ຫຼ້າສຸດນີ້ໄດ້ມີໃບປິດທຳອິດຂອງຮູບເງົາພາກຕໍ່ຂອງ Kingsman : The Secret Service ທີ່ມີຊື່ວ່າ Kingsman: The Golden Circle ອອກມາສ້າງຄວາມໜ້າສົນໃຈໃຫ້ກັບໂຕໜັງຂຶ້ນມາອີກຄັ້ງນັ້ນກໍຄືຂໍ້ຄວາມທີ່ຂຽນໃນໃບປິດທີ່ວ່າ: “report of my death have been greatly exaggerated” ຫຼືແປຄວາມໝາຍວ່າ: “ລາຍງານການເສຍຊີວິດຂອງຂ້ອຍນັ້ນເບິ່ງຄືວ່າຈະເວົ້າເກີນຈິງເກີນໄປ” ພ້ອມທັງຍັງມີແວ່ນຕາຂອງໂຕລະຄອນພາກເກົ່າແບບ Harry Hart (Colin Firth) ວາງທັບຢູ່ນຳ
ຖ້າອີງຕາມຂ່າວລືທີ່ວ່າຜູ້ກຳກັບ Matthew Vaughn ໄດ້ພະຍາຍາມຫາທາງໃຫ້ໂຕລະຄອນ Harry Hart ກັບມາໃນພາກນີ້ ເຖິງວ່າຈະໃຫ້ສຳພາດມາເທື່ອໜຶ່ງແລ້ວວ່າອາດຈະເປັນໄປບໍ່ໄດ້, ແຕ່ວ່າຮູບໃບປິດນີ້ຊີ້ໃຫ້ເຫັນວ່າຜູ້ກຳກັບ Vaughn ອາດຫາວິທີໄດ້ແລ້ວກໍໄດ້ ແຕ່ວ່ານີ້ກໍຍັງບໍ່ສາມາດຢືນຢັນໄດ້ວ່າໂຕລະຄອນດັ່ງກ່າວນີ້ຈະກັບມາ ຄົງຕ້ອງຖ້າຕິດຕາມຂ່າວກັນຕໍ່ໄປເດີ້
ໂດຍໂຕໜັງນັ້ນມີກຳນົດສາຍທີ່ອາເມຣິກາໃນວັນທີ 16 ມິຖຸນາ ປີ 2017