ການເຂົ້າຮ່ວມແຂ່ງຂັນກີລາຫາດຊາຍປະຈຸບັນມີແລ້ວຈຳນວນ 34 ພາກສ່ວນຈາກ 9 ຕົວເມືອງທົ່ວນະຄອນຫຼວງວຽງຈັນ
ທີ່ແຈ້ງເຈດຈຳນົງເຂົ້າຮ່ວມການແຂ່ງຂັນກີລາ ຫາດຊາຍ 4 ປະເພດເພື່ອສ້າງຂະບວນ ການສະເຫຼີມສະຫຼອງສົ່ງທ້າຍປີເກົ່າ ພສ 2558 ແລະຕ້ອນຮັບປີໃໝ່ລາວ ພສ 2559 ໃນລະຫວ່າງວັນທີ 14-16 ເມສານີ້.
ທ່ານ ອຸໄດ ໄຊເຊດຖາ ຫົວໜ້າຂະແໜງກີລາມວນຊົນພະແນກສຶກສາທິການ ແລະກີລານະຄອນຫຼວງວຽງຈັນແຈ້ງໃຫ້ຮູ້ເມື່ອວັນທີ 6 ເມສາຜ່ານມານີ້ວ່າ: ນອກຈາກຈະເປັນການຊົມ ເຊີຍຜົນສຳເລັດການເລືອກຕັ້ງສະມາຊິກສະພາແຫ່ງຊາດຊຸດທີ 8 ແລະສະມາຊິກສະພາປະຊາຊົນຂັ້ນ ແຂວງໃນທົ່ວປະເທດເວົ້າລວມ, ເວົ້າ ສະເພາະແມ່ນການເລືອກຕັ້ງສະມາ ຊິກສະພາເຂດທີ 1 ນະຄອນຫຼວງ ວຽງຈັນທີ່ສຳເລັດຜົນຢ່າງສະຫງ່າ ງາມເມື່ອບໍ່ດົນມານີ້ແລ້ວຍັງເປັນການສືບຕໍ່ຮັກສາມູນເຊື້ອຮີດຄອງປະເພນີອັນດີງາມຂອງຊາດໃຫ້ຢູ່ ຄຽງຄູ່ກັບຄົນລາວຕະຫຼອດໄປທັງເປັນການສ້າງບັນຍາກາດສະເຫຼີມ ສະຫຼອງສົ່ງທ້າຍປີເກົ່າ ພສ 2558 ແລະຕ້ອນຮັບປີໃໝ່ລາວ ພສ 2559 ທີ່ຈະໝູນວຽນມາບັນຈົບຄົບຮອບມາເຖິງອີກວາລະໜຶ່ງໃນກາງເດືອນ ເມສານີ້.
ຄຽງຄູ່ກັນນັ້ນ, ກໍເພື່ອເປັນການ ສົ່ງເສີມໃຫ້ນັກກີລາຫາດຊາຍລາວ ໄດ້ມີການພັດທະນາຢ່າງຕໍ່ເນື່ອງລຽນຕິດ, ພະແນກສຶກສາທິການ ແລະກີລານະຄອນຫຼວງວຽງຈັນຈຶ່ງ ຂໍແຈ້ງມາຍັງບັນດາສະໂມສອນ, ບ້ານ, ເມືອງ, ໂຮງຮຽນປະຖົມ, ມັດທະຍາຕອນຕົ້ນຕອນປາຍ ແລະທີມ ກີລາທຸກພາກສ່ວນອ້ອມຂ້າງນະ ຄອນຫຼວງວຽງຈັນກ່ຽວກັບການເຂົ້າຮ່ວມແຂ່ງຂັນກີລາຫາດຊາຍ 4 ປະເພດປະກອບມີບານເຕະ, ບານສົ່ງ, ກະຕໍ້ ແລະເຮືອເຈັດສະກີ,ນອກ ຈາກນັ້ນ, ກໍຍັງມີກິດຈະກຳແບບດັ່ງເດີມພື້ນເມືອງລາວເປັນຕົ້ນແມ່ນມັດຕາຕີໝໍ້, ມວຍກາງນ້ຳ, ປີນເສົານ້ຳມັນ ແລະອື່ນໆອີກ ຊຶ່ງຈະຈັດຂຶ້ນໃນລະຫວ່າງວັນທີ 14-16 ເມສານີ້ ທ່າມກາງບັນຍາກາດຂອງພໍ່ແມ່ປະຊາຊົນບັນດາເຜົ່າຊາວລາວທັງຊາດ ພວມສະເຫຼີມສະຫຼອງວັນບຸນປີໃໝ່ລາວປະຈຳປີ ພສ 2559 ຢ່າງຟົດຟື້ນມ່ວນຊື່ນ.
ຂ່າວຈາກ: 