ຕຳຫລວດປາບຈາລະຈົນໄທ ໄດ້ໃຊ້ແກັສນ້ຳຕາ ເພື່ອຂັບໄລ່ພວກປະທ້ວງຕໍ່ ຕ້ານລັດຖະບານຫລາຍພັນຄົນ
ທີ່ໂຮມຊຸມນຸມ ຢູ່ຕາມຖະໜົນຫົນທາງ ໃນບາງກອກ ຫລັງຈາກສານ ໄດ້ສັ່ງໃຫ້ນາຍົກລັດຖະມົນຕີ
ຍິ່ງລັກ ຊີນນະ ວັດລາອອກຈາກຕຳແໜ່ງ ແລະອົງການຕໍ່ຕ້ານການທຸຈະລິດໄດ້ກ່າວຫາທ່ານນາງວ່າ
ລະເລີຍຕໍ່ໜ້າທີ່.
ຜູ້ນຳໃນການປະທ້ວງ ທ່ານສຸເທບ ເທຶອກສຸບັນ ກ່າວຕໍ່ບັນດາຜູ້ສະໜັບສະໜູນ ໃນສວນສາທາລະນະແຫ່ງນຶ່ງ
ໃນວັນສຸກມື້ນີ້ ຮຽກຮ້ອງໃຫ້ເຂົາເຈົ້າໄປໂຮມຊຸມ ນຸມກັນຢູ່ນອກສະພາ ສຳນັກງານນາຍົກລັດຖະມົນຕີ
ແລະສະຖານີໂທລະພາບຫ້າແຫ່ງເພື່ອປ້ອງກັນບໍ່ໃຫ້ລັດຖະບານນຳໃຊ້ສະຖານີເຫຼົ່ານີ້.
ໃນວັນພຸດຜ່ານມານີ້ ສານລັດຖະທຳມະນູນໄທ ໄດ້ປົດທ່ານນາງ ຍິ່ງລັກ ແລະລັດຖະ
ມົນຕີເກົ້າຄົນ ອອກຈາກຕຳແໜ່ງ ຍ້ອນຄະດີນຶ່ງ ທີ່ພົວພັນກັບການແຕ່ງຕັ້ງ ລັດຖະ
ກອນອະວຸໂສຄົນນຶ່ງ.
ລັດຖະມົນຕີການຄ້າ ທ່ານນິວັດທຳຣົງ ບຸນສົງໄພສານ ຜູ້ທີ່ເປັນພັນທະມິດໃກ້ຊິດກັບ
ທ່ານນາງຍິ່ງລັກ ແລະອ້າຍຂອງທ່ານນາງ ຄືອະດີດນາຍົກລັດຖະມົນຕີ ທັກສິນຊິນ
ນະວັດນັ້ນ ໄດ້ເຂົ້າຮັບໜ້າທີ່ ເປັນນາຍົກລັດຖະມົນຕີຮັກສາການຊົ່ວຄາວ ແທນທ່ານນາງ.
ເຖິງແມ່ນວ່າໄດ້ມີການຕັດສິນໃຫ້ທ່ານນາງອອກຈາກຕຳແໜ່ງກໍຕາມ ແຕ່ພວກປະ
ທ້ວງຫລາຍຄົນຍັງພາກັນບໍ່ພໍໃຈໃນເມື່ອວ່າລັດຖະບານຂອງ ທ່ານນາງຍິ່ງລັກ.
