ສຳນັກຂ່າວຕ່າງປະເທດ ລາຍງານໃນວັນທີ 11 ເມສານີ້ວ່າ ບັນດາຄູ່ຂັດແຍ່ງທຸກຝ່າຍໃນເຢແມນ ທີ່ດຳເນີນການປະທະກັນດ້ວຍກຳລັງ ກໍ່ໃຫ້ເກີດສົງຄາມກາງເມືອງພາຍໃນປະເທດ ນັບເປັນເວລາເກືອບປີ ໄດ້ປະກາດເຄົາລົບຂໍ້ຕົກລົງຢຸດຍິງ ຊຶ່ງມີຜົນບັງຄັບໃຊ້ໃນເວລາທ່ຽງຄືນ ຂອງວັນອາທິດທີ 10 ເມສາຜ່ານມານີ້ ໂດຍມີອົງການສະຫະປະຊາຊາດ ເປັນຄົນກາງໃນການໄກ່ເກັ່ຍຂໍ້ຂັດແຍ່ງ.
ຂໍ້ຕົກລົງຢຸດຍິງດັ່ງກ່າວນີ້ ແມ່ນເປັນຈຸດເລີ່ມຕົ້ນ ເພື່ອປູທາງໃກ້ແກ່ການເຈລະຈາສັນຕິພາບຢູ່ເຢແມນ ທີ່ມີກຳນົດໄຂຂຶ້ນໃນວັນທີ 18 ເມສານີ້ ທີ່ປະເທດກູເວດ.