spot_img
Homeຂ່າວສັ້ນຂະແໜງຊົນລະປະທານ ສະໜອງນ້ຳໃຫ້ເນື້ອທີ່ການຜະລິດລະດູແລ້ງ ຫຼຸດຄາດໝາຍ

ຂະແໜງຊົນລະປະທານ ສະໜອງນ້ຳໃຫ້ເນື້ອທີ່ການຜະລິດລະດູແລ້ງ ຫຼຸດຄາດໝາຍ

Published on

ໄລຍະ 6 ເດືອນ​ຕົ້ນ​ສົກ​ປີ 2013-2014 ກະຊວງ​ກະສິກຳ ແລະ ປ່າໄມ້ ກໍ່​ຄື​ຂະແໜງ​ຊົນລະປະທານ​ສະໜອງ​ນ້ຳ ໃຫ້​ກັບ​ການ​ຜະລິດ​ລະດູແລ້ງ​ໄດ້​ພຽງ 138.155 ເຮັກຕາ, ໃນ​ນັ້ນ ສະໜອງ​ໃຫ້​ເນື້ອທີ່​ປູກ​ເຂົ້າ​ໄດ້​ພຽງ 103.412 ເຮັກຕາ, ປູກ​ພືດ​ລະດູແລ້ງ 34.744 ເຮັກຕາ, ຫຼຸດ​ຄາດໝາຍ 41.845 ເຮັກຕາ, ຂະນະ​ທີ່​ແຜນການ​ສະໜອງ​ນ້ຳ ໃຫ້​ແກ່​ການ​ຜະລິດ​ລະດູແລ້ງ ທີ່​ກະຊວງ​ກະສິກຳ​ວາງ​ອອກ​ແມ່ນ 180.000 ເຮັກຕາ.

ທ່ານ ວິໄລ​ວັນ ພົມ​ເຂ ລັດຖະມົນຕີ​ວ່າການ​ກະຊວງ​ກະສິກຳ ແລະ ປ່າໄມ້ ໄດ້​ແຈ້ງ​ຕໍ່​ກອງ​ປະຊຸມ​ລັດຖະບານ​ກາງ​ສົກ​ປີ 2013-2014 ນີ້​ຢູ່​ຫ້ອງ​ວ່າການ​ລັດຖະບານ​ວ່າ: ສາເຫດ​ຂອງ​ການ​ສະໜອງ​ນ້ຳ ບໍ່​ບັນລຸ​ຕາມ​ແຜນການ​ນັ້ນ ຍ້ອນ​ບັນຫາ​ສະພາບ​ອາກາດ​ມີ​ການ​ປ່ຽນແປງ ແລະ ແມ່ນ້ຳ, ຫ້ວຍ,ຮ່ອງ, ຄອງ​ບຶງ ມີ​ການ​ບົກ​ແຫ້ງ​ຜິດ​ປົກກະຕິ, ບັນດາ​ລະບົບ​ຊົນລະປະທານ​ເກົ່າ​ແກ່, ຊຸດໂຊມ​ບໍ່​ຮັບປະກັນ​ການ​ນຳ​ໃຊ້ ເປັນຕົ້ນ​ແມ່ນ​ໂຄງການ​ສະຖານີ​ຈັກສູບນ້ຳ ແລະ ລະບົບ​ຄອງເໝືອງ​ເປ່​ເພ ແລະ ແຮງ​ຈູງ​ໃຈ​ລາຄາ​ເຂົ້າ​ບໍ່​ປົກກະຕິ ເຮັດ​ໃຫ້​ຊາວນາ​ມີ​ແນວ​ຄິດ​ທໍ້ຖອຍ, ບໍ່​ປູກ​ເຂົ້ານາແຊງ ຫັນ​ໄປ​ປູກ​ພືດ​ຊະນິດ​ອື່ນ​ແທນ ຫັນ​ໄປ​ເຮັດ​ອາຊີບ​ອື່ນ. ເຖິງ​ວ່າການ​ສະໜອງ​ນ້ຳ​ໃຫ້ການ​ປູກ​ເຂົ້າ ບໍ່​ໄດ້​ຕາມ​ແຜນ​ກໍ່​ຕາມ ແຕ່​ການ​ປູກ​ພືດ​ລະດູແລ້ງ ເຫັນ​ວ່າ​ມີ​ຂະ​ບວນ​ການ​ຟົດຟື້ນ​ພໍ​ສົມຄວນ ໂດຍ​ກະສິກອນ​ໄດ້​ສຸມ​ໃສ່​ການ​ປູກ​ພືດ​ຜັກ ແລະ ພືດ​ໃຫ້​ໝາກ​ຊະນິດ​ຕ່າງໆ ໃນ​ເນື້ອທີ່​ເຂດ​ຊົນລະປະທານ 36.212 ເຮັກຕາ, ເນື້ອທີ່​ເຂດ​ນອກ​ຊົນລະປະທານ 56.287 ເຮັກຕາ.

ທີ່ມາ http://www.vientianemai.net/teen/khao/1/11758

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...