ເປັນເລື່ອງເຊີໄພຣ໌ສຸດໆ ທີ່ເກີດຂຶ້ນໃນງານ CinemaCon ທີ່ນະຄອນລັດເວກັສ ເມື່ອຄ້າຍ Fox ໄດ້ປະກາດວ່າຈະສ້າງຮູບເງົາລະດັບຕຳນານເລື່ອງ Avatar ມີແຜນທີ່ຈະມີຄວາມຍາວເຖິງ 5 ພາກ
ເຈມສ໌ ແຄເມຣອນ ຜູ້ກຳກັບໄດ້ໃຫ້ສຳພາດວ່າ ເຂົາໄດ້ໃຊ້ເວລາສອງປີລວມກັບທີມຂຽນບົດອີກ 4 ຄົນ ໃນການວາງເນື້ອເລື່ອງຈັກກະວານຂອງ Avatar ທັງໂລກ, ມອນສ໌ເຕີ, ວັດທະນະທຳ ແລະ ຕົວລະຄອນຕ່າງໆ ແລະ ຕອນທີ່ເຂົາຕື່ນເຕັ້ນກັບມັນຫຼາຍ ເພາະເຂົາຮູ້ສຶກວ່າຈິນຕະນາການມັນເໜືອກ່ວາພາກທຳອິດ ທັງນີ້ມືຂຽນບົດທີ່ມາເຮັດວຽກຮ່ວມງານກັນໃນຄັ້ງນີ້ ແຕ່ລະຄົນລະດັບເທບທັງນັ້ນ ເຊິ່ງມີ Josh Friedman (War of the Worlds), Shane Salerno (Ghost Rider, Savages) ແລະ Amanda Silverกับ Rick Jaffa (Jurassic World) ທີ່ມາຮ່ວມຂຽນບົດນຳກັນ
ໜັງ Avatar ພາກທຳອິດຂອງເຈມສ໌ ແຄເມຣອນ ອອກສາຍໃນປີ 2009 ມີຈຸດເດັ່ນດ້ານເນື້ອໃນທີ່ເປັນໂລກອີກໃບໜຶ່ງ ຖ່າຍທຳດ້ວຍເທັກນິກ Virtual Effect ທີ່ສົມຈິງສຸດໆ ສ້າງລາຍຮັບໄດ້ເຖິງ 2,000 ລ້ານຫຼຽນ ຈາກທົ່ວໂລກ ເບື້ອງຕົ້ນແຜນທີ່ຈະສ້າງໃນປີ 2013 ໄດ້ປະກາດເຮັດອອກມາເປັນ 4 ພາກ ແລະ ລ່າສຸດໄດ້ຂະຫຍາຍໄປເປັນ 5 ພາກ ສ່ວນກຳນົດການສາຍພາກ 2 ແມ່ນຍັງອີກດົນກ່ວາເຮົາຈະໄດ້ເບິ່ງກໍ່ປະມານຊ່ວງຄິຣດມາສ ໃນປີ 2018 ສ່ວນພາກຖັດໄປຈະສາຍໃນປີ 2020, 2022 ແລະ 2023
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!