Homeຂ່າວການສຶກສາເລີ່ມແລ້ວ! ການສອບເສັງນັກຮຽນເກັ່ງທົ່ວປະເທດ ຊັ້ນມັດທະຍົມສຶກສາ ປະຈຳສົກ 2015-2016

ເລີ່ມແລ້ວ! ການສອບເສັງນັກຮຽນເກັ່ງທົ່ວປະເທດ ຊັ້ນມັດທະຍົມສຶກສາ ປະຈຳສົກ 2015-2016

Published on

ຂປລ. ການ​ສອບ​ເສັງ ​ນັກ​ຮຽນ​ເກັ່ງ ທົ່ວ​ປະ​ເທດ ຊັ້ນ​ມັດທະຍົມ​ສຶກສາ ປະຈຳ​ສົກຮຽນ 2015-2016 ​ແມ່ນ​ຈັດ​ຂຶ້ນ ​ລະຫວ່າງວັນ​ທີ 25-29 ​ເມສາ ນີ້, ທີ່​ມະຫາວິທະຍາ​ໄລ​​ແຫ່ງ​ຊາດ​ ນະຄອນຫລວງ​ວຽງ​ຈັນ, ມີ​​ນັກຮຽນ​ເຂົ້າ​ຮ່ວມ​ສອບ​ເສັງ ​ທັງ​ໝົດ 144 ຄົນ, ຍິງ 45 ຄົນ. ​ໃນ​ນັ້ນ, ​ນັກ​ສອບ​ເສັງ ຊັ້ນ ​ມ4 ມີທັງ​ໝົດ 72 ຄົນ, ຍິງ 26 ຄົນ, ຊັ້ນ ມ7 ມີທັງໝົດ 72 ຄົນ, ຍິງ 19 ຄົນ. ວິຊາ​ສອບ​ເສັງ ​ມີ 4 ວິຊາ ​ຄື: ວິຊາ​ຄະນິດສາດ, ​ພາສາ​ລາວ-ວັນນະຄະດີ, ຟີ​ຊິກ​ສາດ ​ແລະ ​ເຄມີ​ສາດ ​ເຊິ່ງ​ເວ​ລາ​ທີ່​ໃຊ້​ແຂ່ງຂັນ​ ໃນ​ແຕ່​ລະວິ​ຊາ​ ແມ່ນ 120 ນາທີ. ນອກ​ນັ້ນ, ​ຍັງ​ມີ​ກິດຈະກຳ​​ ແຂ່ງຂັນຖາມ-ຕອບ ວິທະຍາສາດ ​ແລະ ຄວາມ​ຮູ້​ຮອບ​ຕົວ ​ເປັນ​ເວລາ 1 ມື້ ​ໂດຍ​ມີ​ນັກຮຽນ​ ມາຈາກ​ໂຮງຮຽນ​ຕ່າ​ງໆ​ ເຂົ້າ​ຮ່ວມ ພ້ອມ​ຈະ​ນຳພາ​ ນັກ​ຮຽນ​ໄປ ​ທັດສະນະ​ສຶກສາ ຕາມ​ສະຖານ ​ທີ່​ທາງ​ປະ​ຫວັດ​ສາດ ​ແລະ ມູນ​ເຊື້ອ​ວັດທະນະທຳ​ ​ນຳ​ອີກ.

student​ໃນ​ໂອກາດ​ດັ່ງກ່າວ ທ່ານ ກອງ​ສີ ​ແສງ​ມະນີ, ຮອງ​ລັດຖະມົນຕີ​ ກະຊວງ​ສຶກສາ​ທິການ ​ແລ​ະ ກິລາ ​ໃຫ້​ຮູ້​ວ່າ: ການ​ສອບ​ເສັງ​ ນັກຮຽນ​ເກັ່ງ​ ທົ່ວ​ປະ​ເທດ​ ຊັ້ນ​ມັດທະຍົມ​ສຶກສາ ​ເປັນ​ໜຶ່ງ​ໃນ​ກິດຈະກຳ ​ບຸລິ​ມະ​ສິດ ທີ່​ມີ​ຄວາມ​ສຳຄັນ​ປະຈຳ​ສົກຮຽນ ​ເຊິ່ງຊັ້ນ ມ4 ​ໄດ້​ຈັດ​ຕັ້ງ​ສອບ​ເສັງ ​ເປັນ​ປີ​ທີ 7 ​ແລະ ມ7 ​ເປັນ​ປີ​ທີ 6, ການ​ສອບ​ເສັງ​ດັ່ງກ່າວ,​ ​ເພື່ອ​ສ້າງ​ໂອກາດ​ໃຫ້​ນັກຮຽນ ​ໄດ້​ສະ​ແດງ​ອອກ​ ດ້ານ​ຄວາມ​ຮູ້​-ຄວາມ​ສາມາດ, ​ພອນ​ສະຫວັນ ​ແລະ ຫົວຄິດ​ປະດິດ​ສ້າງ ​ຂອງ​ຕົນ, ​ເພື່ອ​ສົ່ງ​ເສີມ ​ແລະ ຊຸກຍູ້​ຂະ​ບວນການ​ ສອນ​ດີ-ຮຽນ​ເກັ່ງ ຢູ່​ໃນ​ໂຮງຮຽນ ຊັ້ນ​ມັດທະຍົມ​ສຶກສາ ທົ່ວ​ປະ​ເທດ ​ໃຫ້​ມີ​ບັນຍາກາດ​ຟົດ​ຟື້ນ ​ແຂ່ງຂັນ​ກັນ ​ແລະ ມີ​ຄຸນ​ນະພາ​ບ, ​ເພື່ອ​ວັດ​ແທກ ​ແລະ ປະ​ເມີນ​ຜົນ​ ຜົນສໍາ​ເລັດ​ດ້ານ​ການ ​ສິດສອນ-ຮໍ່າຮຽນ ຂອງ​ຄູ ​ແລະ ນັກຮຽນ, ​ເພື່ອ​ຄັດ​ເລືອກ ​ແລະ ສົ່ງ​ເສີມ​ນັກຮຽນ​ເກັ່ງ ທີ່​ມີ​ພອນ​ສະຫວັນ​ ໃນ​ແຕ່​ລະວິ​ຊາ​ ເປັນ​ຕົວ​ແທນ​ຂອງ​ຊາດ ​ເຂົ້າ​ຮ່ວມ​ແຂ່ງຂັນ ​ລະດັບ​ພາກ​ພື້ນ ​ແລະ ສາກົນ. ​ພ້ອມ​ທັງເປັນ​ການ​ ສ້າງ​ໂອກາດ​ໃຫ້​ຄູ​ນຳພາ ​ແລະ ນັກ​ສອບ​ເສັງ​ ຈາກ​ທົ່ວ​ປະທດ ​ໄດ້​ແລກປ່ຽນ-ຖອດ​ຖອນ ​ບົດຮຽນ​ຮ່ວມ​ກັນ. ການ​ສອບ​ເສັງ​ ໃນ​ສົກຮຽນ​ປີ​ນີ້ ກົມ​ມັດທະຍົມ​ສຶກສາ ​ໄດ້​ມີ​ການ​ປັບປຸງ​ຮູບ​ແບບ, ວິທີ​ການ ​ແລະ ມາດຕະຖານ ​​ເພື່ອ​ໃຫ້​ກ້າວ​ສູ່ ມາດຕະຖານ​ສາກົນ ​ໂດຍ​ໄດ້​ເຊີນ​ຄູ​ສອນ​ຕົວ​ຈິງ ​ແລະ ວິຊາ​ການ ທີ່​ມີປະສົບ​ການ ​ມາ​ອອກ​ຂໍ້​ສອບ​ໃນ​ຄັ້ງ​ນີ້.

ສຳລັບ​ນັກ​ສອບ​ເສັງ​ ທີ່​ໄດ້​ອັນ​ດັບ 1, 2 ​ແລະ 3 ຈະ​ໄດ້​ຮັບ​ໃບ​ຢັ້ງຢືນ, ​ໃບ​ຍ້ອງຍໍ ​ແລະ ທຶນ​ການ​ສຶກສາ ພ້ອມ​ທັງ​ຫລຽນ​ ນັກຮຽນ​ເກັ່ງ. ​ເຊິ່ງຜົນ​ການ​ສອບ​ເສັງ​ ຄັດ​ເລືອກນັກຮຽນ​ເກັ່ງ ຈະ​​ປະກາດ​ໃນ​ວັນ​ທີ 28 ເມສາ ນີ້ ທີ່ມະຫາ ວິທະຍາໄລແຫ່ງຊາດ ນະຄອນຫລວງວຽງຈັນ.

 

ແຫລ່ງຂ່າວ:

ຂປລ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...