ປານາມາເປເປີ ເຜີຍຂໍ້ມູນລັບຮົ່ວໄຫຼຄັ້ງໃຫຍ່ທີ່ສຸດ ເສັ້ນທາງການຟອກເງິນ ຂອງຜູ້ມີອິດທິພົນ ແລະ ຄົນດັງທົ່ວໂລກ ທັງຜູ້ນຳປະເທດ,ນັກການເມືອງ, ນັກເຕະຊື່ດັງ ພົບມີລາຍຊື່ຄົນໄປກ່ຽວຂ້ອງຫຼາຍຄົນ ດ້ານນາຍົກລັດຖະມົນຕີໄອຊ໌ແລນລາອອກຈາກຕຳແໜ່ງ ຫຼັງມີຊື່ໃນເອກະສານລັບ.
ສຳນັກຂ່າວຕ່າງປະເທດໄດ້ລາຍງານເມື່ອວັນທີ 4 ເມສາ 2016 ທີ່ຜ່ານມາວ່າ ສະມາຄົມຜູ້ສື່ຂ່າວສືບສວນນານາຊາດ ຫຼື ICIJ ໄດ້ມີການເຜີຍແຜ່ເອກະສານລັບທີ່ອ້າງວ່າເປັນລາຍຊື່ ຜູ້ນຳ ແລະ ຄົນດັ່ງກ່ວາ 140 ຈາກ 50 ປະເທດທົ່ວໂລກ ກ່ຽວຂ້ອງກັບການຟອກເງິນ ແລະ ໜີພາສີ ຫຼືທີ່ຮຽກວ່າ ປານາມາເປເປີ ໃນຈຳນວນນັ້ນມີຄົນໄທລວມຢູ່ເຖິງ 21 ຄົນ.
ໂດຍລາຍງານລະບຸວ່າ ເອກະສານສະບັບດັ່ງກ່າວເປັນຂອງບໍລິສັດ ມອສແຊດ ຟອນເຊກາ ບໍລິສັດກົດໝາຍໃນປານາມາ ເຊິ່ງເນື້ອໃນຂອງເອກະສານສະແດງໃຫ້ເຫັນວິທີການທີ່ີບໍລິສັດແຫ່ງນີ້ຊ່ວຍເຫຼືອລູກຄ້າເພື່ອເຮັດການຟອກເງິນ ແລະ ເຊື່ອງຊັບສິນໃນບໍລິສັດຕ່າງຊາດຂອງຄົນດັງຕ່າງໆ ແຕ່ເມື່ອມີການກວດສອບບໍ່ພົບວ່າມີບໍລິສັດທີ່ມີການຈົດທະບຽນຈັດຕັ້ງໃນຕ່າງປະເທດ 214,488 ບໍລິສັດທີ່ມີຢູ່ຕົວຈິງ.
ນອກຈາກນີ້ເອກະສານສະບັບດັ່ງກ່າວຍັງລະບຸອີກວ່າມີນັກການເມືອງ ແລະ ຄົນດັງທີ່ມີຊື່ຟອກເງິນກັບບໍລິສັດແຫ່ງນີ້ປະກອບດ້ວຍ:
ບຸກຄົນໃກ້ຊິດປະທານາທິບໍດີ ວາລາດີມີຣ໌ ປູຕິນ ຂອງລັດເຊຍ
ນາຍົກລັດຖະມົນຕີ Sigmundur David Gunnlaugsson ຂອງໄອຊ໌ແລນ ແລະ ຖະຣິຍາ
ບຸກຄົນໃນຄອບຄົວຂອງທ່ານ ສີ ຈິ້ນຜິງ ຜູ້ນຳຈີນ
ທ່ານ ເດວິດ ຄາເມຣອນ ນາຍົກລັດຖະມົນຕີອັງກິດ
ປະທານາທິບໍດີ ອາຣ໌ເຊີຣ໌ໄບຈານ
ລີໂອເນລ ເມສຊີ
ຢູເຈນິໂອ ຟິເກີເຣໂດ ອະດີດປະທານສະຫະພັນເຕະບານສະເປນ
ແຈັດກີ້ ຊານ ຫຼື ເສິນຫຼົງ
ລວມທັງລາຍຊື່ບໍລິສັດ ແລະ ມາເຟຍທີ່ກ່ຽວຂ້ອງກັບການຄ້າຢາ ແລະ ກໍ່ການຮ້າຍ ທີ່ຂຶ້ນບັນຊີໃນສະຫະລັດ ແລະ ມະຫາເສດຖີໃນທຳນຽບການຈັດອັນດັບຂອງວາລະສານຟຣອບສ໌ອີກ 29 ຄົນ.
ເວັບໄຊ໌ເດິກາດ້ຽນ ລາຍງານວ່າ ທ່ານເດວິດ ກັນເລດສັນ ນາຍົກລັດຖະມົນຕີຂອງປະເທດໄອຊ໌ແລນ ເປັນຜູ້ນຳຄົນທຳອິດ ທີ່ໄດ້ປະກາດລາອອກຈາກຕຳແໜ່ງແລ້ວ ຫຼັງທີ່ເຂົາ ແລະ ພັນລະຍາ ມີຊື່ປະກົດໃນເອກະສານລັບປານາມາ ອີກທັງຍັງຖືກປະຊາຊົນກ່ວາ 7.5% ຂອງປະເທດລວມກົດດັນໃຫ້ເຂົາພົ້ນຈາກຕຳແໜ່ງຫຼັງມີຊື່ກ່ຽວກັບເອກະສານດັ່ງກ່າວ.
https://youtu.be/G-4wXG7OmY4