spot_img
Homeຂ່າວການພັດທະນາລາວ-ຈີນ​ ເສີມ​ຂະຫຍາຍ​ສາຍ​ພົວພັນ​ຮ່ວມ​ມືສອງຝ່າຍ

ລາວ-ຈີນ​ ເສີມ​ຂະຫຍາຍ​ສາຍ​ພົວພັນ​ຮ່ວມ​ມືສອງຝ່າຍ

Published on

ໂດຍ​ຕອບ​ສະໜອງ​ຕາມ​ຄໍາ​ເຊີ​ນຂອງທ່ານ ສະ​ເຫລີ​ມ​ໄຊ ກົມມະ​ສິດລັດຖະມົນຕີ​​ກະຊວງ​ການ​ຕ່າງປະ​ເທດ​ແຫ່ງ ສປປ ​ລາວ, ທ່ານ ຫວາງ ອີ້ລັດຖະມົນຕີ​ກະຊວງ​ການ​ຕ່າງປະ​ເທດ​ແຫ່ງ ສປ ຈີນ,​ໄດ້​ເດີນທາງ​ມາ​ຢ້ຽມຢາມສ ປປ ລາວ​ ຢ່າງ​ເປັນ​ທາງ​ການ​ໃນວັນ​ທີ 22-24 ​ເມສານີ້ ​ເພື່ອ​ເສີມ​ຂະ ຫຍາຍ​ສາຍ​ພົວພັນ​ມິດ​ຕະພາບ ​ແລະ ການຮ່ວມ​ມືລະຫວ່າງສອງ​ປະ​ເທດ ​ໃຫ້​ແໜ້ນ​ແຟ້ນຍິ່ງໆຂຶ້ນ.

ໃນ​ວັນທີ 23 ​ເມສານີ້ທີ່​ກະຊວງ​ການ​ຕ່າງປະ​ເທດ,​ ໄດ້​ມີ​ການ​ພົບ​ປະ​ສອງ​ຝ່າຍ​ຢ່າງເປັນທາງການລະຫວ່າງທ່ານລັດຖະມົນຕີ​​ກະຊວງ​ການ​ຕ່າງປະ​ເທດລາວ ​ແລະ ທ່ານລັດຖະມົນຕີ​​ກະຊວງ​ການ​ຕ່າງປະ​ເທດ​ແຫ່ງຈີນ,ຊຶ່ງສອງ​ຝ່າຍ​ໄດ້​ສະ​ແດງ​ຄວາມ​ຍິນ​ດີ ​ແລະ ຕີ​ລາຄາ​ສູງ​ຕໍ່​ການ​ພົວພັນ​ຮ່ວມ​ມື​​ໃນ​ໄລຍະ​ຜ່ານ​ມາ​ທີ່​ໄດ້​ຮັບ​ການ​ສືບ​ຕໍ່​ເສີມ​ຂະຫຍາຍຢ່າງ​ບໍ່​ຢຸດ​ຢັ້ງ ​ແລະ ລົງ​ເລິກ​ໃນ​ວຽກ​ງານ​ຕົວ​ຈິຫລາຍ​ດ້ານ​ເປັນ​ຕົ້ນ:

ຂົງເຂດ​ເສດຖະກິດ, ການ​ຄ້າ, ການ​ລົງທຶນ, ການທ່ອງທ່ຽວ ​ແລະ ດ້ານ​ອື່ນໆ ​ກໍ​ໄດ້ ​ຮັບ​ໝາກຜົນ​ເປັນ​ຢ່າງ​ດີ​. ພິ​ເສດໂຄງການ​ຮ່ວມ​ມື​ທີ່​ພົ້ນ​ເດັ່ນກໍ​ຄື​ຜົນ​ສໍາ​ເລັດ​ການ​ສົ່ງ​ດາວ​ທຽມ​ລາວ​ດວງທໍາ​ອິດ​ຂຶ້ນ​ສູ່​ວົງ​ໂຄຈອນໂລກ ​ແລະ ​ໂຄງການ​ກໍ່ສ້າງ​ເສັ້ນທາງ​ລົດ​ໄຟ​ລາວ-ຈີນ ​ໂດຍ​ສອດຄ່ອງ​ກັບ​ການ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ທີ່​ຜູ້​ນໍາ​ທັງສອງ​ປະ​ເທດ​ໄດ້​ຕົກລົງ​ຮ່ວມ​ກັນ, ພ້ອມ​ດຽວ​ກັນ​ນັ້ນ, ສອງ​ຝ່າຍ​ເຫັນ​ດີ​ຈະ​ຈັດ​ກິດຈະ​ກໍາ​ຕ່າງໆ​ຮ່ວມ​ກັນເພື່ອ​​ເປັນ​ການສະ​ເຫລີ​ມສະຫລອງ​ວັນ​ສ້າງ​ຕັ້ງ​ສາຍ​ພົວພັນ​ການ​ທູດ​ລາວ-ຈີນຄົບຮອບ 55 ປີ​ໃນ​ປີ​ນີ້, ສອງ​ຝ່າຍ​ຍິນ​ດີ​ໃຫ້ການ​ສະໜັບສະໜູນ ​ແລະ ຊ່ວຍ​ເຫລືອ​ເຊິ່ງກັນ ​ແລະ ກັນ​ໃນ​ເວທີ​ພາກ​ພື້ນ ​ແລະ ສາກົນ, ສືບ​ຕໍ່​ຮ່ວມ​ມື​ປະສານ​ງານ​ກັນ​ຢ່າງ​​ໃກ້

ຊິດ​ຄື​ດັ່ງ​ທີ່​ເຄີຍ​ປະຕິບັດ​ຜ່ານ​ມາ,​ ໂດຍ​ສະ​ເພາະ​ການ​ເປັນ​ປະທານ​ອາ​ຊຽນຂອງ ສປປ ລາວ​ ໃນ​ປີ 2016 ນີ້. ນອກນັ້ນສອງ​ຝ່າຍ​ໄດ້​ກໍານົດ​ທິດ​ທາງ ​ແລະ ​ແຜນການ​ຮ່ວມ​ມື​ກັນ​ໃນ​ຕໍ່ໜ້າ, ລວມທັງ​ການ​ແລກປ່ຽນ​ຄໍາ​ຄິດ​​ເຫັນ​ຕໍ່​ບັນຫາ​ພາກ​ພື້ນ ​ແລະ ສາກົນ​ ທີ່​ສອງ​ຝ່າຍ​ມີ​ຄວາມ​ສົນ​ໃຈ​ຮ່ວມ​ກັນ.

ໃນໂອກາດນີ້,ທ່ານລັດຖະມົນຕີຕ່າງປະເທດ ສປ ຈີນ ຍັງໄດ້ເຂົ້າຢ້ຽມຂໍ່ານັບທ່ານປະທານປະເທດ ບຸນຍັງ ວໍລະຈິດ ແລະ ຢ້ຽມຂໍ່ານັບທ່ານນາຍົກລັດຖະມົນຕີ ທອງລຸນ ສີສຸລິດ, ໃນໂອກາດນີ້ທານປະທານປະເທດ ແລະ ທ່ານນາຍົກລັດຖະມົນຕີແຫ່ງ ສປປ ລາວ, ໄດ້ຕີລາຄາສູງຕໍ່ການມາຢ້ຽມ ຢາມລາວຂອງທ່ານ ຫວາງ ອີ ພ້ອມຄະນະ, ເຊິ່ງເປັນການປະກອບສ່ວນສໍາຄັນເຂົ້າໃນການເພີ່ມທະວີສາຍພົວພັນມິດຕະພາບອັນເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຈີນ ໃຫ້ນັບມື້ແຕກດອກອອກຜົນງອກງາມຍິ່ງຂຶ້ນ, ພ້ອມທັງສະແດງຄວາມຮູ້ບຸນຄຸນຕໍ່ພັກ, ລັດຖະບານ ແລະ ປະຊາຊົນຈີນທີ່ໄດ້ໃຫ້ການຊ່ວຍເຫລືອອັນໃຫຍ່

ຫລວງແກ່ ສປປ ລາວ ມາໂດຍຕະຫລອດ, ພ້ອມທັງຝາກຄໍາຢື້ຢາມຖາມຂ່າວອັນສະໜິດສະໜົມເຖິງບັນດາການນໍາຂັ້ນສູງຂອງພັກ ແລະ ລັດຖະບານ ສປ ຈີນ ນໍາດ້ວຍ.

ຂ່າວຈາກ: laophatthananewspaper

ບົດຄວາມຫຼ້າສຸດ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ...

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...