ໃນປີນີ້, ເຮົາໄດ້ເຫັນສະກາຣເລດ ໂຈແຮນສັນ (Scarlett Johansson) ບູ້ໃນບົດແບລັກວິໂດ (Black Widow) ໃນ Captain America: Civil War ໄປແລ້ວ. ສ່ວນປີໜ້າເຮົາຈະໄດ້ເຫັນລາວບູ້ໃນໜັງແອັກຊັ່ນຟຣີເມກຈາກອະນິເມຊັ່ນ Ghost in the Shell ແລະຮູບທຳອິດຂອງລາວກໍເຜີຍອອກມາແລ້ວ

ໝາຍເຫດ: ຮູບປົກບົດຄວາມບໍ່ມີຄວາມກ່ຽວຂ້ອງກັບໜັງເລີຍ

ສຳລັບ Ghost in the Shell ເປັນໜັງທີ່ສ້າງໂດຍ DreamWork ແລະຈັດຈຳໜ່າຍໂດຍ Paramount Pictures. ເຊິ່ງໂຈແຮນສັນຈະຮັບບົດເປັນ “ຜູ້ພັນ” ໄຊບອຣກສາວແຫ່ງໜ່ວຍສະເພາະກິດປະຈຳອົງການຕໍ່ຕ້ານຜູ້ກໍ່ການຮ້າຍໄຊເບີຊື່ວ່າ: Public Security Section 9 ທີ່ກໍ່ຕັ້ງໂດຍບໍລິສັດຫຸ່ນຍົນຮັນກ້າ ໂຣໂບຕິກ. ໂດຍໜ່ວຍສະເພາະກິດດັ່ງກ່າວພະຍາຍາມຢັບຢັ້ງການກໍ່ການຮ້າຍຂອງລາບຟິ່ງແມນ ທີ່ເຮັດທຸກວິທີທາງເພື່ອສະກັດກັ້ນຄວາມກ້າວໜ້າທາງເທັກໂນໂລຢີຂອງຮັນກ້າ

ສຳລັບໜັງມີກຳນົດເຂົ້າສາຍໃນອາເມຣິກາໃນວັນທີ 31 ມີນາ ປີ 2017