ຕຳຫຼວດດ່ານສາກົນປາກຊັນສົ່ງຕ້ອງຫາຄົນໄທກັບປະເທດ

   ໂດຍ​ປະ­ຕິ­ບັດ​ຕາມ​ກອງ​ປະ­ຊຸມ​ຄະນະ​ກຳ­ມະ­ການ​ຮ່ວມ​ມື​ຮັກ­ສາ​ຄວາມ​ສະຫງົບ​ຄວາມ​ເປັນ​ລະ­ບຽບ​ຮຽບ​ຮ້ອຍ​ຕາມຊາຍ​ແດນ ລາວŒໄທ ແຂວງ​ບໍ​ລິ​ຄຳ​ໄຊŒ ຈັງ­ຫວັດ​ບຶງ​ການຄັ້ງ​ທີ I ແລະ ໄດ້​ອີງຕາມ​ຕົກ­ລົງ​ເຫັນ​ດີ​ຂອງ​ກອງ​ບັນ­ຊາ​ການ ປກສ ແຂວງ​ບໍ​ລິ​ຄຳ​ໄຊ ມີ​ຄຳ​ສັ່ງ​ປ່ອຍ​ຕົວເລກ​ທີ 1271/ປກສຂ ລົງ​ວັນ​ທີ 5 ພຶດສະ­ພາ 2014 ດັ່ງ­ນັ້ນ ໃນ​ຕອນ​ບ່າຍ​ວັນ​ທີ 6 ເດືອນ​ພຶດ­ສະ­ພາ​ຜ່ານ​ມາ​ນີ້ທີ່​ດ່ານ​ສາກົນ​ປາກ​ຊັນ ຈິ່ງ​ໄດ້​ມີ​ພິ­ທີ​ມອບŒຮັບ​ຕ້ອງຫາ​ຄົນ​ໄທ​ຈຳ­ນວນ 1 ຄົນ​ກັບ​ຄືນ​ປະ­ເທດ.

   ຕ້ອງ​ຫາ​ລາຍ​ນີ້​ຊື່­ວ່າ ນາງ ທະ​ນິ​ຊາ ສັງ​ກະ​ວີນ ອາ­ຍຸ 26 ປີ ອາ­ຊີບ​ຮັບ­ຈ້າງເຊື້ອ​ຊາດ ແລະ ສັນ­ຊາດ​ໄທຢູ່​ບ້ານ​ໄລ່ສຸກ​ສັນອຳ​ເພີ​ເມືອງຈັງ­ຫວັດ​ບຶງ​ການຖືກ​ກັກ​ຕົວ​ວັນ​ທີ 26 ມີ­ນາ 2014 ເຮັດ ຜິດ​ຂໍ້​ຫາ​ລັກ­ລອບ​ເຂົ້າ​ເມືອງ​ຜິດ​ກົດ­ໝາຍ ແລະ ລັກ​ສ້າງ​ຄອບ­ຄົວ​ກັບ​ພົນ­ລະ­ເມືອງ​ລາວ​ບໍ່​ຖືກ­ຕ້ອງ.

   ພິ­ທີ​ມອບŒຮັບ​ຕ້ອງ​ຫາ​ຄົນ​ໄທ​ກັບ​ຄືນປະ­ເທດ​ຄັ້ງ​ນີ້​ກ່າວ​ມອບ​ໂດຍ​ແມ່ນ​ທ່ານຮ້ອຍ​ເອກ ສີ​ຂັນ­ໄຊ ໄຊ​ມຸນ­ຕີ ຫົວ­ໜ້າ​ຕຳຫຼວດ​ກວດ​ຄົນ​ເຂົ້າŒອອກ​ເມືອງ​ດ່ານ​ສາກົນ​ປາກ​ຊັນກ່າວ​ຮັບ​ແມ່ນ​ທ່ານ​ຮ້ອຍ​ຕຳຫຼວດ​ໂທ ສູນ​ທອນ ບົວ​ສອນ ຫົວ­ໜ້າ​ຈຸດກວດ​ຄົນ​ເຂົ້າŒອອກ​ເມືອງ​ດ່ານ​ສາ­ກົນບຶງ​ການ ໂດຍ​ຊ້ອງ​ໜ້າ​ເຈົ້າ​ໜ້າ­ທີ່​ທັງສອງ​ຝ່າຍ ຊຶ່ງ​ກ່ອນ​ມອບ​ທ່ານ​ຮ້ອຍ​ເອກ ສີ​ຂັນ­ໄຊ ໄຊ​ມຸນ­ຕີ ກໍ​ໄດ້​ສຶກ​ສາ​ອົບ­ຮົມ ຕ້ອງ​ຫາ​ໃຫ້​ປະ­ຕິ­ບັດ​ລະ­ບຽບ​ກົດ­ໝາຍໃຫ້​ເຂັ້ມ​ງວດໄປŒມາ​ຖືກ­ຕ້ອງ​ສອດ­ຄ່ອງກັບ​ລະ­ບຽບ​ກົດ­ໝາຍ ແລະ ບໍ່​ຕ້ອງ​ກະທຳ​ຜິດ​ຊ້ຳ​ຕື່ມ​ອີກ ເພື່ອ​ຄວາມ​ເປັນ​ລະບຽບ​ຮຽບ​ຮ້ອຍ​ຂອງ​ສັງ­ຄົມ.

ຂ່າວ: ວິ­ໄລ​ທອງ ລໍ​ວັນ​ໄຊ

ທີ່ມາ http://www.sedthakid.la/khao/18755.spc