ໂຕກາຕູນ Cloak and Dagger ຈາກຄອມມິກ Marvel ກຽມຖືກສ້າງເປັນຊີຣີອອກອາກາດທາງຊ່ອງ Freeform (ຫຼືຊື່ເກົ່າ ABC Family) ໂດຍເລື່ອງນີ້ບອກເລົ່າເລື່ອງລາວຂອງ ໄທໂຣນ (Tyrone) ແລະ ແທນດີ້ (Tandy) ທີ່ທັັງສອງໄດ້ໜີອອກຈາກບ້ານແລ້ວໄປອາໄສຢູ່ກັບແກ້ງໂຕຮ້າຍທີ່ຈະຈັບເດັກນ້ອຍມາທົດລອງຢາເສບຕິດໂຕໃໝ່. ສຳລັບຜົນການທົດລອງນັ້ນເດັກນ້ອຍຄົນອື່ນແມ່ນຕາຍໝົດຍົກເວັ້ນ ໄທໂຣນ ແລະ ແທນດີ້ ທີ່ທັງສອງຄົນລອດມາໄດ້ແລະຍັງມາພ້ອມກັບພະລັງພິເສດອີກນຳ

– ໄທໂຣນ (Cloak) ມີພະລັງແຫ່ງຄວາມມືດ ສາມາດຂັງຄົນອື່ນໃຫ້ຢູ່ໃນມິຕິຄວາມມືດໄດ້ແລະເທເລພອຣດ (ເຄື່ອນຍ້າຍ) ຄົນໄດ້

– ແທນດີ້ (Dagger) ມີພະລັງທີ່ສາມາດຮັກສາຄົນຈາກອາການຕິດຢາໄດ້ ແລະສາມາດຍິງມີດແສງ, ເຊິ່ງມີດນີ້ສາມາດດູດພະລັງຈາກຄົນທີ່ຖືກໄດ້

ສຳລັບຊີຣີເລື່ອງນີ້ຍັງບໍ່ທັັນມີກຳນົດອອກອາກາດເທື່ອ