລະທີ III ມ. ຕົ້ນ ຈັດສັນ.
ສຳລັບຊັ້ນປະຖົມບານເຕະ (ຊາຍ) ຊະນະເລີດກຸ່ມ V ຮອງຊະນະເລີດ II ແລະທີ III ກຸ່ມເທສະບານ, ປະເພດກະຕໍ້ຊະນະເລີດກຸ່ມ II,ຮອງຊະນະເລີດກຸ່ມ IV ແລະທີ III ກຸ່ມ V ປະເພດກີລາມວນຊົນແລ່ນໄວ 20 ແມັດ (ຊາຍ) ຊະນະເລີດ ທ້າວ ສີປະເສີດອະນຸບານຊັນຊາຍ, ຮອງ ຊະນະເລີດ ທ້າວ ພານັດ ອະນຸບານ ທີບພະເນດ ແລະທີ III ທ້າວ ອານັດ ວິໄຊ ອະນຸບານແຮກມານ, ເປົ່າປຸ່ມເປົ້າໃຫ້ແຕກ (ຍິງ) ຊະນະເລີດ ນາງ ຫັດສະຫວັນ ອະນຸບານໂພນໄຊ, ຮອງຊະນະເລີດ ນາງ ຈັນ ອະນຸບານທີບປະເສີດ ແລະທີ III ນາງ ສຸກວິໄລ ອະນຸບານຊັນຊາຍ, ປະ ເພດອົມນ້ຳໃສ່ແກ້ວ (ຊາຍ) ຊະນະ ເລີດ ທ້າວ ຈັນທະປະເສີດ ອະນຸບານໂພນໄຊ, ຮອງຊະນະເລີດ ທ້າວ ສີໂນ ອະນຸບານ ທ່າຫີນກາງ ແລະທີ III ທ້າວ ຕົ້ນຄູນ ອະນຸບານຊຸມຊົນ, ດືງເຊືອກ (ຊາຍ) ຊະນະເລີດກຸ່ມ II ຮອງຊະນະເລີດກຸ່ມ III ແລະທີ III ກຸ່ມ, ແລ່ນກະໂປະ (ຊາຍຊະນະເລີດ ທ້າວ ຈັນທະກອນກຸ່ມ I ຮອງ ຊະນະເລີດ ທ້າວ ເພັດນະຄອນ ກຸ່ມ V ຄາບບ່ວງໃສ່ໄຂ່ (ຍິງ) ຊະນະເລີດ ນາງ ພຸດປາລະມີ ກຸ່ມເທສະ ບານ, ຮອງຊະນະເລີດ ນາງ ພອນວິໄລ ກຸ່ມ II ແລະທີ III ນາງ ໃຈຄຳ ກຸ່ມ IV.
ສຳລັບອັນດັບທີໜຶ່ງປະເພດກີລາ ບານເຕະ (ຊາຍຍິງ) ຊັ້ນປະຖົມ ແລະມັດທະຍົມແມ່ນໄດ້ຮັບຂັນທ່ານ ເຈົ້າເມືອງ 1 ໜ່ວຍ ພ້ອມເງິນລາງ ວັນພ້ອມອຸປະກອນກີລາຈຳນວນໜຶ່ງ ສ່ວນອັນດັບທີ 2 ແລະທີ 3 ແລະກີລາມວນຊົນແມ່ນໄດ້ຮັບແຕ່ພຽງເງິນລາງວັນ ແລະອຸປະກອນກີລາ .
ຂ່າວຈາກ: 