ສຳນັກຂ່າວຕ່າງປະເທດ ລາຍງານວ່າ ຕະຫລາດຫລັກຊັບຢາງກຸງ (YSX) ຕະຫລາດຫລັກຊັບແຫ່ງທຳອິດຂອງມຽນມາ ໄດ້ເປີດຊື້-ຂາຍຢ່າງເປັນທາງການ ໃນວັນທີ 25 ມີນາ 2016 ຜ່ານມານີ້ ໂດຍມີບໍລິສັດເຂົ້າຈົດທະບຽນຊື້-ຂາຍ ພຽງບໍລິສັດດຽວຄື First Myanmar Investment ຊຶ່ງເປັນໜຶ່ງໃນບໍລິສັດລາຍໃຫຍ່ຂອງປະເທດ ທີ່ມີຮຸ້ນໃນພາກອຸດສາຫະກຳການບິນ ແລະ ສຸຂະພາບ ດ້ວຍລາຄາເລີ່ມຕົ້ນຊື້ຂາຍທີ່ 26,000 ຈາດ ຫລື ປະມານ 21.50 ໂດລາ.
ທັງນີ້ ຍັງມີອີກຫລາຍບໍລິສັດ ທີ່ໄດ້ຮັບການອະນຸມັດເຂົ້າຈົດທະບຽນ ແຕ່ຍັງຢູ່ໃນຂັ້ນຕອນສຸດທ້າຍ ຊຶ່ງຄາດວ່າຈະເຂົ້າຊື້-ຂາຍ ໃນອີກບໍ່ດົນນີ້, ແນວໃດກໍຕາມ ຕະຫລາດຫລັກຊັບຢາງກຸງ ເປີດໃຫ້ບໍລິການສະເພາະນັກລົງທຶນ ແລະ ບໍລິສັດພາຍໃນປະເທດເທົ່ານັ້ນ ແຕ່ຕະຫລາດດັ່ງກ່າວ ມີແຜນຈະອະນຸຍາດໃຫ້ຕ່າງປະເທດ ເຂົ້າມາມີສ່ວນຮ່ວມໃນອານາຄົດ.