ສຳນັກຂ່າວຕ່າງປະເທດ ລາຍງານໃນວັນທີ 28 ມີນານີ້ວ່າ ເກີດເຫດລະເບີດທີ່ສວນສາທາລະນະ ໃຈກາງເມືອງລາຮໍ ປະເທດປາກີສະຖານ ໃນວັນອາທິດທີ 27 ມີນາຜ່ານມາ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 65 ຄົນ ແລະ ບາດເຈັບອີກ ກວ່າ 200 ຄົນ.  ເຫດລະເບີດດັ່ງກ່າວ ເກີດຂຶ້ນໃນເວລາຫົວຄ່ຳ ຊຶ່ງບໍລິເວນສວນສາທາລະນະ ຈຸດເກີດເຫດ ແມ່ນມີຜູ້ຄົນໜາແໜ້ນ ໂດຍເຈົ້າໜ້າທີ່ຕຳຫລວດປາກີສະຖານຄາດວ່າ ອາດເປັນລະເບີດຂ້າຕົວຕາຍ ມຸ່ງເປົ້າໂຈມຕີຄອບຄົວຊາວຄຣິສ ທີ່ພາກັນອອກມາສະເຫລີມສະຫລອງ ເທດສະການວັນອີສເຕີ.