ສຳນັກຂ່າວຕ່າງປະເທດ ລາຍງານໃນວັນທີ 19 ເມສານີ້ວ່າ ໃນມື້ວານນີ້ (18 ເມສາ) ໄດ້ເກີດເຫດວາງລະເບີດ ລົດເມໂດຍສານຄັນໜຶ່ງ ຢູ່ນະຄອນຫລວງເຢຣູຊາແຣມ ປະເທດອິດສະລາແອນ ໂດຍແຮງລະເບີດໄດ້ເຮັດໃຫ້ ໄຟລຸກໄໝ້ລາມໄປໃສ່ລົດເມ ແລະ ລົດໃຫຍ່ຄັນອື່ນໆ ທີ່ຈອດຢູ່ໃກ້ຄຽງກັນ ຊຶ່ງມີຜູ້ໄດ້ຮັບບາດເຈັບຢ່າງໜ້ອຍ 21 ຄົນ ໃນນັ້ນອາການສາຫັດ 2 ຄົນ, ປັດຈຸບັນເຈົ້າໜ້າທີ່ຕຳຫລວດ ກຳລັງທຳການສືບສວນວ່າ ໃນບັນດາຜູ້ໄດ້ຮັບບາດເຈັບນີ້ ມີຜູ້ລົງມືກໍ່ເຫດລວມຢູ່ນຳ ຫລື ບໍ່.
ທ່ານ ນີ ບາກັດ ຫົວໜ້າເທດສະບານນະຄອນເຢຣູຊາເຣມ ໄດ້ອອກມາຮຽກຮ້ອງໃຫ້ປະຊາຊົນ ຈົ່ງມີສະຕິລະວັງຕົວ ແລະ ມີຄວາມໝັ້ນໃຈ ກັບຄືນມາໃຊ້ຊີວິດຕາມປົກກະຕິ.
