spot_img
Homeຂ່າວການພັດທະນາໄທ ແລະ ອາເມຣິກາ ສົນໃຈລົງທຶນໃນເຂດນິຄົມອຸດສາຫະກຳ

ໄທ ແລະ ອາເມຣິກາ ສົນໃຈລົງທຶນໃນເຂດນິຄົມອຸດສາຫະກຳ

Published on

ໄທ ແລະ ອາເມຣິກາ ສົນໃຈລົງທຶນໃນເຂດນິຄົມອຸດສາຫະກຳ
ໄທ ແລະ ອາເມຣິກາ ສົນໃຈລົງທຶນໃນເຂດນິຄົມອຸດສາຫະກຳ

ນິຄົມ​ອຸດສາຫະກຳ ນະຄອນຫຼວງ​ວຽງ​ຈັນ ໄດ້​ລິ​ເລີ່ມ​ມາ​ແຕ່​ປີ 1992-1993 ແລະ ໄດ້​ຮັບ​ການ​ສ້າງຕັ້ງ​ຢ່າງ​ເປັນ​ທາງ​ການ​ໃນ​ປີ 2005 ມາ​ຮອດ​ປັດຈຸບັນ ໄດ້​ມີ​ນັກທຸລະກິດ​ທັງ​ພາຍ​ໃນ ແລະ ຕ່າງປະເທດ ສົນໃຈ​ເຂົ້າ​ມາ​ລົງທຶນ​ໃນ​ນິຄົມ​ອຸດສາຫະກຳ​ຈຳນວນ 35 ກິດຈະກຳ ແລະ ໂຄງການ​ສ້າງຕັ້ງ​ໂຮງງານ​ຜະລິດ​ອາຫານ ເພື່ອ​ສົ່ງ​ອອກ​ກໍ່​ແມ່ນ​ກິດຈະການ​ຂະໜາດ​ໃຫຍ່​ແຫ່ງ​ໜຶ່ງ​ຂອງ TAKAWA DESIGN AND CONSTRUCTION CO.,LTD ແລະ FIC BUSINESS AND FINANCIAL CENTERS ທີ່​ສົນໃຈ​ເຂົ້າ​ມາ​ສຶກ​ສາ​ຄວາມ​ເປັນ​ໄປ​ໄດ້ ໃນ​ການ​ລົງທຶນ​ຢູ່​ໃນ​ນິຄົມ​ອຸດສາຫະກຳ ນະຄອນຫຼວງ​ວຽງ​ຈັນ.

ສຳລັບ​ບໍລິສັດ TAKAWA DESIGN AND CONSTRUCTION CO.,LTD ເປັນ​ບໍລິສັດ​ຂອງ​ນັກທຸລະກິດ​ປະເທດ​ໄທ ແລະ FIC BUSINESS AND FINANCIAL CENTERS ເປັນ​ບໍລິສັດ​ຂອງ​ນັກທຸລະກິດ​ປະເທດ​ອາ​ເມ​ຣິ​ກາ ທັງ​ສອງ​ບໍລິສັດ​ຈະ​ເປັນ​ຜູ້​ຈັດ​ຫາ​ແຫຼ່ງ​ທຶນ​ທັງ​ໝົດ ເຂົ້າ​ມາ​ຈັດ​ຕັ້ງ​ປະຕິບັດ​ໂຄງການ ໂດຍ​ມີ​ບໍລິສັດ ພີ​ພີ​ເອັດ​ການ​ຄ້າ​ຂາ​ເຂົ້າ-ຂາ​ອອກ​ຂອງ ສປປ ລາວ ເປັນ​ຜູ້​ປະສານ​ງານ.

ອີງ​ຕາມ​ບົດ​ວິພາກ​ເສດຖະກິດ-ເຕັກນິກ​ຂັ້ນ​ຕົ້ນ ຄາດ​ວ່າ​ຈະ​ນຳ​ທຶນ​ເຂົ້າ​ມາ​ພັດທະນາ ໃຫ້​ເກີດ​ມີ​ກິດຈະການ​ໂຮງງານ​ຢູ່​ໃນ​ນິຄົມ​ອຸດສາຫະກຳ​ແຫ່ງ​ນີ້ ປະມານ 300 ກວ່າ​ແຫ່ງ ແລະ ຄາດ​ວ່າ​ໂຄງການ​ດັ່ງກ່າວ ຈະ​ສຳເລັດ​ໃນ​ປີ 2018-2019 ຖ້າ​ໂຄງການ​ທັງ​ໝົດ​ສຳເລັດ ອາດ​ຈະ​ມີ​ເງິນ​ລົງທຶນ​ຫຼາຍ​ກວ່າ 2,5 ຕື້​ໂດ​ລາ​ສະຫະລັດ.

ພິທີ​ເຊັນ​ບົດ​ບັນທຶກ​ຄວາມ​ເຂົ້າໃຈ ເພື່ອ​ສຶກ​ສາ​ຄວາມ​ເປັນ​ໄປ​ໄດ້ ໃນ​ການ​ສຳ​ປະທານ​ເນື້ອທີ່​ດິນ​ນິຄົມ​ອຸດສາຫະກຳ ນະຄອນຫຼວງ​ວຽງ​ຈັນ ໄດ​ຈັດ​ຂຶ້ນ​ວັນ​ທີ 7 ພຶດສະພາ 2014 ທີ່​ຜ່ານ​ມາ ຢູ່​ທີ່​ພະ​ແນກ​ອຸດສາຫະກຳ ແລະ ການ​ຄ້າ ນະຄອນຫຼວງ​ວຽງ​ຈັນ ໂດຍ​ການ​ຮ່ວມ​ລົງ​ນາມ​ຂອງ​ທ່ານ ເບີ​ລິນ ເພັດ​ຈັນທະ​ລາດ ຫົວໜ້າ​ພະ​ແນກ​ອຸດສາຫະກຳ ແລະ ການ​ຄ້າ ນະຄອນຫຼວງ​ວຽງ​ຈັນ ແລະ ທ່ານ ບິງ​ເລ ເອດ​ດູ ຕາງໜ້າ​ນັກ​ລົງທຶນ ໃຫ້​ກຽດ​ເຂົ້າ​ຮ່ວມ​ເປັນ​ສັກຂີ​ພິຍານ ໃນ​ການ​ລົງ​ນາມ​ຄັ້ງ​ນີ້​ມີ​ທ່ານ ​ດຣ. ອານຸພາບ ຕຸ​ນາ​ລົມ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ພາກສ່ວນ​ທີ່​ກ່ຽວຂ້ອງ​ທັງ​ສອງ​ຝ່າຍ.

ທີ່ມາ http://www.vientianemai.net/teen/khao/1/11761

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...