ໃນພິທີເຜີຍແຜ່ບົດລາຍງານຄາດຄະເນເສດຖະກິດຂອງທະນາຄານພັດທະນາອາຊີ ADB ເມື່ອມໍ່ໆມານີ້, ນັກເສດຖະສາດ ADB ເປີດເຜີຍວ່າ: ໃນປີ 2015 ຜ່ານມາອັດຕາເງິນຕາທີ່ສຳຄັນໃຊ້ໃນການຄ້າຂາຍຢູ່ ສປປລາວ,ໂດຍສະເພາະແມ່ນ ເງິນກີບໄດ້ອອ່ນຄ່າລົງເມື່ອທຽບໃສ່ເງິນໂດລາສະຫະລັດ 0,7%, ແຕ່ວ່າໄດ້ແຂງຄ່າຂື້ນ 8,3% ທຽບໃສ່ເງິນບາດໄທ, ສຳລັບອັດຕາເງິນເຟີ້ລະເລ່ຍໃນປີ 2015 ແມ່ນຢູ່ໃນລະດັບ 1,3% ຊຶ່ງຖືເປັນອັດຕາທີ່ຕ່ຳທີ່ສຸດໃນຮອບ 6 ປີຜ່ານມາ ແລະ ປັດໄຈທທີ່ເຮັດໃຫ້ອັດຕາເງິນເຟີ້ຂອງປະເທດເຮົາຢູ່ໃນລະດັບຕ່ຳກໍຍ້ອນລາຄານ້ຳມັນ ແລະ ອາຫານໃນທົ່ວໂລກແມ່ນຕ່ຳລົງ, ບວກກັບການເຕີບໂຕຂອງສິນເຊື້ອກໍ່ຕ່ຳລົງ ແລະ ການຄຸ້ມຄອງການເບີກຈ່າຍເງິນປະເທດມີຄວາມຮັດກຸມດີຂື້ນ, ຊຶ່ງທັງໝົດລວມແລ້ວແຕ່ເປັນການປະກອບສ່ວນທີ່ດີ ເພື່ອເຮັດໃຫ້ອັດຕາເງິນເຟີ້ຂອງປະເທດເຮົາຕ່ຳລົງ,ຂະນະທີ່ມັນຍັງສົ່ງຜົນໃຫ້ດຸນການຄ້າລະຫວ່າງປະເທດຂອງລາວດີຂື້ນ,ເຖິງວ່າມູນຄ້າການສົ່ງອອກຂອງລາວຈະຫຼຸດລົງ,ແຕ່ອັດຕາການນ້ຳເຂົ້ກກໍຫຼຸດລົງເຊັ່ນດຽວກັນ,ຍ້ອນລາຄານ້ຳມັນຫລຸດລົງ, ແຕ່ເຖິງຢ່າງໃດກໍຕາມຖ້າຫາກລາຄານ້ຳມັນເພີ່ມຂື້ນກໍອາດຈະສົ່ງຜົນເຮັດໃຫ້ອັດຕາເງິນເຟີຂອງລາວເພີ່ມຂື້ນເຊັ່ນກັນ, ແຕ່ກົງກັນຂ້າມການດຸນການຄ້າລະຫວ່າງປະເທດຂອງລາວຍັງຈະສືບຕໍ່ດີຂື້ນເປັນລຳດັບ.
ແຫລ່ງຂ່າວຈາກ: 