ສຳລັບຮູບເງົາໃນພາກນີ້ຈະເປັນເລື່ອງລາວກ່ຽວກັບໝູ່ຮັກຕ່າງອຸດົມການທີ່ຈະຕ້ອງມາຢູ່ຄົນລະຝ່າຍກັນຄື Charles Francis Xavier ຫຼື ສາດສະດາຈານ ເອັກ (James McAvoy) ກັບ Magneto (Michael Fassbender) ທີ່ຕ້ອງຍອມຖິ້ມມິດຕະພາບຂອງຕົນແລ້ວມາຫັນໜ້າປະທະກັນ ດ້ວຍເຫດຜົນທີ່ວ່າຕ່າງຝ່າຍຕ່າງຄິດບໍ່ຄືກັນ ໂດຍຝ່າຍໜຶ່ງເຊື່ອວ່າມະນຸດກາຍພັນສາມາດຢູ່ຮ່ວມກັບມະນຸດທົ່ວໄປໄດ້ ແລະອີກຝ່າຍໜຶ່ງຄິດວ່າມະນຸດນັ້ນສົມຄວນຖືກທຳລາຍ.
ໂດຍຄັ້ງນີ້ Magneto ຈະບໍ່ໄດ້ເຮັດໜ້າທີ່ເປັນຜູ້ນຳທັບຂອງຝ່າຍຫຼັງ ແຕ່ວ່າຈະເປັນສັດຕູໂຕໃໝ່ທີ່ມີພະລັງດັ່ງເທບພະເຈົ້າແບບ Apocalypse (Oscar Isaac) ເຊິ່ງເປັນມະນຸດກາຍພັນຄົນທຳອິດຂອງໂລກທີ່ຫຼັບໄຫຼມາຢ່າງດົນນານ ແລະຢາກທຳລາຍມວນມະນຸດບໍ່ໃຫ້ເຫຼືອຊາກ ໂດຍເຮັດໃຫ້ໂລກນີ້ມີແຕ່ມະນຸດກາຍພັນ
ສຳລັບມື້ເຂົ້າສາຍໃນໂຮງແມ່ນວັນທີ 27 ພຶດສະພານີ້ ໃຜທີ່ມັກແລະຕິດຕາມເລື່ອງນີ້ກໍອົດໃຈຖ້າເດີ້