ດ້ວຍຄວາມພະຍາຍາມຂອງຫຼາຍຄົນ ໂດຍສະເພາະແມ່ນພີ່ນ້ອງສະຫວັນນະເຂດ ທີ່ຢາກໃຫ້ມີໜ່ວຍງານອາສາກູ້ໄພສະຫວັນນະເຂດ ແລະໃນທີ່ສຸດກໍມີຜູ້ໃຈບຸນຫຼາຍຄົນຮ່ວມມືກັນ ແລ້ວເກີດເປັນມູນນິທິອາສາຊ່ວຍເຫຼືອຜູ້ປະສົບໄພສະຫວັນນະເຂດຂຶ້ນ ໂດຍເບື້ອງຕົ້ນໄດ້ມີຜູ້ໃຈດີອອກລົດຕູ້ຄັນໜຶ່ງເປັນພາຫະນະແລ້ວ ແລະກໍໄດ້ເຄື່ອນໄຫວຊ່ວຍເຫຼືອຜູ້ປະສົບໄພມາແລ້ວ ໂດຍສະເພາະແມ່ນການສົ່ງຜູ້ປະສົບໄພໄປໂຮງໝໍ ແຕ່ກໍບໍ່ສາມາດເຮັດຫຍັງໄດ້ຫຼາຍຍ້ອນວ່າຍັງຂາດເຂີນອຸປະກອນທີ່ຈຳເປັນອື່ນໆ ອີກ ນັ້ນກໍຄື:
1. ຕຽງຂາພັບໄດ້ ສຳລັບຂົນສົ່ງຄົນເຈັບຂຶ້ນ-ລົງລົດກູ້ໄພໄດ້ຢ່າງສະດວກ
2. ເຄື່ອງມືສຳລັບຕັດເຫຼັກແລະຖ່າງເຫຼັກໃນເວລາຊ່ວຍເຫຼືອຜູ້ປະສົບໄພທີ່ຕິດຢູ່ໃນລົດ ເຊິ່ງມີລາຄາຂ້ອນຂ້າງແພງຫຼາຍ.
ແລະເຄື່ອງມືອື່ນໆ ທີ່ຈຳເປັນອີກຈຳນວນໜຶ່ງ.
ດັ່ງນັ້ນ, ຈຶ່ງແຈ້ງຂ່າວນີ້ມາຍັງທ່ານຜູ້ໃຈບຸນທັງພາຍໃນແລະຕ່າງປະເທດ ຖ້າທ່ານໃດຫາກມີເງື່ອນໄຂດີ ຢາກສ້າງບຸນກຸສົນຊ່ວຍເຫຼືອຜູ້ສົບເຄາະຮ້າຍກໍສາມາດຕິດຕໍ່ພົວພັນໄປທີ່ໄດ້ທີ່ ມູນນິທິອາສາຊ່ວຍເຫຼືອຜູ້ປະສົບໄພສະຫວັນນະເຂດ ທີ່ໝາຍເລກໂທລະສັບ: 020 2828 5454 ຫຼືຕິດຕໍ່ໄປທີ່ເຟສບຸກ ນາງ ມຸກດາວັນ ສັນຕິພອນ (www.facebook.com/moukdavanyh) ໄດ້.
