ຫຼ້າສຸດນີ້ທາງ Warner Bros. Pictures ໄດ້ປ່ອຍຕົວຢ່າງໃໝ່ຂອງໜັງແນວເວດມົນແບບ Fantastic Beasts and Where to Find Them ອອກມາໃຫ້ເຮົາໄດ້ເບິ່ງກັນແລ້ວ
ສຳລັບຕົວຢ່າງໃໝ່ນີ້ຈະເປັນການແນະນຳໂລກເວດມົນໃນນະຄອນນິວຢອກ (New York) ທີ່ເບິ່ງແລ້ວພິສະດານແຕກຕ່າງແຕ່ວ່າກໍມີຄວາມຄ້າຍຄຶງກັນກັບໂລກໃນອັງກິດທີ່ເຮົາຄຸ້ນເຄີຍກັນດີຈາກ Harry Potter
ໃນຕົວຢ່າງໜັງຍັງເຜີຍໃຫ້ເຫັນເຖິງການເດີນທາງມາທີ່ອາເມຣິກາຄັ້ງທຳອິດຂອງ Newt Scamander (Eddie Redmayne) ພາຍໃຕ້ການສະໜັບສະໜູນຂອງ Dumbledore (ໃນເລື່ອງ Harry Potter ຫັ້ນແຫຼະ ^^) ເພື່ອຄົ້ນຫາສັດວິເສດຕ່າງໆ. ໃນສ່ວນທີ່ເຫຼືອຈະເປັນການສາຍສາກທີ່ແຟນໆຢາກຈະເບິ່ງຄື: ທັງສາກດວນເວດມົນ, ສາກວັດວິເສດທີ່ອອກມາໃຫ້ເບິ່ງໜ້ອຍໜຶ່ງ ແລະຍັງບອກໃບ້ເຖິງອັນຕະລາຍທີ່ກຳລັງຖ້າຢູ່
ໜັງເລື່ອງນີ້ໄດ້ບອກເລົ່າເຖິງເຫດການໃນປີ 1926 ທີ່ Newt Scamander ນັກສັດວິເສດວິທະຍາແຫ່ງໂລກເວດມົນຂອງອັງກິດໄດ້ຮັບມອບໝາຍໃຫ້ເດີນທາງໄປອາເມຣິກາເພື່ອເຮັດບັນທຶກກ່ຽວກັບສັດມະຫັດສະຈັນຕ່າງໆຢູ່ຫັ້ນ, ເພື່ອຂຽນໜັງສື “ສັດມະຫັດສະຈັນແລະຖິ່ນທີ່ຢູ່” ແລະນຳພາພວກເຂົາສູູ່ເລື່ອງລາວປະຈົນໄພເມື່ອສັດວິເສດບາງໂຕຫຼຸດອອກໄປຈາກກະເປົາທີ່ Scamander ໃຊ້ເກັບຮັກສາພວກມັນໄວ້ ເຊິ່ງໜັງນັ້ນຈະມີກຳນົດເຂົ້າສາຍໃນວັນທີ 17 ພຶດສະພານີ້
ສຳລັບຕົົວຢ່າງໜັງ
ແລະ