ໃນ​ແຜນ​ພັດ­ທະ­ນາ​ເສດ ຖະ​ກິດ​ສັງ­ຄົມ ຄັ້ງ​ທີ VIII (2016-2020) ແຂວງ​ໄຊ​ສົມ­ບູນ ມີ​ຄວາມ ຕ້ອງ­ການ​ທຶນ​ທັງ​ໝົດ 3.183 ຕື້ກີບ ກວມ​ເອົາ 44% ຂອງ GDP.

ພ້ອມ​ກັນ​ນັ້ນ ລວມ​ຍອດ​ຜະ­ລິດ ຕະ​ພັນ​ພາຍ​ໃນ​ໃຫ້​ບັນ­ລຸ 1.447 ຕື້ກີບ ​ໃນ​ປີ 2020, ລາຍ​ໄດ້ (GDP) ຕໍ່​ຫົວ​ຄົນ​ໃຫ້​ບັນ­ລຸ 15 ລ້ານ​ກວ່າກີບ ຫຼື ປະ­ມານ 1.933 ໂດ​ລາສະ­ຫະ­ລັດ, ໃນ​ນັ້ນ ຂະ­ແໜງ​ກະ​ສິ ກຳ-ປ່າ­ໄມ້ ເພີ່ມ​ຂຶ້ນ 11,5% ກວມ​ເອົາ 37,3% ຂອງ GDP, ຂະ­ແໜງ​ອຸດ­ສາ­ຫະ­ກຳ ເພີ່ມ​ຂຶ້ນ 12% ກວມ​ເອົາ 39,9% ຂອງ GDP ແລະ​ຂະ­ແໜງ­ການ​ບໍ­ລິ­ການ ເພີ່ມ​ຂຶ້ນ 12,5%  ກວມ​ເອົາ  22,8%  ຂອງ GDP.

ສຳ­ລັບ​ການ​ລົງ­ທຶນ ແຂວງ​ມີ ຄວາມ​ຕ້ອງ­ການ​ທຶນ​ທັງ​ໝົດ​ໃນ 5 ປີ 3.183 ຕື້​ກີບ ກວມ​ເອົາ 44% ຂອງ GDP ຫຼື​ມີ​ຄວາມ ຕ້ອງ­ການ​ທຶນ​ສະ­ເລ່ຍ 637 ຕື້​ກີບຕໍ່​ປີ, ໃນ​ນັ້ນ ການ​ລົງ­ທຶນ​ຈາກ​ງົບ ປະ­ມານ​ຂອງ​ລັດ​ປະ­ມານ 300 ຕື້ ກີບ ກວມ​ເອົາ 9,42%(ສະ­ເລ່ຍ 60 ຕື້​ກີບ​ຕໍ່​ປີ),  ທຶນ​ຊ່ວຍ​ເຫຼຶອ​ລ້າ ແລະ​ກູ້​ຢືມ 75 ຕື້​ກີບ ຫຼື 9,5 ລ້ານໂດ​ລາ​ສະ­ຫະ­ລັດ ກວມ​ເອົາ 2,35%  (ສະ­ເລ່ຍ 15 ຕື້​ກີບ ຫຼື 1,86 ລ້ານໂດ​ລາ​ສະ­ຫະ­ລັດ​ຕໍ່​ປີ), ທຶນ​ເອ­ກະ ຊົນ​ພາຍ​ໃນ ແລະ​ຕ່າງ­ປະ­ເທດ 2.570 ຕື້​ກວ່າ​ກີບ​ຕໍ່​ປີ ຫຼື 319 ລ້ານ ກວ່າ​ໂດ​ລາ ກວມ​ເອົາ 80,75%   (ສະ­ເລ່ຍ 514 ຕື້​ກວ່າ​ກີບ​ຕໍ່​ປີ ຫຼື 63,8 ລ້ານ​ໂດ​ລາ​ສະ­ຫະ­ລັດ), ສິນ​ເຊື່ອ​ທະ­ນາ­ຄານ 225 ຕື້​ກີບ​ຕໍ່ປີ ກວມ​ເອົາ 7,06% ຂອງ​ທຶນ ທັງ​ໝົດ (ສະ­ເລ່ຍ 45 ຕື້​ກີບ​ຕໍ່​ປີ) ແລະ​ການ​ລົງ­ທຶນ​ຈາກ​ປະ­ຊາ­ຊົນ 12,5 ຕື້​ກີບ​ເທົ່າ​ກັບ 0,39%( ສະ­ເລ່ຍ 2,5 ຕື້​ກີບ).

ນອກ​ນັ້ນ ການ​ເກັບ​ລາຍ​ຮັບ- ຈ່າຍ​ງົບ­ປະ­ມານ​ລາຍ​ຮັບ​ພາຍ​ໃນ ໃຫ້​ເພີ່ມ​ຂຶ້ນ 10% ຕໍ່​ປີ, ໃນ​ໄລ­ຍະ 5 ປີ ແລະ​ຮອດ​ປີ 2020 ໃຫ້​ບັນ ລຸ​ໄດ້​ປະ­ມານ 145 ຕື້​ກີບ ແລະ ການ​ຄຸ້ມ​ຄອງ​ລາຍ​ຈ່າຍ​ງົບ​ປະ ມານ​ໃຫ້​ເພີ່ມ​ຂຶ້ນ​ຢູ່​ໃນ​ລະ­ດັບ 5% ຕໍ່​ປີ ແລະ​ຮອດ​ປີ 2020 ໃຫ້​ຢູ່​ໃນ ລະ­ດັບ 155 ຕື້​ກວ່າ​ກີບ.