ໃນງານແລກປ່ຽນວັດທະນະທຳມິດຕະພາບທີ່ບ້ານທ່າເປືອຍ ເມືອງແສບແຂວງພຣະວິເຮຍຣາຊະອານາຈັກກຳປູເຈຍທີ່ຈັດຂຶ້ນໃນ ວັນທີ 25 ມີນາຜ່ານມາແຂວງຈຳປາສັກໄດ້ສົ່ງກີລາເຂົ້າຮ່ວມການ ແຂ່ງຂັນ 4 ປະເພດຄື: ບານສົ່ງ, ເປຕັງ, ຊ່ວງເຮືອ ແລະມວຍ
ໃນກີລາ 4 ປະເພດນັ້ນທີ່ພໍ່ແມ່ປະ ຊາຊົນໃຫ້ຄວາມສົນໃຈຫຼາຍກໍແມ່ນ ກີລາຊ່ວງເຮືອນອກນີ້ກີລາທີ່ໃຫ້ຄວາມນິຍົມບໍ່ເປັນສອງຮອງໃຜກໍ ແມ່ນປະເພດມວຍເຊິ່ງໃນບໍລິເວນ ອ້ອມຮອບສະໝາມມວຍແມ່ນມີສະ ຖານທີ່ກວ້າງຂວາງສາມາດຮອງ ຮັບຜູ້ເຂົ້າຊົມໄດ້ຫຼາຍພັນຄົນ, ແຕ່ພໍ ເລີ່ມເປີດການແຂ່ງຂັນນັກມວຍແຕ່ ລະຝ່າຍໄດ້ຂຶ້ນເວທີສະຖານທີ່ດັ່ງ ກ່າວກໍເຕັມໄປດ້ວຍຜູ້ຄົນມາເບິ່ງມາ ຊົມຢ່າງຄັບຄາໜາແໜ້ນແຕ່ລະຝ່າຍ ໄດ້ສົ່ງນັກກີລາຂອງຕົນເຂົ້າຮ່ວມ ທັງໝົດມີ 5 ຮຸ່ນຄື: ຮຸ່ນນ້ຳໜັກ 51,53,57,61 ແລະ 66 ກິໂລ .
ສຳລັບການແຂ່ງຂັນໃນ 5 ຮຸ່ນ ນັ້ນມວຍທີ່ຄົນເບິ່ງຄົນຊົມອ້ອມຮອບ ສະໝາມມວຍໃຫ້ສຽງເຊຍສະນັ່ນ ຫວັ່ນໄຫວແມ່ນຄູ່ທຳອິດຮຸ່ນນ້ຳໜັກ 51 ກິໂລ ລະຫວ່າງ ທ້າວ ເທືອນກື້ມ ຣຽບ ຢູ່ມູມແດງ ຈາກກຳປູເຈຍແລະມູມຟ້າ ທ້າວ ຄຳມີ ຈາກແຂວງ ຈຳປາສັກຄູ່ນີ້ຊົກກັນມັນສຸດຂີດ ຊຶ່ງ ທັງສອງໄດ້ມີສີໄມ້ລາຍມືພໍໆກັນ ຕ່າງຄົນຕ່າງມີປະສົບການຜ່ານການ ຊົກບົນເວທີມາຫຼາຍຄັ້ງໃນຍົກທີ 1 ຕ່າງຄົນຕ່າງປ່ອຍອາວຸດເດັດໃສ່ກັນ ແບບບໍ່ຢັ້ງມືມີເຕະ, ເຂົ່າ, ສອກ, ໝັດ, ຖີບຢ່າງແຮງໃສ່ກັນຊົກກັນແບບບໍ່ ຢ້ານກົວສັກສີຂອງກັນ ແລະກັນແຕ່ ຍົກ 1-4 ຕາມສາຍຕາຂອງຜູ້ຊົມ ແລະກຳມະການແມ່ນມີຄວາມຫຍຸ້ງ ຍາກໃນການຕັດສິນໃຫ້ຄະແນນແຕ່ ພໍຍົກທີ 5 ຫຼື ວ່າຍົກສຸດທ້າຍ ທ້າວ ຄຳມີຈາກແຂວງຈຳປາສັກ ໄດ້ໃຊ້ໄຫວ ຟີກ ແລະຄວາມສາມາດສ່ວນຕົວ ອອກອາວຸດຍາວດ້ວຍການເຕະ ພ້ອມປ່ອຍໝັດລົບກວນ ແລະຖອຍ ຫຼັງຕັ້ງຮັບເຮັດໃຫ້ນັກມວຍກຳປູເຈຍ ເຂົ້າຫາບໍ່ເຖິງ ແລະໃນຍົກນີ້ເອງ ກ່ອນຈະໝົດຍົກ ຄຳມີ ໄດ້ເຕະເຂົ້າ ສ້ວງອ່ອນພ້ອມປ່ອຍໝັດເຂົ້າທີ່ກົກ ຫູຊ້າຍເຮັດໃຫ້ນັກມວຍກຳປູ ເຈຍລົງ ໄປນອນຢູ່ພື້ນສົ່ງຜົນໃຫ້ກຳມະການ ໄດ້ນັບ 8 ຫຼັງຈາກນັ້ນທັງສອງກໍ່ສູ້ ກັນຕໍ່ຈົນໝົດເວລາກຳມະການກາງ ຈາກກຳປູເຈຍໄດ້ຊູມື ຄຳມີ ຝ່າຍ ລາວເປັນຜູ້ຊະນະຄະແນນໄປແບບ ເອກະສັນກັບກຳມະການໃຫ້ຄະ ແນນອີກທັງ 3 ຄົນ, ສ່ວນອີກ 4 ຄູ່ ກໍຊົກກັນຢ່າງດຸເດືອດເຊັ່ນດຽວກັນ ຊຶ່ງຜົນການຊົກຄູ່ທີ 2,3,4 ແມ່ນຖືກ ນັກມວຍກຳປູເຈຍຊະນະນ໊ອກ ແລະ ຄູ່ທີ 5 ແມ່ນສະເໝີກັນ.
ນອກນີ້ຍັງມີລາຍການແຂ່ງຂັນ ເຮືອຊ່ວງມິດຕະພາບນັດພິເສດລະ ຫວ່າງແຂວງຈຳປາສັກ ສປປ ລາວ ແລະແຂວງພຣະວິເຮຍຣາຊະອານາ ຈັກກຳປູເຈຍ, ຜົນການແຂ່ງຂັນອັນ ດັບທີ 1 ແຂວງພຣະວິເຮຍຣາຊະອາ ນາຈັກກຳປູເຈຍ, ອັນດັບທີ 2 ແຂວງ ຈຳປາສັກ ສປປ ລາວ.
ແຫລ່ງຂ່າວຈາກ: 