ນາຍພານໃນສະຫະລັດ ປາບແຂ້ຍັກໜັກ 360 ກິິໂລກຣາມ - ລາວໂພສຕ໌ Laopost

Click here - to use the wp menu builder

Homeຂ່າວຕ່າງປະເທດນາຍພານໃນສະຫະລັດ ປາບແຂ້ຍັກໜັກ 360 ກິິໂລກຣາມ

ນາຍພານໃນສະຫະລັດ ປາບແຂ້ຍັກໜັກ 360 ກິິໂລກຣາມ

ຂ່າວຕ່າງປະເທດ ເກັບຕົກ-ເລື່ອງແປກ

Published on

07/04/2016

By ບຸດສະດີ ສາຍນ້ຳມັດ

2107

804

ທ້າວ ລີ ໄລທ໌ຊີຍ໌ ນາຍພານມືອາຊີບໃນລັດຟໍຣິດາ ຂອງສະຫະລັດ ເປີດເຜີຍກັບບີບີຊີວ່າ ໄດ້ຂ້າໂຕແຂ້ຕີນເປັດອາເມລິກາ ຄວາມຍາວ 4.5 ແມັດ, ນ້ຳໜັກ 360 ກິໂລກຣາມ ຫຼັງຈາກທີ່ແຂ້ໂຕນີ້ໄດ້ລັກເຂົ້າມາກິນສັດທີ່ເຂົາລ້ຽງໄວ້ເປັນຈຳນວນຫຼາຍ.

ທ້າວ ໄລທ໌ຊີຍ໌ ບອກວ່າ ນີ້ເປັນໜຶ່ງໃນແຂ້ທີ່ໃຫຍ່ທີ່ສຸດທີ່ເຂົາເຄີຍພົບມາໃນຊ່ວງເວລາ 18 ປີ ທີ່ລາວໄດ້ເປັນນາຍພານລ່າສັດ ແລະ ຕ້ອງໃຊ້ລົດແທັກເຕີໃນການເຄື່ອນຍ້າຍມັນ ໂດຍແຂ້ຕົວນີ້ໄດ້ອາໃສໃນໜອງນ້ຳທີ່ເຂົາເປີດເຮັດຟາມເພື່ອໃຫ້ນັກທ່ອງທ່ຽວເຂົ້າໄປລ່າສັດ ເຊິ່ງລາວໄດ້ພົບມັນໃນລະຫວ່າງທີ່ນຳນັກທ່ອງທ່ຽວອອກລ່າສັດເມື່ອວັນເສົາທີ່ 2 ເມສາ ທີ່ຜ່ານມາ ເຂົາຈິ່ງໃຊ້ປີນໄຣເຟີລແຮງສູງຂ້າມັນ ເຂົາວາງແຜນຈະນຳແຂ້ໂຕນີ້ໄປທີ່ສຕັຢ ເພື່ອຈັດສະແດງຕໍ່ໄປ ສ່ວນຊີ້ນຂອງມັນຈະນຳໄປບໍລິຈາກເພື່ອການກຸສົນ.

ທັງນີ້ ທ້າວ ໄລທ໌ຊີຍ໌ ເຮັດທຸລະກິດຟາມຣ໌ໃຫ້ລ່າສັດປະເພດຕ່າງໆເຊັ່ນ: ແຂ້, ໝູປ່າ ແລະ ໄກ່ງວງ ໂດຍລາວບອກວ່າແຂ້ທີ່ໃຫຍ່ທີ່ສຸດທີ່ລາວເຄີຍຂ້າຜ່ານມາມີຄວາມຍາວປະມານ 4 ແມັດ.

ແຂ້ຕີນເປັດອາເມລິກາ ມີຖິ່ນອາໄສຕາມທຳມະຊາດທາງພາກຕະເວັນອອກສຽງໃຕ້ຂອງສະຫະລັດ ໂດຍໃນລັດຟໍລິດາ ແລ ລຸຍເຊຍນາ ເຊິ່ງມີຈຳນວນແຂ້ຕີນເປັດອາເມລິກາຫຼາຍກ່ວາ 1 ລ້ານໂຕ.

ທີ່ມາຈາກ: BBC Thai

ບົດຄວາມຫຼ້າສຸດ