spot_img
Homeຂ່າວເຫດການກອງປະຊຸມຄັ້ງປະຖົມມະລຶກ ສະພາແຫ່ງຊາດຊຸດທີ VIII ຈະໄຂຂຶ້ນ 20-23 ເມສານີ້!

ກອງປະຊຸມຄັ້ງປະຖົມມະລຶກ ສະພາແຫ່ງຊາດຊຸດທີ VIII ຈະໄຂຂຶ້ນ 20-23 ເມສານີ້!

Published on

ຂປລ. ກອງປະຊຸມຄັ້ງປະຖົມມະລຶກ ສະພາແຫ່ງຊາດຊຸດທີ VIII ຈະໄຂຂຶ້ນ​​ແຕ່ວັນທີ 20-23 ​ເມສາ 2016 ທີ່ນະຄອນຫລວງວຽງຈັນ,ໂດຍຈະມີການພິຈາລະນາຕັດສິນແລະ ຮັບຮອງຫລາຍບັນຫາສຳຄັນພື້ນຖານຂອງຊາດເປັນຕົ້ນແມ່ນໂຄງປະກອບການຈັດຕັ້ງແລະ ບຸກຄະລາກອນຂອງສະພາແຫ່ງຊາດ, ​ການເລືອກຕັ້ງປະທານປະເທດແລະ ຮອງປະທານປະເທດ, ການເລືອກຕັ້ງນາຍົກລັດຖະມົນຕີ, ​ໂຄງປະກອບການຈັດຕັ້ງຂອງລັດຖະບານແລະ ການສະເໜີແຕ່ງຕັ້ງຮອງນາຍົກລັດຖະມົນຕີ, ພ້ອມດ້ວຍຄະນະລັດຖະບານຊຸດໃໝ່.

ທີ່ປະຊຸມຍັງຈະໄດ້ພິຈາລະນາແລະ ຮັບຮອງເອົາການເລືອກຕັ້ງ ຫົວໜ້າອົງການໄອຍະການປະຊາຊົນສູງສຸດແລະ ປະທານສານປະຊາຊົນສູງສຸດ, ຮັບຟັງການລາຍງານການເຄື່ອນໄຫວປະຕິບັດໜ້າທີ່ໄລຍະ 5 ປີຜ່ານມາ ຂອງຄະນະປະຈຳສະພາແຫ່ງຊາດ, ນາຍົກລັດຖະມົນຕີ, ຫົວໜ້າອົງການໄອຍະການປະຊາຊົນສູງສຸດແລະ ປະທານສານປະຊາຊົນສູງສຸດ. ກອງປະຊຸມ ຍັງຈະໄດ້ຮັບຮອງເອົາວິໄສທັດຮອດປີ 2030, ຍຸດທະສາດຮອດປີ 2025 ​ແລະແຜນພັດທະນາເສດຖະກິດສັງຄົມ 5 ປີ ຄັ້ງທີ III 2016-2020, ພິຈາລະນາຮັບຮອງເອົາບົດລາຍງານຂອງສະພາແຫ່ງຊາດ ກ່ຽວກັບວິໄສທັດຮອດປີ 2030, ຍຸດທະສາດຮອດປີ 2025 ​ແລະ ທິດທາງແຜນການ 5 ປີ ຂອງສະພາແຫ່ງຊາດຊຸດທີ VIII, ລວມທັງແຜນການສ້າງແລະ ປັບປຸງກົດໝາຍ 5 ປີ ຕະຫລອດອາຍຸການຂອງສະພາແຫ່ງຊາດຊຸດທີ VIII 2016-2020, ພິຈາລະນະຮັບຮອງເອົາມະຕິວ່າດ້ວຍວຽກງານສະພາແຫ່ງຊາດແລະ ມະຕິວ່າດ້ວຍວຽກງານລັດຖະບານ.

ກອງປະຊຸມຍັງຈະໄດ້ຮັບຟັງການລາຍງານ ຂອງຄະນະກຳມະການເລືອກຕັ້ງລະດັບຊາດ ກ່ຽວກັບຜົນການເລືອກຕັ້ງສະມາຊິກສະພາແຫ່ງຊາດຊຸດທີ VIII ​ແລະ ສະມາຊິກສະພາປະຊາຊົນຂັ້ນແຂວງ, ພ້ອມທັງຢັ້ງຢືນຄຸນລັກສະນະຂອງສະມາຊິກສະພາແຫ່ງຊາດຊຸດທີ VIII, ສິ່ງສຳຄັນແລະ ມີຄວາມໝາຍສຳຄັນຂອງກອງປະຊຸມຄັ້ງນີ້ແມ່ນຈະໄດ້ຮັບຟັງການໂອ້ລົມໃຫ້ທິດຊີ້ນຳຂອງເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ.

ທ່ານ ປອ. ກຸແກ້ວ ອັກຄະມຸນຕີ ກຳມະການຄະນະປະຈຳສະພາແຫ່ງຊາດ, ປະທານກຳມາທິການຕ່າງປະເທດ ສະພາແຫ່ງຊາດໄດ້ຖະແຫລງຂ່າວຕໍ່ສື່ມວນຊົນໃນວັນທີ 11 ​ເມສາ ນີ້ ພ້ອມທັງລະບຸວ່າ: ກອງປະຊຸມຄັ້ງປະຖົມມະລຶກຄັ້ງນີ້ແມ່ນເຫດການສຳຄັນທາງປະຫວັດສາດຂອງຊາດ, ທີ່ມີຄວາມໝາຍທາງດ້ານການເມືອງຢ່າງໜັກແໜ້ນ, ທັງຢັ້ງຢືນເຖິງຄວາມເປັນເອກະພາບແລະ ຄວາມເຊື່ອໝັ້ນຂອງປວງຊົນຕໍ່ການນຳພັກລັດແລະແມ່ນໝາກຜົນຂອງການຈັດຕັ້ງປະຕິບັດ ແນວທາງການປ່ຽນແປງໃໝ່ຮອບ ດ້ານທີ່ມີຫລັກການຂອງພັກເພື່ອກ້າວໄປສູ່ການຈັດຕັ້ງປະຕິບັດມະຕິ X ຂອງພັກເພື່ອປັບປຸງອຳນາດລັດ ປະຊາທິປະໄຕປະຊາຊົນ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...