ສຳນັກຂ່າວຕ່າງປະເທດລາຍງາຍວ່າ ທ່ານ ໝອງ-ອີຟ ເລີ ດຣິອອງ ລັດຖະມົນຕີກະຊວງປ້ອງກັນປະເທດຝຣັ່ງ ກ່າວສະແດງຄວາມໝັ້ນໃຈໃນທາງທີ່ດີວ່າ ມີຄວາມຫວັງຈະປາບປາມກຸ່ມໄອເອສໃຫ້ໝົດໄປໄດ້.
ທ່ານ ເລີ ດຣິອອງ ກ່າວມື້ນີ້ ທາງສະຖານີວິທະຍຸຟຣານ-ອິນໂຟວ່າ ເຄືອຂ່າຍກຸ່ມຫົວຮຸນແຮງສູນເສຍພື້ນທີ່ໄປ 30-40% ຂອງດິນແດນທີ່ຢຶດຄອງໄວ້ໃນຊີເຣຍ ແລະອີຣັກ ຊຶ່ງມີທ່າອຽງວ່າຈະສາມາດກຳຈັດກຸ່ມໄອເອສໃຫ້ສິ້ນໄປໄດ້ ແລະກ່າວວ່າ ເປົ້າໝາຍຂອງກອງກຳລັງພັນທະມິດທີ່ສະຫະລັດເປັນຜູ້ນໍາຄາດວ່າ ເມືອງໂມຊູລໃນອີຣັກ ແລະເມືອງຣັກກາທາງພາກເໜືອຂອງຊີເຣຍຊຶ່ງໃຊ້ເປັນທີ່ໝັ້ນຂອງກຸ່ມໄອເອສ ຈະຢຶດຄືນມາໄດ້ໃນປາຍປີນີ້ ທ່ານເລີ ດຣິອອງ ກ່າວວ່າ ຄັ້ງນີ້ເປັນຄັ້ງທຳອິດທີ່ເຂົາໝັ້ນໃຈວ່າຈະສາມາດເຮັດໄດ້ສຳເລັດ.