ເຊັກສ໌ຊ່ວຍລຸດຄວາມຕຶງຄຽດໄດ້
ເນື່ອງຈາກຕ່າງຄົນຕ້ອງພົບບັນຫາກວນໃຈຈາກວຽກງານມາໝົດມື້ ຈົນເຮັດໃຫ້ເກີດຄວາມຄຽດສະສົມ ການມີເຊັກສ໌ຄົງເປັນທາງເລືອກໜຶ່ງທີ່ຊ່ວຍຜ່ອນຄາຍສະໝອງ ເພາະໃນລະຫວ່າງການບັນເລງເພງຮັກນັ້ນ ຮ່າງກາຍຈະລັ່ງສານ ໂດປາມິນ ແລະ ອັອກຊີໂທຊິນ ທີ່ຊ່ວຍກຳຈັດຄວາມຕຶງຄຽດໄດ້ດີທີ່ສຸດອອກມາ.
ສ້າງຄວາມໄວ້ວາງໃຈໃຫ້ແກ່ກັນ
ເມື່ອຄູ່ຮັກໄດ້ມີການຮ່ວມເພດກັນແລ້ວ ຈະມີຄວາມຮັກ ແລະ ຄວາມຮູ້ສຶກໄວ້ວາງໃຈກັນຫຼາຍຂຶ້ນ ເຊິ່ງຈະເຮັດໃຫ້ຄວາມສຳພັນແໜ້ນແຟ້ນກ່ວາຕອນບໍ່ທັນມີຫຍັງກັນເທື່ອ.
ເປັນວິທີອອກກຳລັງກາຍທີ່ສຸດຍອດ
ບໍ່ພຽງແຕ່ຊ່ວຍລຸດຄວາມຕຶງຄຽດແລ້ວ ເຊັາສ໌ຍັງຊ່ວຍເຜົາຜານແຄຣລໍລີໄດ້ອີກ ເພາະການຮ່ວມຮັກໃນແຕ່ລະຄັ້ງ ອະໄວຍະວະສ່ວນຕ່າງໆຂອງຮ່າງກາຍທັງສອງຄົນຈະມີການເຄື່ອນໄຫວຕໍ່ເນື່ອງໄປພ້ອມໆກັນ ສົ່ງຜົນໃຫ້ຫົວໃຈສູບສີດເລືອດໄດ້ດີ ແລະ ເລັ່ງການຫາຍໃຈໄວຂຶ້ນ ຫາກທ່ານກັບແຟນມີເຊັກສ໌ເປັນປະຈຳອາທິດລະ 3 ຄັ້ງ ກໍ່ຈະເຜົາຜານພະລັງງານໄດ້ເຖິງ 7,500 ແຄຣລໍລີຕໍ່ປີ.
ຊ່ວຍສ້າງຄວາມເຂົ້າໃຈໂດຍບໍ່ຕ້ອງໃຊ້ຄຳເວົ້າ
ຖືເປັນພາສາກາຍຮູບແບບໜຶ່ງທີ່ຊ່ວຍໃຫ້ຄູ່ຮັກໄດ້ເຂົ້າໃຈກັນເລິກເຊິ່ງກ່ວາການລົມກັນແບບປົກກະຕິ ເພາະການຮ່ວມຮັກຈະມີການສຳພັດທາງກາຍໂດຍກົງ ພຶດຕິກຳເຫຼົ່ານີ້ຈະຊ່ວຍໃຫ້ຄົນທັງສອງເຂົ້າໃຈກັນຫຼາຍຂຶ້ນ ທັງເລື່ອງເທິງຕຽງ ແລະ ເລື່ອງອື່ນໆ.
ເຊັກສ໌ເຮັດໃຫ້ອາລົມດີຂຶ້ນ
ຫາກທ່ານແລະຄົນຮັກຮູ້ສຶກເບື່ອໜ່າຍກັບເລື່ອງຕ່າງໆ ທີ່ເກີດຂຶ້ນຢູ່ຮອບຕົວ ການມີເຊັກສ໌ຈະເຮັດໃຫ້ທັງສອງອາລົມດີຂຶ້ນທັນທີ ເພາະເປັນການກະຕຸ້ນສະໝອງໃຫ້ປ່ອຍສານອິນໂດຟິນອອກມາ ເຊິ່ງສານດັ່ງກ່າວເປັນສານແຫ່ງຄວາມສຸກນັ້ນເອງ.
ເຮັດໃຫ້ເບິ່ງຄືຍັງໜຸ່ມໄດ້ຢ່າງບໍ່ໜ້າເຊື່ອ
ດຣ. ເດວິດ ວີດສ໌ ນັກວິໄຈຊາວອັງກິດບອກວ່າ ການມີເຊັກສ໌ກັບຄົນຮັກທີ່ຢູ່ກິນນຳກັນຢ່າງໜ້ອຍ 3 ວັນຕໍ່ອາທິດ ຈະເຮັດໃຫ້ຄົນທັງສອງເບິ່ງອາຍຸອ່ອນກ່ວາໄວ ນອກຈາກນີ້ຍັງບໍ່ອີກວ່າ ຍິ່ງຄູ່ຮັກມີຄວາມເພິ່ງພໍໃຈໃນການມີເຊັກສ໌ຫຼາຍເທົ່າໃດ ກໍ່ຈະຊ່ວຍໃຫ້ມີຄວາມສຸກດ້ວຍກັນຫຼາຍຂຶ້ນເທົ່ານັ້ນ.
ເຊັກສ໌ຊ່ວຍກະຕຸ້ນພູມຄຸ້ມກັນຂອງຮ່າງກາຍ
ຜົນສຳຫຼວດທີ່ໜ້າສົນໃຈຈາກ Wilkes University ໃນປະເທດສະຫະລັດອາເມລິການບອກວ່າ ຄົນທີ່ມີເຊັກສ໌ອາທິດລະ 2 ຄັ້ງ ຈະມີສານແອນຕີບໍດີໃນຮ່າງກາຍຫຼາຍກ່ວາຄົນທີ່ບໍ່ມີກິດຈະກຳດັ່ງກ່າວ ໂດຍສານຕົວນີ້ຈະໄປກະຕຸ້ນລະບົບພູມຄຸ້ມກັນໃນຮ່າງກາຍ ຊ່ວຍປ້ອງກັນບໍ່ໃຫ້ເປັນພະຍາດຕ່າງໆໄດ້ງ່າຍ ບໍ່ພຽງເທົ່ານັ້ນ ຄົນທີ່ມີເຊັກສ໌ເລື່ອຍໆ ຈະຊ່ວຍໃຫ້ສຸຂະພາບດີຂຶ້ນອີກດ້ວຍ.
ມີສຸກຂະພາບດີດ້ວຍເຊັກສ໌
ຜົນການສຶກສາຂອງ Harvard Medical School ລະບຸວ່າການທີ່ຜູ້ຊາຍເຖິງຈຸດສຸດຍອດເປັນປະຈຳ ຈະຊ່ວຍລຸດຄວາມສ່ຽງທີ່ຈະເກີດໂຣກມະເຮັງຕ່ອມອັນທະໄດ້ເຖິງ 22% ຈາກງານວິໄຈຂອງເວັບໄຊ໌ plannedparenthood ຍັງພົບວ່າເຊັກສ໌ຊ່ວຍລຸດການປວດປະຈຳເດືອນຂອງແມ່ຍິງໄດ້ເຊັ່ນດຽວກັນ.
ເຊັກສ໌ຊ່ວຍເສີມຄວາມແຂງແຮງໃຫ້ກ້າມເນື້ອສະໂພກ
ເວັບໄຊ໌ National Health Service ປະເທດອັງກິດບອກວ່າ ປະໂຫຍດຂອງເຊັກສ໌ນອກເໜືອຈາກການບໍລິຫານກ້າມເນື້ອສ່ວນອື່ນໆແລ້ວ ຍັງຊ່ວຍສ້າງຄວາມແຂງແຮງໃຫ້ກ້າມເນື້ອສະໂພກຂອງແມ່ຍິງ ແລະ ຜູ້ຊາຍ ເຊິ່ງສົ່ງຜົນໃຫ້ມີເຊັກສ໌ໄດ້ດີຍິ່ງຂຶ້ນ.