ກະຊວງປ້ອງກັນປະເທດນອກແວສັງສືບສວນຂໍ້ເທັດຈິງຫຼັງເກີດເຫດເຮືອບິນຮົບເອຟ-16 ຂອງກອງທັບອາກາດນອກແວ ຍິງໃສ່ຫໍບັນຊາການຂະນະປະຕິບັດການຝຶກຊ້ອມໂຈມຕີເປົ້າມາຍທີ່ເກາະຕາວາ ຊຶ່ງຢູ່ທີ່ບໍລິເວນຕາເວັນຕົກຂອງປະເທດນອກແວ ຈົນເກືອບຖືຜູ້ທີ່ຢູ່ໃນຫໍບັນຊາການ 3 ຄົນ ແຕ່ໂຊກດີທີ່ສຸດທ້າຍບໍ່ມີໃຜໄດ້ຮັບບາດເຈັບ.
ທາງການນອກແວບໍ່ໄດ້ເປີດເຜີຍຂໍ້ມູນ ວ່າມີກະສຸນປືນຈັກລູກທີ່ຍິງຖືກຫໍບັນຊາການ ໂດຍລະບຸພຽງວ່າກະສຸນທີ່ໃຊ້ເປັນພຽງກະສຸນຊ້ອມເທົ່ານັ້ນ ທັງນີ້ເຮືອບິນເອຟ-16 ຂອງກອງທັບນອກແວຕິດຕັ້ງປືນກົນແກຕລິງຂະໜາດ 20 ມມ ຊຶ່ງສາມາດຍິງໄດ້ເຖິງ 6.000 ນັດຕໍ່ນາທີ.
ຄະນະກຳມະການສອບສວນຂໍ້ເທັດຈິງທີ່ຕັ້ງຂຶ້ນປະກອບດ້ວຍຜູ້ຊ່ຽວຊານ 6 ຄົນ ນຳໂດຍນັກບິນເອຟ-16 ຢ່າງໃດກໍ່ດີ ຄາດວ່າ ການສອບສວນຈະໃຊ້ເວລາດົນເພາະເຫດການຄ້າຍຄືກັນທີ່ເກີດຂຶ້ນເມື່ອປີ 2009 ກໍຍັງຢູ່ລະຫວ່າງການສອບສວນຈົນເຖິງປະຈຸບັນ.