ຫົວ​ໜ້າ​ພະ​ແນ​ກສົ່ງ​ເສີມ​ການ​ປູກ​ໄມ້, ກະຊວງ​ກະສິກຳ​ ແລະ ປ່າໄມ້ໃຫ້ຮູ້ວ່າ: ປັດຈຸ​ບັນຂະ ແໜງການກ່ຽວຂ້ອງພວມ​ກະກຽມ​ໃຫ້​ແກ່​ການ​ປູກ​ໄມ້​ປະຈຳ​ປີ2016 ທີ່​ຈະ​ມີ​ຂຶ້ນ​ໃນ​ຕົ້ນ​ເດືອນ​ມີ​ຖຸນາ ທີ່​ຈະ​ມາ​ເຖິງ​ນີ້​ໃຫ້​ມີ​ບັນຍາກາດ​ຟົດ​ຟື້ນ ​ແລ​ະ ຮັບປະກັນ​ໄດ້​ຕາມ​ລະດັບ​ຄາດໝາຍວາງ​ໄວ້, ​ໂດຍ​ສະ​ເພາະ​ແມ່ນ ກ້າ​ເບ້ຍ ເພື່ອສະໜອງໃຫ້ວັນດັ່ງກ່າວ,ຊຶ່ງມີ​ແຜນ​ວາງ​ໄວ້​ໃຫ້​​ໄດ້ຫຼາຍກວ່າ 19 ລ້ານເບ້ຍ​ໃນ​ທົ່ວ​ປະ​ເທດ,​​ໃນ​ນັ້ນ​​ແຂວງ​ຜົ້ງ​ສາລີ​ໃຫ້​ໄດ້ 5 ແສນເບ້ຍ, , ຫຼວງ​ນ້ຳ​ທາ 1 ລ້ານເບ້ຍ, ອຸດົມ​ໄຊ 2 ລ້ານເບ້ຍ, ບໍ່​​ແກ້ວ  ​5 ແສນເບ້ຍ, ​ໄຊ​ຍະ​ບູລີ 5 ແສນເບ້ຍ,ຫຼວງ​ພະ​ບາງ 1,5 ລ້ານເບ້ຍ​, ຫົວພັນ 5 ແສນເບ້ຍ, ຊຽງ​ຂວາງ 2 ແສນເບ້ຍ, ວຽງ​ຈັນ 2,5 ລ້ານເບ້ຍ, ນະຄອນຫຼວງ​ວຽງ​ຈັນ​ 5 ແສນເບ້ຍ, ບໍ​ລິ​ຄຳ​ໄຊ 3 ແສນ

ເບ້ຍ, ຄຳ​ມ່ວນ 1,2 ລ້ານເບ້ຍ, ສະຫວັນ​ນະ​ເຂດ 3,2 ລ້ານກວ່າເບ້ຍ ​, ສາລະ​ວັນ 2 ລ້ານເບ້ຍ,ຈຳປາ​ສັກ 1,5 ລ້ານເບ້ຍ, ​​ເຊ​ກອງ 127 ພັນເບ້ຍ , ອັດ​ຕະປື 1 ລ້ານເບ້ຍ ​ແລະ ​ໄຊ​ສົມບູນ  3 ແສນເບ້ຍ ​ແລະ ​ເພື່ອ​ຮັບປະກັນໃຫ້ການ ກ້າເບ້ຍໄມ້ໄດ້ຕາມຄາດໝາຍ,ທາງກົມປ່າໄມ້ໄດ້ສົ່ງພະນັກງານວິຊາການລົງຊຸກຍູ້ການຜະລິດ ຂອງພະແນກກະສິກຳຢູ່ແຕ່ລະແຂວງ ແລະ ຄຽງຄູ່ກັບແຜນການຜະລິດເບ້ຍໄມ້ແລ້ວກະຊວງ​ກະສິກຳ​ຍັງ​ມີ​ແຜນ​ຟື້ນ​ຟູ​ປ່າ,​ ​ຊຸດ​ໂຊມ​ໃນ​ເຂດ​ປ່າ​ຜະລິດ​ໃຫ້​ໄດ້ 122 ພັນ​​ເຮັກຕາ ແລະ ​ນອກ​ເຂດ​ປ່າ​ສາມ​ປະ​ເພດ​ງ​ໃຫ້​ໄດ້ 154 ພັນ​ເຮັກຕາໃນປີນີ້ ແລະ ​ເພື່ອ​ເຮັດ​​ໃຫ້​ບັນລຸ​​ແຜນດັ່ງກ່າວ, ກະຊວງ​ກະສິກຳ​ໄດ້​ກະ​ກຽມຄວາມພ້ອມ​ທາງ​ດ້ານງົບປະມານ, ລວມ​ເຖິງພະນັກ ງານ​ວິຊາ​ການ ​ລົງ​ຊ່ວຍ​ແນະນຳ​ການຈັດ​ຕັ້ງ​ປະຕິບັດ​ຂະ​ບວນການ​ດັ່ງກ່າວ​ໃຫ້​ມີ​ຜົນ ແລະ ເປັນຂະບວນຟົດຟື້ນ.

ຂ່າວຈາກ: ລາວພັດທະນາ