ສຳນັກຂ່າວຕ່າງປະເທດ ລາຍງານໃນວັນທີ 25 ເມສາຜ່ານມານີ້ວ່າ ຈຳ​ນວນ​ປະ​ຊາ​ຊົນ​ເສຍ​ຊີ​ວິດ ​ຍ້ອນ​ແດດ​ຮ້ອນ​ທີ່​ແກ່​ຍາວຢ​ູ່​ປະ​ເທດ​ເຂດອາ​ຊີໃຕ້ ໄດ້ສືບ​ຕໍ່​ເພີ່ມ​ຂຶ້ນຕໍ່ເນື່ອງ ໂດຍອີງຕາມ​​ຕົວ​ເລກສະ​ຖິ​ຕິ​ແລ້ວ ສະ​ເພາະ​ວັນ​ທີ 23 ເມສາ 2016 ຜ່ານມານີ້ ຢ​ູ່​ລັດໂອຣິສາຂອງອິນເດຍ ໄດ້ມີຜູ້ເສຍຊີວິດຢ່າງ​ໜ້ອຍ​ 79 ຄົນ​ ​ຍ້ອນສະພາບ​ແດດ​ຮ້ອນ ສົ່ງຜົນເຮັດໃຫ້ ມີ​ຈຳ​ນວນ​ຜູ້​ເສຍ​ຊີ​ວິດ​ຍ້ອນ​ແດດ​ຮ້ອນ​ ໃນ​ທົ່ວ​ປະ​ເທດ​ອິນ​ເດຍ ເພີ່ມຂຶ້ນ​ເກືອ​ບ 300 ຄົນແລ້ວ.

ທັງນີ້ ອຸນ​ຫະ​ພູມ​ຢູ່ລັດໂອຣິສາ ໄດ້​​ເພີ່ມຂຶ້​ນ​​ສູງເຖິງ 48 ອົງ​ສາ ຊຶ່ງເປັນ​ລັດ​ທີ່​ມີ​ຈຳ​ນວນ​ຜູ້​ເສຍ​ຊີວ​ິດ​​ຍ້ອນ​ແດດ​ຮ້ອນ ຫລາຍກວ່າ​ໝູ່​ຢູ່ອິນ​ເດຍ.  ດ້ານເຈົ້າໜ້າທີ່ຂອງ​ລັດຖະບານ ​ໄດ້​ອອກ​ຄຳ​ສັ່ງ​ປິດ​ການຮຽນ-ການສອນ ຢູ່​ໂຮງ​ຮຽນ​ຫລາຍ​ແຫ່ງ​ໃນບາງ​ເຂດ ພ້ອມ​ທັງ​ແຈ້ງເຕືອນ​ໃຫ້​ປະ​ຊ​າ​ຊົນ​​ ຫລີ​ກ​ລ່ຽງ​ການ​ສຳ​ຜັດກັບ​ແສງ​ແ​ດດ​​​ໃນ​ຕອນ​ແລງ ຊຶ່ງຄາດວ່າສະພາບອາກາດທີ່ມີແ​ດດ​ຮ້​ອນ​ເຊັ່ນນີ້ ຍັງ​ຈະ​​ສືບ​ຕໍ່ແກ່​ຍາວໄປອີກ.

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!