ເລັດ​ແລ້ວ 80% ຄາດ​ວ່າ​ອີກ 3  ເດືອນ​ຂ້າງ​ໜ້າ​ຈະ​ສຳ­ເລັດ 100% ລວມ​ມູນ​ຄ່າ ໃນ​ການ​ກໍ່­ສ້າງ​ສະ­ໜາມ ດັ່ງ­ກ່າວ​ທັງ​ໝົດ 5 ຕື້​ກີບ ຫຼື ປະ­ມານ 600.000 ໂດ​ລາ​ສະ­ຫະ­ລັດ.

ທ່ານ ທອງ​ຜິວ ສີ​ປັນ­ຍາ ຮອງ ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ  ກີ­ລາ​ແຂວງ​ຂວາງ​ໄດ້​ລາຍ​ງານ​ໃຫ້ ຮູ້​ວ່າ: ເມື່ອ​ທ້າຍ​ອາ­ທິດ​ທີ່​ຜ່ານ​ມາ ທ່ານ  ດຣ. ບົວ​ສອນ ສີ​ນວນ​ທອງ ຮອງ​ເລ­ຂາ​ພັກ​ແຂວງ ຮອງ​ເຈົ້າ ແຂວງ​ຊຽງ​ຂວາງ ພ້ອມ​ດ້ວຍ​ຄະ­ນະ ໄດ້​ລົງ​ກວດ­ກາ​ໂຄງ­ການ​ກໍ່­ສ້າງ​ສະ ໜາມ​ກີ­ລາ​ໂບ​ລິງ​ຢູ່ ບ້ານ​ໂພນ​ມີ​ໄຊ ເມືອງ​ແປກ ແຂວງ​ຊຽງ​ຂວາງ ໂດຍ​ການ​ສຳ​ປະ­ທານ​ກໍ່­ສ້າງ​ຂອງ ທ່ານ ນາງ ຢາງ​ລີ ໂຄງ­ການ​ດັ່ງກ່າວ​ໄດ້​ເລີ່ມ​ລົງ­ມື​ກໍ່­ສ້າງ​ມາ​ແຕ່​ທ້າຍເດືອນ​ຕຸ­ລາ 2015 ປະ­ຈຸ​ບັນ​ມີ​ຄວາມ ຄືບ​ໜ້າ 80% ຄາດ​ວ່າ​ອີກ 3 ເດືອນ ຂ້າງ​ໜ້າ​ຈະ​ສຳ­ເລັດ 100% ລວມ ມູນ​ຄ່າ​ໃນ​ການ​ກໍ່­ສ້າງ 600.000 ໂດ​ລາ​ສະ­ຫະ­ລັດ ຫຼື ປະ­ມານ 5 ຕື້ ກີບ.

ໂຄງ­ການ​ດັ່ງ­ກ່າວ​ນີ້​ແມ່ນ​ຜູ້​ສຳ ປະ­ທານ​ອອກ­ທຶນ​ກໍ່­ສ້າງ​ກ່ອນ 100% ພາຍ​ໃນ​ອາ­ຄານ​ຍັງ​ມີ​ຮ້ານ​ຂາຍ­ເຄື່ອງ ກີ­ລາ​ໂບ​ລິງ, ຫ້ອງ​ອາ­ຫານ​ທົ່ວ​ໄປ, ຫ້ອງ​ອອກ­ກຳ­ລັງ​ກາຍ (ຟິດ​ເນັດ) ພາຍ­ຫຼັງ​ສຳ­ເລັດ​ຈະ​ເປີດ​ພິ­ທີ​ຢ່າງ ເປັນ​ທາງ​ການ​ຈະ​ເຊີນ​ບັນ­ດາ​ສະ​ໂມ ສອນ​ໂບ​ລິງ​ໃນ​ທົ່ວ​ປະ­ເທດ​ມາ​ແຂ່ງ ຂັນ​ຊີງ​ຂັນ​ທ່ານ​ເຈົ້າ­ແຂວງ​ຊຽງ ຂວາງ​ເພື່ອ​ເປັນ​ການ​ຝຶກ​ຊ້ອມ​ໃຫ້ ນັກ­ກີ­ລາ​ຂອງ​ແຂວງ​ນອກ​ນີ້​ຍັງ​ເປັນ ກະ­ກຽມ​ຮັບ​ໃຊ້​ງານ​ມະ­ຫາ​ກຳ​ກີ­ລາ ແຫ່ງ​ຊາດ​ຄັ້ງ​ທີ 11 ທີ່​ແຂວງ​ຊຽງ ຂວາງ​ຮັບ​ກຽດ​ເປັນ​ເຈົ້າ­ພາບ​ໃນ​ປີ 2018.

ພ້ອມ​ກັນ​ນີ້​ການ​ກໍ່­ສ້າງ​ສະ­ໜາມ ກີ­ລາ​ອີກ 7 ແຫ່ງ​ຄື: ເປ​ຕັງ, ໜ້າ​ເກັກ ໝາກ​ຂ່າງ, ບານ­ສົ່ງ, ຍິງ​ປືນ, ລອຍ ນ້ຳ ແລະ ກ໊ອຟ​ທີ່​ໄດ້​ໃຫ້​ບັນ­ດາ​ພາກ ເອ­ກະ​ຊົນ​ເປັນ​ຜູ້​ສຳ​ປະ­ທານ​ກໍ​ໄດ້​ດຳ ເນີນ​ໄປ​ຢ່າງ​ເປັນ​ປົກ­ກະ­ຕິ ແລະ ຄາດ​ວ່າ​ບາງ​ສະ­ໜາມ​ກີ­ລາ​ຈະ​ສຳ ເລັດ​ພາຍ​ໃນ​ປີ​ນີ້​ສ່ວນ​ສະ­ໜາມ​ໃຫຍ່ ເພື່ອ​ນຳ​ໃຊ້​ເຂົ້າ​ໃນ​ການ​ຈັດ​ພິ­ທີ​ເປີດ-ປິດ​ງານ​ມະ­ຫາ​ກຳ​ກີ­ລາ​ແຫ່ງ​ຊາດ​ທີ່ ບ້ານ​ຄັງ​ໜອງ​ຫຼວງ​ເມືອງ​ແປກ​ຄາດ ວ່າ​ຈະ​ສຳ­ເລັດ​ສົມ­ບູນ ໃນ​ທ້າຍ​ປີ 2017.