ສຳນັກຂ່າວຕ່າງປະເທດ ລາຍງານໃນວັນທີ 30 ມີນາຜ່ານມານີ້ວ່າ ເຈົ້າໜ້າທີ່ກົມປ່າໄມ້ກຳປູເຈຍ ໄດ້ກວດພົບເຕົ່າເຫລືອງ ຈຳນວນ 102 ໂຕ ແລະ ງູເຫລືອມອີກ 17 ໂຕ ລວມນ້ຳໜັກ 570 ກິໂລ ຈາກຜູ້ລັກລອບຄ້າຂາຍສັດປ່າ ໂດຍສັດປ່າຈຳນວນດັ່ງກ່າວນີ້ ຖືກເຈົ້າໜ້າທີ່ຍຶດໄດ້ຢູ່ແຂວງພຣະຕະບອງ ໃນຂະນະທີ່ກຳລັງຈະຖືກຂົນສົ່ງ ໄປຍັງນະຄອນຫລວງພະນົມເປັນ ແລະ ມີປາຍທາງສົ່ງອອກໄປຂາຍຢູ່ຫວຽດນາມ.
ແນວໃດກໍຕາມ ເຈົ້າໜ້າທີ່ກຳປູເຈຍ ຈະສົ່ງສັດປ່າທີ່ຍຶດໄວ້ທັງໝົດ ປ່ອຍກັບຄືນສູ່ປ່າ ເນື່ອງຈາກເຕົ່າເຫລືອງ ເປັນສັດທີ່ຖືກຈັດຢູ່ໃນໝວດສ່ຽງຕໍ່ການສູນພັນ ແຕ່ກຳລັງປະເຊີນກັບການລ່າເພື່ອຄ້າຂາຍ ເພາະຖືກນິຍົມນຳໄປເຮັດຢາແຜນບູຮານ.
