ສຳນັກຂ່າວຣອຍເຕີລາຍງານເມື່ອວັນທີ 20 ເມສາ ປະເທດເອກວາດໍປະສົບເຫດແຜ່ນດິນໄຫວແມກນິຈູດ 6,2 ບໍລິເວນນອກຝັ່ງທະເລຂອງປະເທດ ນັບເປັນເຫດແຜນດິນໄຫວອີກຄັ້ງໜຶ່ງທີ່ເກີດຂຶ້ນພຽງບໍ່ເທົ່າໃດມື້ ຫລັງແຜ່ນດິນໄຫວແມກນິຈູດ 7,8 ຈົນເຮັດໃຫ້ມີຜູ້ເສຍຊີວິດເກືອບ 500 ຄົນ.
ສູນເຕືອນໄພສຶນາມິປາຊີຟິກລາຍງານວ່າ ແຜ່ນດິນໄຫວຄັ້ງຫຼ້າສຸດໃນເອກວາດໍມີຂຶ້ນເມື່ອເວລາ 03:33 ໂມງ ຕາມເວລາທ້ອງຖິ່ນ ຫຼື 15:33 ໂມງ ມາເວລາບ້ານເຮົາ, ສູນກາງຢູ່ກາງທະເລປາຊີຟິກຫ່າງອອກຈາກຝັ່ງເມືອງເອສເມີຣັລດາສ 70 ກິໂລແມັດທີ່ລະດັບຄວາມເລິກ 10 ກິໂລແມັດ ບໍ່ຫ່າງຈາກຈຸດສູນກາງແຜ່ນດິນໄຫວແມກນິຈູດ 7,8 ທີ່ເກີດຂຶ້ນເມື່ອວັນທີ 16 ເມສາປານໃດ.
ແຜ່ນດິນໄຫວ ມີຜູ້ເສຍຊີວິດຈາກເຫດແຜ່ນດິນໄຫວເມື່ອວັນທີ 16 ເມສາລວມ 480 ຄົນ ຫາຍສາບສູນອີກ 107 ຄົນ ແລະມີຜູ້ບາດເຈັບກວ່າ 4.600 ຄົນ ບ້ານເຮືອນປະຊາຊົນຫຼາຍຮ້ອຍຫຼັງຖືກທຳລາຍ ນອກຈາກນີ້ ຖະໜົນຫົນທາງຫຼາຍເສັ້ນຍັງໄດ້ຮັບຄວາມເສຍຫາຍ.