spot_img
Homeຂ່າວເຫດການລາວ-ສ.ເກົາຫລີ ຮັດແໜ້ນການຮ່ວມມື ລະຫວ່າງສອງປະເທດ

ລາວ-ສ.ເກົາຫລີ ຮັດແໜ້ນການຮ່ວມມື ລະຫວ່າງສອງປະເທດ

Published on

ຂປລ. ວັນ​ທີ 29 ມີນາ ນີ້ ທີ່ກະຊວງ​ການ​ຕ່າງປະ​ເທດ, ທ່ານ ອາລຸນແກ້ວ ກິດຕິຄຸນ ຮອງລັດຖະມົນຕີ ກະຊວງການຕ່າງປະເທດ ທັງ​ເປັນ​ຫົວໜ້າ​ເຈົ້າໜ້າທີ່​ອາວຸ​ໂສ​ອາຊຽນ ຂອງສປປ ລາວ ​ໄດ້ພົບປະກັບ ທ່ານ KimHyoung-zhin, ຮອງລັດຖະມົນຕີ​​ກະຊວງ​ການຕ່າງປະ​ເທດ ຜູ້​ຮັບຜິດຊອບ​ວຽກງານ​ການ​ເມືອງ ທັງ​ເປັນ​ຫົວໜ້າ​ເຈົ້າໜ້າທີ່​ອາວຸ​ໂສຂອງ ສ ​ເກົາຫລີ ໃນໂອກາດທີ່​ທ່ານ​ເດີນທາງ​ມາ​ຢ້ຽມຢາມ ​ສປປ ລາວ ​​ແຕ່​ວັນ​ທີ 28-30 ມີນານີ້.

​ໃນ​ການ​ພົບ​ປະຄັ້ງນີ້, ສອງ​ຝ່າຍ​ໄດ້​ປຶກສາ​ຫາລື ​ແລະ ແລກປ່ຽນຄຳ​ຄິດ​ຄຳ​ເຫັນກ່ຽວກັບ​ການ​ພົວພັນ ແລະ ຮ່ວມ​ມື ລະຫວ່າງ ອາຊຽນ ​ແລະ ສ ​ເກົາຫລີ, ​ ເຊິ່ງສອງ​ຝ່າ​ຍ​ຕ່າງ​ກໍ​​ໄດ້ສະ​ແດງ​ຄວາມ​ເພິ່ງ​ພໍ​ໃຈ​ ຕໍ່ໝາກຜົນ​ຂອງ​ການ​ຮ່ວມ​ມື​ ອາຊຽນ-ສ ​ເກົາຫລີ ​ຕະລອດ​ໄລຍະທີ່​​ຜ່ານ​ມາ ​ໂດຍ​ສະ​ເພາະ​ແມ່ນ​ດ້ານ​ການ​ຄ້າ, ການ​ລົງທຶນ ​ແລ​ະ ການ​ໄປມາຫາສູ່​ກັນ ​ລະຫວ່າງ ​ປະຊາຊົນ​. ທ່ານ KimHyoung-zhin ​ໄດ້​ຢໍ້າຄືນ​ຄວາມໝາຍໝັ້ນຂອງ ສ ​ເກົາຫລີ ​ໃນ​ການສືບຕໍ່ໃຫ້ການສະໜັບສະໜູນ​ອາຊຽນ ໂດຍ​ຜ່ານ​ການສະໜັ​ບສະໜູນການຈັດຕັ້ງປະຕິບັດ​ວິ​ໄສ​ທັດ​ປະຊາ​ຄົມ​ອາຊຽນ 2025​, ການຮັດ​ແຄບ​ຄວາມ​ແຕກ​ໂຕນ​ດ້ານ​ການ​ພັດທະນາ ​ແລະ ການ​ເຊື່ອມ​ຈອດ​​ໃນ​ພາກພື້ນ. ​ ​ພ້ອມກັນນັ້ນ, ສ ເກົາຫລີ ຍັງໄດ້ໃຫ້ການສະໜັບສະໜູນບັນດາບູລິມະສິດ ໃນການ​ເປັນ​ປະທານ​ອາຊຽນຂອງສປປ ລາວ ​ໃນ​ປີ 2016 ແລະ ເຫັນ​ດີ​ເຮັດ​ວຽກຮ່ວມ​ກັນຢ່າງ​ໃກ້ຊິດ ພາຍ​ໃຕ້​ການ​ເປັນ​ປະທານ​ອາຊຽນຂອງສປປ ລາວ ​ເພື່ອ​ຈັດຕັ້ງປະຕິບັດ​ບັນດາ​ຂໍ້​ຕົກລົງ​ຂອງ​ຜູ້ນຳ ​ແລະ ກິດຈະກຳ​ຮ່ວມ​ຕ່າງໆ​ ໃນ​ແຜນ​ປະຕິ​ບັດ​ງານ ອາຊຽນ-ສ ​ເກົາຫລີ 2016-2020 ​ໃຫ້​​ເກີດ​ດອກ​ອອກ​ຜົ​ນຢ່າງ​ເປັນ​ຮູບ​ປະ​ທຳ. 

ນອກນັ້ນ, ສ ​ເກົາຫລີ ຍັງ​ຈະ​ສືບຕໍ່​ໃຫ້ການສະໜັບສະໜູນ ການ​ສ້າງ​ຂີດ​ຄວາມ​ສາມາດ​ໃນ​ດ້ານ​ຕ່າງໆ​ ໃຫ້​ແກ່​ບັນດາ​ປະ​ເທດ​ລຸ່ມ​ແມ່ນ້ຳຂອງ ​ໂດຍ​ຜ່ານ​ຂອບການ​ຮ່ວມ​ມື​ແມ່ຂອງ-ສ ເກົາຫລີ. ສອງ​ຝ່າຍ​ ຍັງ​ໄດ້​ແລກປ່ຽນຄຳ​ຄິດ​ຄຳ​ເຫັນ ກ່ຽວກັບ​ບັນຫາ​ພາກພື້ນ ​ແລະ ສາກົນ​ຕ່າງໆ​ ລວມທັງ​ບັນຫາ​ແຫລມ​ເກົາຫລີ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...