ສຳນັກຂ່າວຕ່າງປະເທດ ລາຍງານໃນວັນທີ 24 ເມສາຜ່ານມານີ້ວ່າ ນັບແຕ່ຕອນບ່າຍວັນທີ 23 ເມສາ 2016 ເປັນຕົ້ນມາ ເຈົ້າໜ້າທີ່ໄທໄດ້ເພີ່ມທະວີການຄວບຄຸມ ຮັກສາຄວາມສະຫງົບຢູ່ນະຄອນຫາດໃຫຍ່ ທີ່ຂຶ້ນກັບແຂວງສົງຂາ ອັນເປັນຕົວເມືອງໃຫຍ່ກວ່າໝູ່ ແລະ ເປັນສູນກາງດ້ານເສດຖະກິດ-ສັງຄົມ ທາງພາກໃຕ້ຂອງປະເທດ ພາຍຫລັງທີ່ໜ່ວຍງານສືບຂ່າວຂອງທາງການ ໄດ້ຮັບຂໍ້ມູນວ່າ ອາດເກີດການບຸກໂຈມຕີຂອງ ກຸ່ມກໍ່ຄວາມບໍ່ສະຫງົບທາງພາກໃຕ້ ທີ່ຕ້ອງການແຍກຕົວອອກ ແລະ ສ້າງຕັ້ງລັດອິດສະລາມຂຶ້ນ ໂດຍບັນດາກຳລັງປ້ອງກັນຄວາມສະຫງົບ ແລະ ເຈົ້າໜ້າທີ່ກວດມ້າງລະເບີດ ໄດ້ລະດົມການອອກກວດກາຕະຫລອດ 24 ຊົ່ວໂມງ ໃນທົ່ວນະຄອນ.
ພ້ອມກັນນັ້ນ, ບັນດາອຸປະກອນທຳລາຍລະເບີດ ກໍໄດ້ຖືກຕິດຕັ້ງຢູ່ຫລາຍເຂດ ໂດຍບັນດາເຂດທີ່ສຸມໃສ່ຄວບຄຸມເປັນພິເສດ ແມ່ນຢູ່ຕາມສູນການຄ້າ ແລະ ສະຖານີຂົນສົ່ງສາທາລະນະຂອງນະຄອນຫາດໃຫຍ່.
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!