ສຳນຂ່າວຕ່າງປະເທດ ລາຍງານໃນວັນທີ 29 ມີນາຜ່ານມານີ້ວ່າ ທ່ານ ອາໂນນ ຟາຍ ປະທານຝ່າຍບໍລິຫານ ສະໜາມບິນສາກົນບຣຸກແຊນ ໄດ້ອອກມາລະບຸວ່າ ສະໜາມບິນບຣຸກແຊນ ອາດຈະເປີດໃຫ້ບໍລິການບາງສ່ວນ ຢ່າງໄວສຸດພາຍໃນວັນພຸດທີ 30 ມີນານີ້ ແຕ່ເປັນການເປີດໃຫ້ບໍລິການພຽງ 20% ຂອງລະດັບປົກກະຕິເທົ່ານັ້ນ ສ່ວນການໃຫ້ບໍລິການສູ່ສະພາວະປົກກະຕິ ແມ່ນອາດຕ້ອງໃຊ້ເວລາອີກຫລາຍເດືອນ ພາຍຫລັງທີ່ສະໜາມບິນແຫ່ງດັ່ງກ່າວ ຖືກມືລະເບີດຂ້າຕົວຕາຍ 2 ຄົນ ໂຈມຕີ ສ້າງຄວາມເສຍຫາຍ ໃຫ້ແກ່ອາຄານຜູ້ໂດຍສານຂາອອກ ເມື່ອວັນອັງຄານທີ 22 ມີນາຜ່ານມາ ພ້ອມໆກັບເຫດການໂຈມຕີ ສະຖານີລົດໄຟບຣຸກແຊນ ສົ່ງຜົນເຮັດໃຫ້ມີຜູ້ເສຍຊີວິດລວມກັນ 35 ຄົນ ຊຶ່ງຖືເປັນເຫດການໂຈມຕີກໍ່ການຮ້າຍ ຄັ້ງຮ້າຍແຮງທີ່ສຸດ ໃນປະຫວັດສາດຂອງປະເທດແບນຊິກ.