ສຳນັກຂ່າວຕ່າງປະເທດ ລາຍງານໃນວັນທີ 6 ເມສາຜ່ານມານີ້ວ່າ ເກີດເຫດແຜ່ນດິນໄຫວຊ້ຳ ທີ່ປະເທດວານູອາຕູ ຂະໜາດຮຸນແຮງເຖິງ 6.9 ຣິກເຕີ ຊຶ່ງເປັນບ່ອນດຽວກັນ ກັບບໍລິເວນທີ່ເກີດແຜ່ນດິນໄຫວ ເມື່ອ 3 ມື້ກ່ອນໜ້ານີ້ ມີສູນກາງຫ່າງຈາກເມືອງໂຊລາ ປະເທດວານູອາຕູ ໄປທາງທິດຕາເວັນອອກສຽງໃຕ້ ປະມານ 109 ກິໂລແມັດ ແລະ ມີຄວາມເລິກຈາກພື້ນດິນ 33.7 ກິໂລແມັດ ໂດຍເບື້ອງຕົ້ນຍັງບໍ່ມີການອອກປະກາດ ເຕືອນໄພຄື້ນຍັກສຶນາມິ ແລະ ຍັງບໍ່ທັນມີລາຍງານຄວາມເສຍຫາຍ ຈາກແຜ່ນດິນໄຫວແຕ່ຢ່າງໃດ.

ກ່ອນໜ້ານີ້ ໃນວັນອາທິດທີ 3 ເມສາທີ່ຜ່ານມາ ບໍວິເວນດັ່ງກ່າວ ແມ່ນຫາກໍເກີດເຫດແຜ່ນດິນໄຫວ ຂະໜາດເທົ່າກັນ 6.9 ຣິກເຕີ ຊຶ່ງໂຊກດີບໍ່ໄດ້ສ້າງຄວາມເສຍຫາຍໃດໆ ຕໍ່ຊີວິດ ແລະ ຊັບສິນ.