spot_img
Homeຂ່າວທ້ອງຖິ່ນອຸ­ດົມ​ໄຊ ຫຼາຍ​ຈຸດ​ຮັບ​ຜົນກະ­ທົບ​ຈາກ​ຝົນ­ຕົກ-ລົມ​ແຮງ

ອຸ­ດົມ​ໄຊ ຫຼາຍ​ຈຸດ​ຮັບ​ຜົນກະ­ທົບ​ຈາກ​ຝົນ­ຕົກ-ລົມ​ແຮງ

Published on

 

ທ້າຍ​ອາ­ທິດ ຜ່ານ​ມາ​ປະ­ຊາ­ຊົນຊາວ​ແຂວງ​ອຸ­ດົມ​ໄຊ ໄດ້​ຮັບ​ຜົນ​ກະ­ທົບຫຼາຍ​ຈຸດ​ເນື່ອງ​ຈາກ​ລົມ​ແຮງ ແລະ​ຝົນຕົກ​ໜັກ​ເຮັດ​ໃຫ້​ບັນ­ດາ​ຕົ້ນ­ໄມ້ ແລະ​ປ້າຍໂຄ­ສະ­ນາ​ຕ່າງໆ​ລົ້ມ​ທັບ​ສາຍ​ໄຟ ແລະ​ຕາ​ຂ່າຍ​ໄຟ­ຟ້າໄດ້​ຮັບ​ຜົນ​ເສຍ​ຫາຍ​ພໍ​ສົມຄວນ​ເປັນ​ສາ­ເຫດ​ເຮັດ​ໃຫ້​ພໍ່​ແມ່​ປະ­ຊາ­ຊົນບໍ່​ມີ​ໄຟ­ຟ້າ​ໃຊ້​ເປັນ​ໄລ­ຍະ​ເວ­ລາ​ໜຶ່ງ.

ທ່ານ ຄຳ​ພຸດ ຈະ­ເລີນ​ສຸກ ຮອງ​ຫົວໜ້າລັດ​ວິ​ສາ​ຫະ​ກິດ​ໄຟ­ຟ້າ​ລາວສາ­ຂາແຂວງ​ອຸ­ດົມ​ໄຊ ໃຫ້​ຮູ້​ວ່າ​ຕາມ​ການ​ລົງ​ສຳຫຼວດ​ຄວາມ​ເສຍ​ຫາຍ​ຕົວ​ຈິງໃນ​ເບື້ອງ ຕົ້ນ​ລວມ​ມີ​ທັງ​ໝົດ 10 ກວ່າ​ຈຸດ​ໜັກ​ກວ່າ​ໝູ່​ແມ່ນ​ຢູ່​ຈຸດ 4 ແຍກ​ໃກ້​ກັບ​ສະໜາມ​ບິນ ໃນ​ນັ້ນ​ທາງ​ຄະ­ນະ​ຮັບ­ຜິດ­ຊອບ ກໍ​ຄື​ບັນ­ດາ​ພະ­ນັກ­ງານ​ວິ­ຊາ​ການ​ໄດ້​ມີການ​ແກ້​ໄຂ​ແລ້ວ​ບາງ​ຈຸດ​ສ່ວນ​ປະ­ຈຸ​ບັນ​ນີ້​ແມ່ນ​ຍັງ​ສືບ­ຕໍ່​ປັບ­ປຸງ​ແກ້​ໄຂ​ລະ­ບົບ​ບັນຫາ​ຂັດ­ຂ້ອງ​ໃນ​ຈຸດ​ຕ່າງໆ​ທີ່​ຍັງ​ເຫຼືອ ເພື່ອສົ່ງ​ກະ­ແສ​ໄຟ​ໃຫ້​ກັບ​ປະ­ຊາ­ຊົນ​ໄດ້​ຊົມ­ໃຊ້​ທັນ​ກັບ​ສະ­ພາບ​ການລວມ​ທັງ​ບັນ­ດາ​ເມືອງອື່ນໆ​ທີ່​ໄດ້​ຮັບ​ຜົນ​ກະ­ທົບ​ເຊັ່ນ​ດຽວ​ກັນ.

ສຳ­ລັບ​ຜົນ​ເສຍ​ຫາຍ​ຈາກ​ເຫດ ຄັ້ງ​ນີ້ ເບື້ອງ​ຕົ້ນ​ຄາດ​ວ່າ​ຈະ​ມີ​ມູນ​ຄ່າ​ສູງ​ເຖິງ 200 ກວ່າ​ລ້ານ​ກີບ. ທ່ານ ຄຳ​ພຸດ ຈະ​ເລີ່ນ​ສຸກ ຍັງ​ກ່າວ​ຕື່ມ ອີ​ກວ່າ​ຈຳ­ນວນ​ຕົວ​ເລກ ແລະ​ຜົນ​ເສຍຫາຍ​ຕົວ​ຈິງ​ແມ່ນ​ຈະ​ໄດ້​ເກັບ​ກຳ ແລະ​ສະຫຼຸບ​ລະ­ອຽດ​ອີກ​ເທື່ອ​ໜຶ່ງ ເພື່ອ​ລາຍ​ງານຕໍ່​ຂັ້ນ​ເທິງ​ຮັບ​ຊາບ​ສ່ວນ​ການ​ກະ­ຈາຍ​ໄຟຟ້າ​ໃຫ້​ແກ່​ປະ­ຊາ­ຊົນ​ໄດ້​ຊົມ­ໃຊ້​ນັ້ນ​ແມ່ນຈະ​ພະ­ຍາ­ຍາມ​ປັບ­ປຸງ ແລະ​ແກ້​ໄຂ​ໃຫ້​ສຳເລັດ​ທັນ​ກ່ອນ​ວັນ​ປີ​ໃໝ່​ລາວ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...