spot_img
Homeຂ່າວການພັດທະນາປະທານປະເທດ ຊີ້ນຳແຂວງວຽງຈັນ ສ້າງຕົວແບບດ້ານການຜະລິດ ໃຫ້ຫລາຍຂຶ້ນ!

ປະທານປະເທດ ຊີ້ນຳແຂວງວຽງຈັນ ສ້າງຕົວແບບດ້ານການຜະລິດ ໃຫ້ຫລາຍຂຶ້ນ!

Published on

ຂປລ. ດ້ວຍຄວາມ​ເປັນຫ່ວງເປັນໄຍຂອງ ຜູ້ນຳພັກລັດ ທີ່ມີຕໍ່ພະນັກງານ, ທະຫານຕຳຫລວດ ກໍຄືປະຊາຊົນບັນດາເຜົ່າ ໃນແຂວງວຽງຈັນ, ໃນວັນທີ 5 ເມສາ ນີ້ ທ່ານ ຈູມມະລີ ໄຊຍະສອນ ປະທານປະ ເທດ ແຫ່ງ ສປປ ລາວ ໄດ້ລົງພົບປະໂອ້ລົມ ພະນັກງານຫລັກແຫລ່ງໃນແຂວງວຽງຈັນ, ປະກອບດ້ວຍ ຄະນະບໍລິຫານງານພັກແຂວງ, ເຈົ້າເມືອງ ແລະ ພະແນກການຕ່າງໆເຂົ້າຮັບຟັງ.

ໃນໂອກາດນີ້, ທ່ານ ຈູມມະລີໄຊຍະສອນ ໄດ້ຊີ້ນຳເນັ້ນໜັກໃຫ້ຄະນະພັກ ແລະ ອຳນາດການປົກຄອງແຂວງວຽງຈັນ ເອົາໃຈໃສ່ຫລາຍບັນຫາ ເປັນຕົ້ນແມ່ນການສ້າງຕົວແບບດ້ານການຜະລິດ ດ້ວຍການນຳໃຊ້ເຕັກນິກວິທະຍາສາດ ເຂົ້າໃນການຜະລິດ ແນໃສ່ຜະລິດເປັນສິນຄ້າໃຫ້ຫລາຍຂຶ້ນ ເຊັ່ນ: ການຜະລິດນາໄຮ່ໃຫຍ່, ການປູກຫຍ້າລ້ຽງງົວພັນໃຫຍ່ເປັນສິນຄ້າ ແລະ ອື່ນ.

ເພື່ອເຮັດໃຫ້ໄດ້ຄືດັ່ງກ່າວນັ້ນ, ຄະນະພັກ ແລະ ອຳນາດການປົກຄອງແຂວງຕ້ອງໄດ້ສຸມທຸກສະຕິປັນຍາ ຄິດຫງຳຜັນຂະຫຍາຍມະຕິຄັ້ງທີ X ຂອງ​​ພັກ ແລະ ມະຕິຂອງອົງຄະນະພັກຂັ້ນຂອງຕົນ, ພ້ອມກວດກາຕີລາຄາຄືນ ຜົນຂອງການຈັດຕັ້ງປະຕິບັດໃນໄລຍະຜ່ານມາພ້ອມທັງເສີມຂະຫຍາຍຈຸດດີ, ​​ແກ້ໄຂຈຸດ​​ອ່ອນ​, ຕ້ອງສ້າງໃຫ້ໄດ້ເມືອງເຂັ້ມແຂງຮອບດ້ານ 2-3 ​ເມືອງ​​ ພ້ອມທັງສ້າງບ້ານພັດທະນາ, ​ສ້າງບ້ານໃຫຍ່ ໃຫ້ກາຍເປັນຕົວເມືອງນ້ອຍໃນຊົນນະບົດໃຫ້ໄດ້ຫລາຍຂຶ້ນ, ຜັນຂະຫຍາຍເນຶ້ອໃນຈິດໃຈຂອງສາມສ້າງ ແລະ ເຮັດຢ່າງຕໍ່ເນື່ອງ ແລະ ຍາວນານ, ຄຽງຄູ່ກັນນີ້, ກໍຕ້ອງໄດ້ເອົາໃຈໃສ່ສ້າງກຳລັງຮາກຖານແລະ ກອງຫລອນໃຫ້ມີຄວາມເຂັ້ມແຂງໜັກແໜ້ນ, ຮາກຖານ​​ບ້ານ​​ແຂງແຮງ ແລະ ອື່ນໆ​​ອີກ.

ທ່ານ ວິດົງ ໄຊຍະສອນ ກໍໄດ້ລາຍງານສະພາບການພັດທະນາເສດຖະກິດສັງຄົມໃນ 1 ປີຜ່ານມາ​ໂດຍ​ຫຍໍ້​ວ່າ: ລວມຍອດຜະລິດຕະພັນພາຍໃນ GDP ບັນລຸເຖິງ 5.318 ຕື້ກວ່າກີບ, ຈັງຫວະການຂະຫຍາຍຕົວຂອງເສດຖະກິດ 8,02% ຕໍ່ປີ; ລາຍຮັບສະເລ່ຍຕໍ່ຫົວຄົນໄດ້ 12.008.000 ກີບຕໍ່ຄົນ​, ໂຄງປະ ກອບເສດຖະກິດ ມີການປ່ຽນແປງໄປຕາມທິດການຜະລິດກະສິກຳ ຕິດພັນກັບອຸດສາຫະກຳແລະ ການບໍ ລິການເທື່ອລະກ້າວການສົ່ງເສີມການຜະລິດເປັນສິນຄ້າ1​ເມືອງ1ຜະລິດຕະພັນ ເຖິງ10 ຜະລິດຕະພັນເປັນອັນດັບ 3 ຂອງບັນດາແຂວງໃນທົ່ວປະເທດ, ການກໍ່ສ້າງພື້ນຖານໂຄ່ງລ່າງເດັ່ນແມ່ນການກໍ່ສ້າງເທດ ສະບານແຂວງ, ຂົວຂ້າມນ້ຳງື່ມ ແລະ ເສັ້ນທາງ​​ຍຸດທະສາດຈຳນວນໜຶ່ງ; ປັດຈຸບັນທົ່ວແຂວງສ້າງບ້ານພັດ ທະນາໄດ້ 190 ບ້ານ ເທົ່າກັບ 43,77% ຂອງບ້ານທົ່ວແຂວງ,​​ ອັດ​ຕາເຂົ້າຮຽນສຸດທິບັນລຸ 99,34% ອັດຕານຳໃຊ້ນ້ຳສະອາດກວມ 83,5%, ນຳໃຊ້ວິດຖ່າຍ 70.8% ມີລາຍຮັບຈາກນັກທ່ອງທ່ຽວ190 ຕື້ກວ່າກີບ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...