ເວົ້າເຖິງ Warcraft ແລ້ວໃຜໆກໍຄົງຈະຮູ້ຈັກກັນດີໃນຮູບແບບຂອງເກມວາງແຜນຕໍ່ສູ້ກັບສັດຕູອັນໂດ່ງດັງທີ່ສຸດໃນໂລກທີ່ມີຈຸດເດັ່ນທີ່ເນື້ອເລື່ອງ ແລະກໍໄດ້ນຳມາເຮັດເປັນຮູບເງົາທີ່ຈະເຂົ້າສາຍໃນວັນທີ 10 ມິຖຸນານີ້

ສຳລັບເນື້ອເລື່ອງຂອງຮູບເງົານັ້ນຈະເປັນການບອກເລົ່າເລື່ອງລາວກ່ຽວກັບອານາຈັກມະນຸດທີ່ມີຊື່ວ່າ Azeroth ທີ່ກຳລັງຕ້ອງປະເຊີນກັບການລົ້ມສະຫຼາຍຂອງອາລະຍະທຳເມື່ອມີເຜົ່າພັນທີ່ເປັນຕາຢ້ານໄດ້ບຸກລຸກມາ, ນັ້ນກໍຄືເຜົ່າພັນ Orc ທີ່ໂລກຂອງພວກມັນກຳລັງລົ້ມສະຫຼາຍ ຈຶ່ງໄດ້ເດີນທາງຜ່ານປະຕູມິຕິມາເພື່ອຍຶດຄອງດິນແດນມະນຸດ ເຮັດໃຫ້ສອງເຜົ່າພັນຕ້ອງເຮັດສົງຄາມກັນ, ອັນເປັນເຫດໃຫ້ວິລະບູລຸດຂອງທັງສອງເຜົ່າພັນທີ່ເຫັນກົງກັນຂ້າມກັນຕ້ອງມາປະທະກັນໂດຍມີຊະຕາຂອງຄອບຄົົວ, ຜູ້ຄົນ ແລະບ້ານຂອງພວກເຂົາເປັນເດີມພັນ