spot_img
Homeມຸມຂ່າວ AECລາວເປັນເຈົ້າພາບຈັດກອງປະຊຸມລັດຖະມົນຕີການເງິນອາຊຽນຄັ້ງທີ 20 ແລະ ກອງປະຊຸມຜູ້ວ່າການທະນາຄານອາຊຽນຄັ້ງທີ 12

ລາວເປັນເຈົ້າພາບຈັດກອງປະຊຸມລັດຖະມົນຕີການເງິນອາຊຽນຄັ້ງທີ 20 ແລະ ກອງປະຊຸມຜູ້ວ່າການທະນາຄານອາຊຽນຄັ້ງທີ 12

Published on

ກະຊວງ​ການ​ເງິນ ​ແລະ ທະນາຄານ​ແຫ່ງ ສປປ ລາວ ​ເປັນ​ເຈົ້າພາບ​ຈັດ​ກອງ​ປະຊຸມລັດຖະມົນຕີ​ການ​ເງິນ​ອາ​ຊຽນ ຄັ້ງ​ທີ 20 ພາຍ​ໃຕ້​ການ​ເປັນ​ປະທານ​ຂອງທ່ານ ລຽນ ທິ​ແກ້ວ ລັດຖະມົນຕີ​ວ່າການ​ກະຊວງ​ການ​ເງິນ ​ແລະ ກອງ​ປະຊຸມຜູ້​ວ່າການ​ທະນາຄານ​ກາງ​ອາ​ຊຽນ ຄັ້ງ​ທີ 12 ພາຍ​ໃຕ້​ການ​ເປັນ​ປະທານ​ຂອງທ່ານ ດຣ. ສົມພາວ ​ໄຟ​ສິດ ຜູ້​ວ່າການ​ທະນາຄານ ​ແຫ່ງ ສປປ ລາວ, ​ເຊິ່ງ​ໄດ້​ຈັດ​ຂຶ້ນ​ ​ໃນ​ຕອນ​ເຊົ້າ​ວັນ​ທີ 4 ​ເມສາ ນີ້ ທີ່​ນະຄອນຫລວງ​ວຽງ​ຈັນ, ​ເຊິ່ງຈະ​ໄດ້​ຮັບຮອງ​ເອົາ​ຫລາຍ​ບັນຫາ​ສຳຄັນ ທີ່​ຕິດ​ພັນ​ກັບ​ການຈັດ​ຕັ້ງ​ປະຕິບັດ​ວິ​ໄສ​ທັດ​ການ​ສ້າງ​ປະຊາ​ຄົມ​ເສດຖະກິດ​ອາ​ຊຽນ ​ໂດຍ​ສະ​ເພາະ​ຂອບ​ການ​ຮ່ວມ​ມື​ວຽກ​ງານ​ການ​ເງິນ-​ເງິນຕາ ຂອງ​ອາ​ຊຽນ ທີ່​ກວມ​ວຽກ​ງານ​ການ​ເປີດ​ເສລີ​ທາງ​ດ້ານ​ການ​ເງິນ, ບັນຊີ​ທຶນ, ການ​ພັດທະນາ​ຕະຫລາດ​ທຶນ, ລະບົບ​ການ​ຊຳ ລະ​ສະ​ສາງ​ອາ​ຊຽນ, ການ​ເຂົ້​າເຖິງ​ການ​ບໍລິຫານ​ທາງ​ດ້ານ​ການ​ເງິນ ​ແລະ ຂອບ​ການ​ເຊື່ອມ​ໂຍງ​ຂະ​ແໜງ​ທະ ນາຄານ.

ກອງ​ປະຊຸມໄດ້​ຮັບຮອງ​ທາງ​ດ້ານ​ຫລັກການ ​ກ່ຽວ​ກັບ​ການ​ເອົາ​ເນື້ອ​ໃນຂອງ​ສັນຍາ​ຜູກ​ພັນ​​ທີ 7 ຂອງ​ວຽກ​ງານ​ເປີດ​ເສລີ​​ທາງ​ດ້ານ​ການ​ເງິນ ​​ເພື່ອ​ຈະ​ໃຫ້​ມີ​ການ​ລົງ​ນາມ​ ໃນ​ໄລຍະ​ທີ່ສປປ ລາວ ​ເປັນ​ປະທານ ​ໂດຍ​ຄາດ​ວ່າຈະມີ​ການ​ລົງ​ນາມ​ໃນ​ກອງ​ປະຊຸມອາ​ຊຽນ+3 ​​ຕົ້ນ​ເດືອນ​ພຶດສະ ພາ 2016 ທີ່​ເມືອງ​ແຟຣງ​ເຟີ​ດ ປະ​ເທດ​ເຢຍລະ​ມັນ; ຮັບຮອງ​ເອົາ​ເອົາ​ເນື້ອ​ໃນ ​ແຜນ​ປະຕິບັດ​ງານ​ດ້ານ​ຍຸດ​ທະ​ສາດການ​ເຊື່ອມ​ໂຍງ 10 ປີ(2016-2025) ຂອງ​ໜ່ວຍ​ງານ​ຕ່າງໆ;ຮັບຮອງ​ເອົາໜ້າ​ວຽກ (TOR) ການ​ສ້າງ​ຕັ້ງໜ່ວຍ​ງານ​ໃໝ່​ ເພື່ອ​ຄົ້ນຄວ້າ​ວຽກ​ງານ​ການ​ເຊື່ອມ​ໂຍງ​ຂະ​ແໜງ​ທະນາຄານ​ອາ​ຊຽນ; ຮັບຮອງ​ເອົາ​ກຳນົດ​ໝາຍ​ໜ້າ​ວຽກ​ຂອງ​ໜ່ວຍ​ງານ​ ວ່າ​ດ້ວຍ​ປະກັນ​ໄພ​ອາ​ຊຽນ; ກຳນົດ​ໝາຍ​ໜ້າ​ວຽກ​ຂອງ​ໜ່ວຍ​ງານວ່າ​ດ້ວຍ​ການ​ເຂົ້າ​ເຖິງ​ແຫ​ລ່ງທຶນ ​ແລະ ຮັບຮອງ​ເອົາ​ບັນດາ​ປະທານ​ຮ່ວມ​ ຂອງ​ຄະນະ​ກຳມະ ການ​ພາຍ​ໃຕ້​ຂອບ​ການ​ເຊື່ອມ​ໂຍງ​ຂະ​ແໜງ​ການ​ເງິນ-ການ​ທະນາຄານ ​ເພື່ອ​ປະຕິບັດ​ໜ້າ​ທີ່​ນັບ​ແຕ່​ເດືອນມິຖຸນາ 2016 ​ເປັນ​ຕົ້ນ​ໄປ.

ສຳລັບວຽກ​ງານການ​ຮ່ວມ​ມືອາ​ຊຽນ+3 ​ແມ່ນ​ຮັບຮອງ​ເອົາ​ບຸກຄະລາ​ກອນ​ຂັ້ນ​ບໍລິຫານ​ ຂອງ​ຫ້ອງການຕິດ ຕາມ​ສະພາບ​ເສດຖະກິດ​ຂອງອາ​ຊຽນ+3(AMRO), ຮັບຮອງ​ເອົາ​ແຜ​ນງົບປະມານ​ປະຈຳ​ປີ  ​ແລະ ​ແຜນການ​ເຄື່ອນ​ໄຫວ​ວຽກ​ງານ​ພາຍ​ໃນຂອງ​ຫ້ອງການ AMRO, ຮັບ ຮອງ​ເອົາ​ຍຸດ​ທະ​ສາດ​ໄລຍະ​ກາງ​ ທາງ​ດ້ານ​ນະ​ໂຍບາຍ​ຂອງ​ຫ້ອງການ AMRO, ຮັບຮອງ​ເອົາ​ມາດຕະຖານ​ຕົວ​ຊີ້​ວັດ​ ໃນ​ການ​ປະ​ເມີນ​ສະພາບ​ເສດຖະກິດ​ຂອງ​ປະ​ເທດ​ສະມາຊິກ ​ໂດຍ​ສະ​ເພາະ ​ນຳ​ໃຊ້​ໃນ​ການ​ປະ​ເມີນ​ການ​ຂໍ​ເງິນ​ກູ້​ຢືມ ​ຈາກຂອບ​ຂໍ້​ລິ​ເລີ່​ມຊຽງ​ໃໝ່​ແບບ​ຫລາຍ​ຝ່າຍ​(CMIM),ຮັບຮອງ​ເອົາ​ 9 ຕົວ​ຊີ້​ວັດ ​ເພື່ອ​ເປັນ​ເງື່ອນ​ໄຂ​ໃນ​ການ​ເພີ່ມ​ອັດຕາ​ສ່ວນ​ກູ້​ຢືມ​ ທີ່​ບໍ່​ຕິດ​ພັນ​ກັບ​ອົງການ​ຈັດ​ຕັ້ງ​ສາກົນ ​ແລະການ​ກຳນົດ​ພື້ນຖານ​ໃນ​ການ​ປັບປຸງ​ສັນຍາ​ແມ່.

 

ຂ່າວຈາກ: laophatthananewspaper

ບົດຄວາມຫຼ້າສຸດ

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...

ເຈົ້າໜ້າທີ່ ກວດພົບ ອຸປະກອນທວນສັນຍານ ຈາກຕ່າງປະເທດ ມາໃຊ້ຢູ່ ນະຄອນຫລວງວຽງຈັນ

ຕັກເຕືອນ-ອົບຮົມ ພ້ອມຍຶດອຸປະກອນທວນສັນຍານ ຈາກຕ່າງປະເທດ ທີ່ລັກລອບມານຳໃຊ້ຢູ່ໃນນະຄອນຫຼວງວຽງຈັນ. ວັນທີ 19 ສິງຫາ 2025 ເພຈຂ່າວກະຊວງເຕັກໂນໂລຊີ ແລະ ການສື່ສານ ລາຍງານວ່າ: ໃນລະຫວ່າງເດືອນ ມິຖຸນາ ຫາ...

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ...