ສຳນັກຂ່າວຕ່າງປະເທດລາຍງານຈາກກຸງຣິຍາດປະເທດຊາອຸດິອາຣະເບຍ ເມື່ອວັນທີ 21 ເມສາວ່າ ທາງການຊາອຸດິອາຣະເບຍດຳເນີການປະຫານຊີວິດທ້າວ ຊາມານ ຂ່ານ ໄຊຍຶດ ນັກໂທດຊາວປາກີສະຖານ ຈາກຄວາມຜິດຂໍ້ຫາລັກລອບຂົນຢາເສບຕິດ ໂດຍການປະຫານມີຂື້ນທີ່ເຂດຣິຍາດເມື່ອວັນພະຫັດ ແລະທ້າວຊານັບເປັນນັກໂທດຄົນທີ 86 ທັງຊາວຊາອຸດິອາຣະເບຍແລະຊາວຕ່າງຊາດ ທີ່ຖືກປະຫານຊີວິໃນປີນີ້
ຖະແຫຼງການຂອງກະຊວງພາຍໃນຊາອຸລະບຸວ່າ ທ້າວຊາຖືກສານພິພາກສາວ່າ ມີຄວາມຜິດແທ້ຕາມຂໍ້ຫາພະຍາຍາມລັບລອບຂົນເຮໂລອິນແລະຢາບ້າເຂົ້າສູ່ຊາອຸ
ການປະຫານຊີວິດໃນຊາອຸເກືອບທັງໝົດ ນັກໂທດຈະຖືກເພັດຊະຄາດໃຊ້ດບຍາວຟັນຄຳຄໍຈົນຫົວຂາດອອກຈາກໂຕ
ການປະຫານຊີວິດໃນປີນີ້ລວມເຖິງນັກໂທດຄະດີ ກໍ່ການຮ້າຍ 47 ຄົນທີ່ຖືກປະຫານໃນວັນດຽວກັນເມື່ອວັນທີ 2 ມັງກອນຫຼັງຂື້ນປີໃໝ່ ອົງການນິລະໂທດສະກຳສາກົນກ່າວວ່າ ຊາອຸດິອາຣາເບຍປະຫານຊີວິດນັກໂທດຫຼາຍເປັນອັນດັບ 3 ຂອງໂລກເມື່ອປີກາຍດ້ວຍຈຳນວນ 158 ຄົນນັບວ່າໜ້ອຍຫຼາຍເມື່ອທຽບກັບອັນດັບ 2 ຄືປາກີສະຖານເຊິ່ງປະຫານ 326 ຄົນ ແລະອັນດັບ 1 ອິຫຣ່ານຢ່າງໜ້ອຍ 977 ຄົນ
ຂ່າວຈາກ: http://www.news.com.la/